Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Tika Nipaato
XII: Kesi Vagga

Sutta 114

Naaga Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Catuhi bhikkhave a'ngehi samannaagato ra~n~no naago raajaaraho hoti raajabhoggo ra~n~no a'ngan t'eva sa'nkha.m gacchati.|| ||

Katamehi catuhi?|| ||

Idha, bhikkhave, ra~n~no naago sotaa ca hoti||
hantaa ca||
khantaa ca||
gantaa ca.|| ||

2. Katha~n ca bhikkhave ra~n~no naago sotaa hoti?|| ||

Idha bhikkhave ra~n~no naago yam ena.m hatth'idammasaarathii kaara.na.m kaareti yadi vaa katapubba.m yadi vaa akatapubba.m,||
ta.m a.t.thikatvaa manasi katvaa sabba.m cetaso samannaaharitvaa ohitasoto su.naati.|| ||

Eva.m kho bhikkhave ra~n~no naago sotaa hoti.|| ||

3. Katha~n ca bhikkhave ra~n~no naago hantaa hoti?|| ||

Idha, bhikkhave, ra~n~no naago sa'ngaamagato hatthim pi hanti hatthaaruham pi hanti assam pi hanti assaaruham pi [117] hanti ratham pi hanti rathikam pi hanti pattikam pi hanti.|| ||

Eva.m kho bhikkhave ra~n~no naago hantaa hoti.|| ||

4. Katha~n ca bhikkave ra~n~no naago khantaa hoti?|| ||

Idha, bhikkhave, ra~n~no naago sa'ngaamagato khamo hoti sattippahaaraana.m asippahaaraana.m usippahaaraana.m pharasuppahaaraana.m bheripa.nava-sa'nkhati.na-vaninnaa-dasaddaana.m.|| ||

Eva.m kho bhikkhave ra~n~no naago khantaa hoti.|| ||

5. Katha~n ca bhikkhave ra~n~no naago gantaa hoti?|| ||

Idha, bhikkhave, ra~n~no naago yam ena.m hatth'idammasaarathii disa.m peseti yadi vaa gatapubba.m yadi vaa agatapubba.m,||
khippa.m yeva gantaa hoti.|| ||

Eva.m kho bhikkhave ra~n~no naago gantaa hoti.|| ||

Imehi kho bhikkhave catuhi a'ngehi samannaagato ra~n~no naago raajaaraho hoti raajabhoggo ra~n~no a'ngan t'eva sa'nkha.m gacchati.|| ||

6. Evam eva kho bhikkhave catuhi dhammehi samannaagato bhikkhu aahuneyyo hoti paahu.neyyo,||
dakkhi.neyyo,||
a~njalikara.niiyo,||
anuttara.m pu~n~nakkhetta.m lokassa.|| ||

Katamehi catuhi?|| ||

Idha, bhikkhave, bhikkhu sotaa ca hoti||
hantaa ca||
khantaa ca||
gantaa ca.|| ||

7. Katha~n ca bhikkhave bhikkhu sotaa hoti?|| ||

Idha, bhikkhave, bhikkhu Tathaagatappavedite dhamma-vinaye desiyamaane a.t.thiikatvaa manasi katvaa sabba.m cetaso samannaaharitvaa ohitasoto dhamma.m su.naati.|| ||

Eva.m kho bhikkhave bhikkhu sotaa hoti.|| ||

8. Katha~n ca bhikkhave bhikkhu hantaa hoti?|| ||

Idha, bhikkhave, bhikkhu uppanna.m kaamavitakka.m naadhivaaseti pajahati vinodeti vyantiikaroti anabhaava.m gameti.|| ||

Uppanna.m vyaapaadavitakka.m naadhivaaseti pajahati vinodeti vyantiikaroti anabhaava.m gameti.|| ||

Uppanna.m vihi.msaavitakka.m naadhivaaseti pajahati vinodeti vyantiikaroti anabhaava.m gameti.|| ||

Uppannuppanne paapake akusale dhamme naadhivaaseti pajahati vinodeti vyantiikaroti anabhaavaa.m gameti.|| ||

Eva.m kho bhikkhave bhikkhu hantaa hoti.|| ||

9. Katha~n ca bhikkhave bhikkhu khantaa hoti?|| ||

Idha, bhikkhave, bhikkhu khamo hoti siitassa u.nhassa jighacchaaya pipaasaaya .da.msamakasavaataata-pasiri.msapasamphassaana.m duruttaana.m duraagataana.m vacanapathaana.m,||
up- [118] pannaana.m saariirikaana.m vedanaana.m dukkhaana.m tippaana.m kharaana.m ka.tukaana.m asaataana.m amanaapaana.m paa.naharaana.m adhivaasikajaatiko hoti.|| ||

Eva.m kho bhikkhave bhikkhu khantaa hoti.|| ||

10. Katha~n ca bhikkhave bhikkhu gantaa hoti?|| ||

Idha, bhikkhave, bhikkhu yaa disaa agatapubbaa iminaa diighena addhunaa yad ida.m sabbasankhaarasamatho sabbuupadhipa.tinissaggo ta.nhakkhayo viraago nirodho nibbaana.m,||
ta.m khippa.m yeva gantaa hoti.|| ||

Eva.m kho bhikkhave bhikkhu gantaa hoti.|| ||

Imehi kho bhikkhave catuhi dhammehi samannaagato bhikkhu aahuneyyo hoti paahu.neyyo,||
dakkhi.neyyo,||
a~njalikara.niiyo,||
anuttara.m pu~n~nakkhetta.m lokassaa" ti.|| ||

 


Contact:
E-mail
Copyright Statement