Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Tika Nipaato
XII: Kesi Vagga

12: Kesi vaggo

Sutta 111

Kesi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1995 Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

2. Atha kho Kesi assadammasaarathii yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho Kesi.m assadammasaarathi.m Bhagavaa etad avoca:|| ||

2. "Tva.m ca khvaasi, Kesi, sa~n~naato assadammasaarathi.|| ||

Katha.m ca pana tva.m Kesi, assadamma.m vinesii" ti?|| ||

"Aha.m kho bhante assadamma.m sa.nhena pi vinemi,||
pharusena pi vinemi,||
sa.nhapharusena pi vinemii" ti.|| ||

Sace te Kesi, assadammo sa.nhena pi vinaya.m na upeti,||
pharusena pi vinaya.m na upeti,||
sa.nhapharusena pi vinaya.m na upeti,||
kinti na.m karosiiti?|| ||

Sace me bhante assadammo sa.nhena vinaya.m na upeti,||
pharusenai vinaya.m na upeti,||
sa.nahapharusena vinaya.m na upeti,||
hanaami na.m bhante.|| ||

Ta.m kissa hetu?|| ||

Maa me aacariyakulassa ava.n.no ahosii ti.|| ||

Bhagavaa pana bhante anuttaro purisadammasaarathi,||
katha.m pana bhante Bhagavaa purisadamma.m vinetiiti?|| ||

3. Aha.m kho Kesi, purisadamma.m sa.nhena pi vinemi,||
pharusena pi vinemi,||
sa.nhapharusena pi vinemi.|| ||

Tatr'ida.m Kesi, sa'nhasmi.m:|| ||

Iti kaayasucarita.m,||
iti kaayasucaritassa vipaako.|| ||

Iti vaciisucarita.m,||
iti vaciisucaritassa vipaako.|| ||

Iti manosucaritaca.m,||
iti manosucaritassa vipako.|| ||

Iti devaa,||
iti manussaa.|| ||

Tatr'ida.m Kesi, pharusasmi.m:|| ||

Iti kaayaduccarita.m,||
iti kaayaduccaritassa vipaako.|| ||

Iti vaciiduccarita.m,||
iti vaciiduccaritassa vipaako.|| ||

Iti manoduccarita.m||
iti manoduccaritassa vipaako.|| ||

Iti nirayo,||
iti tiracchaanayoni,||
iti pettivisayo.|| ||

Tair'ida.m Kesi, sa.nhapharusasmi.m:|| ||

Iti kaayasucarita.m,||
iti kaayasucaritassa vipaako.|| ||

Iti kaayaduccarita.m,||
iti kaayaduccaritassa vipaako.|| ||

Iti vaciisucarita.m,||
iti vaciisucaritassa vipaako.|| ||

Iti vaciduccarita.m,||
iti vaciiduccaritassa vipaako.|| ||

Iti manosucarita.m,||
iti manosucaritassa vipaako.|| ||

Iti manoduccarita.m,||
iti manoduccaritassa vipaako.|| ||

Iti devaa, iti manussaa,||
iti nirayo,||
iti tiracchaanayoni,||
iti pettivisayoti.|| ||

Sace te bhante purisadammo sa.nhena vinaya.m na upeti,||
[113] pharusena vinaya.m na upeti,||
sa.nhapharusena vinaya.m na upeti,||
kinti na.m Bhagavaa karotii ti?|| ||

Sace me Kesi, purisadammo sa.nhena vinaya.m na upeti,||
pharusena vinaya.m na upeti,||
sa.nhapharusena vinaya.m na upeti,||
hanaami na.m Kesiti.|| ||

4. Na kho bhante Bhagavato paa.naatipaato kappati.|| ||

Atha ca pana Bhagavaa evam aaha -||
hanaami na.m Kesiti.|| ||

Sacca.m Kesi, na Tathaagatassa paa.naatipaato kappati.||
Api ca so purisadammo sa.nhena vinaya.m na upeti,||
pharusena vinaya.m na upeti,||
sa.nhapharusena vinaya.m na upeti,||
na Tathaagato vattabba.m anusaasitabba.m ma~n~nati.|| ||

Na pi vi~n~nuu sabrahmacaarii vattabba.m anusaasitabba.m ma~n~nanti.|| ||

Vadho hesa Kesi,||
ariyassa vinaye ya.m na Tathaagato vattabba.m anusaasitabba.m ma~n~nati.|| ||

Na pi vi~n~nuu sabrahmacaarii vattabba.m anusaasitabba.m ma~n~nantii ti.|| ||

So hi nuuna bhante sugatahato hoti ya.m na Tathaagato vattabba.m anusaasitabba.m ma~n~nati.|| ||

Na pi vi~n~nuu sabrahmacaarii vattabba.m anusaasitabba.m ma~n~nantii ti.|| ||

Abhikkanta.m bhante, abhikkanta.m bhante!|| ||

Seyyathaa pi bhante, nikkujjita.m vaa ukkujjeyya, pa.ticchanna.m vaa vivareyya, muu.lhassa vaa magga.m aacikkheyya, andhakaare vaa telapajjota.m dhaareyya, cakkhumanto ruupaani dakkhintii ti.|| ||

Evam eva.m Bhagavataa aneka-pariyaayena dhammo pakaasito, esaaha.m Bhagavanta.m sara.na.m gacchaami dhamma.m ca bhikkhusa.mgha.m ca.|| ||

Upaasaka.m ma.m bhante Bhagavaa dhaaretu ajjatagge paa.nupeta.m sara.na.m gatanti.|| ||

 


Contact:
E-mail
Copyright Statement