Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Tika Nipaato
XII: Kesi Vagga

Sutta 115

.Thaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaar'imaani bhikkhave .thaanaani.|| ||

Katamaani cattaari?|| ||

Atthi bhikkhave .thaana.m amanaapa.m kaatu.m,||
ta~n ca kayiramaana.m anatthaaya sa.mvattati.|| ||

Atthi bhikkhave .thaana.m amanaapa.m kaatu.m,||
ta~n ca kayiramaana.m atthaaya sa.mvattati.|| ||

Atthi bhikkhave .thaana.m manaapa.m kaatu.m,||
ta~n ca kayiramaana.m anatthaaya sa.mvattati.|| ||

Atthi bhikkhave .thaana.m manaapa.m kaatu.m,||
ta~n ca kayiramaana.m atthaaya sa.mvattati.|| ||

Tatra, bhikkhave, yam ida.m .thaana.m amanaapa.m kaatu.m,||
ta~n ca kayiramaana.m anatthaaya sa.mvattati,||
ida.m bhikkhave .thaana.m ubhayen'eva na kattabba.m ma~n~nati.|| ||

Yampida.m .thaana.m amanaapa.m kaatu.m,||
iminaapi ta.m na kattabba.m ma~n~nati.|| ||

Yampida.m .thaana.m kayiramaana.m anatthaaya sa.mvattati,||
iminaapi na kattabba.m ma~n~nati.|| ||

Ida.m, bhikkhave, .thaana.m ubhayen'eva na kattabba.m ma~n~nati.|| ||

Tatra, bhikkhave, yam ida.m .thaana.m amanaapa.m kaatu.m,||
ta~n ca kayiramaana.m atthaaya sa.mvattati,||
imasmi.m bhikkhave .thaane baalo ca pa.n.dito ca veditabbo purisatthaame purisaviriye purisaparakkame.|| ||

Na bhikkhave baalo iti pa.tisacikkhati,||
'ki~ncaapi kho ida.m .thaana.m amanaapa.m kaatu.m,||
atha carah'ida.m .thaana.m kayiramaana.m atthaaya sa.mvattatii' ti.|| ||

So ta.m .thaana.m na karoti.|| ||

Tassa ta.m .thaana.m akayiramaana.m anatthaaya sa.mvattati.|| ||

Pa.n.dito ca kho bhikkhave iti pa.tisa.mcikkhati:||
'ki~ncaapi kho ida.m .thaana.m amanaapa.m kaatu.m,||
atha [119] carah'ida.m .thaana.m kayiramaana.m atthaaya sa.mvattatii' ti.|| ||

So ta.m .thaana.m karoti.|| ||

Tassa ta.m .thaana.m kayiramaana.m atthaaya sa.mvattatii ti.|| ||

Tatra, bhikkhave, yam ida.m .thaana.m manaapa.m kaatu.m,||
ta~n ca kayiramaana.m anatthaaya sa.mvattati.|| ||

Imasmimpi bhikkhave .thaane baalo ca pa.n.dito ca veditabbo purisatthaame purisaviriye purisaparakkame.|| ||

Na bhikkhave baalo iti pa.tisa.mcikkhati: 'ki~ncaapi kho ida.m .thaana.m manaapa.m kaatu.m,||
atha carah'ida.m .thaana.m kayiramaana.m anatthaaya sa.mvattatii' ti.|| ||

So ta.m .thaana.m karoti.|| ||

Tassa ta.m .thaana.m kayiramaana.m anatthaaya sa.mvattati.|| ||

Pa.n.dito ca kho bhikkhave iti pa.tisa.mcikti:||
'ki~ncaapi kho ida.m .thaana.m manaapa.m kaatu.m,||
atha carah'ida.m .thaana.m kayiramaana.m anatthaaya sa.mvattatii' ti.|| ||

So ta.m .thaana.m na karoti.|| ||

Tassa ta.m .thaana.m akayiramaana.m atthaaya sa.mvattati.|| ||

Tatra, bhikkhave, yam ida.m .thaana.m manaapa.m kaatu.m,||
ta~n ca kayiramaana.m atthaaya sa.mvattati,||
ida.m bhikkhave .thaana.m ubhayen'eva kattabba.m ma~n~nati.|| ||

Yampida.m .thaana.m manaapa.m kaatu.m,||
iminaapi ta.m kattabba.m ma~n~nati.|| ||

Yampida.m .thaana.m kayiramaana.m atthaaya sa.mvattati,||
iminaapi ta.m kattabba.m ma~n~nati.|| ||

Ida.m, bhikkhave, .thaana.m ubhayen'eva kattabba.m ma~n~nati.|| ||

Imaani kho bhikkhave cattaari .thaanaaniiti.|| ||

 


Contact:
E-mail
Copyright Statement