Aṅguttara Nikāya
Catukka Nipāta
XIII: Bhaya Vagga
Sutta 122
Udakoroha-Bhaya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Cattār'imāni bhikkhave bhayāni udakorohantassa pāṭikaṅkhitabbāni.|| ||
Katamāni cattāri?|| ||
Umi-bhayaṃ,||
kumbhīla-bhayaṃ,||
āvaṭṭa-bhayaṃ,||
susukā-bhayaṃ.|| ||
Imāni kho bhikkhave cattāri bhayāni udakorohantassa pāṭikaṅkhitabbāni.|| ||
■
3. Evam eva kho bhikkhave idh'ekacce kula-putte imasmiṃ Dhamma-Vinaye saddhā agārasmā anagāriyaṃ pabba-jite cattāri bhayāni pāṭikaṅkhitabbāni.|| ||
Katamāni cattāri?|| ||
Umi-bhayaṃ,||
kumbhīla-bhayaṃ,||
āvaṭṭa-bhayaṃ,||
susukā-bhayaṃ.|| ||
■
4. Katamañ ca bhikkhave umi-bhayaṃ?|| ||
Idha, bhikkhave, ekacco kula-putto saddhā agārasmā anagāriyaṃ pabba-jito hoti:|| ||
'Otiṇṇo'mhi jātiyā jarāya,||
maraṇena,||
sokehi paridevehi dukkhehi domanassehi upāyāsehi,||
dukkh'otiṇṇo dukkha-pareto,||
app'eva nāma imassa kevalassa dukkha-k-khandhassa antakiriyā paññāyethā' ti.|| ||
Tam enaṃ tathā pabba-jitaṃ samānaṃ sabrahma-cārī ovadanti anusasanti:|| ||
'Evaṃ te abhi-k-kamitabbaṃ.|| ||
Evaṃ te paṭikkamitabbaṃ.|| ||
Evaṃ te [124] āloketabbaṃ.|| ||
Evaṃ te viloketabbaṃ.|| ||
Evaṃ te sammiñjitabbaṃ.|| ||
Evaṃ te pasāritabbaṃ.|| ||
Evaṃ te saṅghāṭipatta-cīvaraṃ dhāretabban' ti.|| ||
Tass'evaṃ hoti:|| ||
'Mayaṃ kho pubbe agāriya-bhutā samānā aññe ovadāma pi anusāsāma pi.|| ||
Ime pan'amhākaṃ puttamattā maññe,||
nattamattā maññe,||
ovaditabbaṃ anusāsitabbaṃ maññantī' ti.|| ||
So kupito anatta-mano sikkhaṃ pacca-k-khāya hīnāy-āvattati.|| ||
Ayaṃ vuccati bhikkhave bhikkhu umi-bhayassa bhīto sikkhaṃ pacca-k-khāya hīnāy-āvatto.|| ||
'Umi-bhayan' ti kho bhikkhave kodh'upāyāsass'etaṃ adhivacanaṃ.|| ||
Idaṃ vuccati bhikkhave umi-bhayaṃ.|| ||
■
5. Katamañ ca bhikkhave kumbhīla-bhayaṃ?|| ||
Idha bhikkhave ekacco kula-putto saddhā agārasmā anagāriyaṃ pabba-jito hoti:|| ||
'Otiṇṇo'mhi jātiyā jarāya,||
maraṇena,||
sokehi paridevehi dukkhehi domanassehi upāyāsehi,||
dukkh'otiṇṇo dukkha-pareto,||
app'eva nāma imassa kevalassa dukkha-k-khandhassa antakiriyā paññāyethā' ti.|| ||
Tam enaṃ tathā pabba-jitaṃ samānaṃ sabrahma-cārī ovadanti anusāsanti:|| ||
'Idaṃ te khāditabbaṃ,||
idaṃ te na khāditabbaṃ,||
idaṃ te bhuñjitabbaṃ,||
idaṃ te na bhuñjitabbaṃ,||
idaṃ te sāyitabbaṃ,||
idaṃ te na sāyitabbaṃ,||
idaṃ te pātabbaṃ,||
idaṃ te na pātabbaṃ.|| ||
Kappiyaṃ te khāditabbaṃ,||
akappiyaṃ te na khāditabbaṃ,||
kappiyaṃ te bhuñjitabbaṃ,||
akappiyaṃ te na bhuñjitabbaṃ,||
kappiyaṃ te sāyitabbaṃ,||
akappiyaṃ te na sāyitabbaṃ,||
kappiyaṃ te pātabbaṃ,||
akappiyaṃ te na pātabbaṃ.|| ||
Kāle te pātabbaṃ,||
vikāle te na pātabbaṃ,||
kāle te khāditabbaṃ||
vikāle te na khāditabbaṃ,||
kāle te bhuñjitabbaṃ,||
vikāle te na bhuñjitabbaṃ,||
kāle te sāyitabbaṃ||
vikāle na sāyitabbaṃ,||
kāle te pātabbam||
vikāle te na pātabban' ti.|| ||
Tass'evaṃ hoti:|| ||
'Mayaṃ kho pubbe agāriya-bhutā samānā||
yaṃ icchāma taṃ khādāma,||
yaṃ na icchāma na taṃ khādāma,||
yaṃ icchāma taṃ bhuñjāma,||
yaṃ na icchāma taṃ na bhuñjāma,||
yaṃ icchāma taṃ sāyāma||
yaṃ na icchāma na taṃ sāyāma,||
yaṃ icchāma taṃ pibāma,||
yaṃ na icchāma taṃ na pibāma.|| ||
Kappiyam pi khādāma,||
akappiyam pi khādāma,||
kappiyam pi bhuñjāma,||
akappiyam pi bhuñjāma,||
kappiyam pi sāyāma,||
akappiyam pi sāyāma,||
kappiyam pi pibāma,||
akappiyam pi pibāma.|| ||
Kāle pi khādāma,||
vikāle pi khādāma,||
kāle pi bhuñjāma,||
vikāle pi bhuñjāma,||
kāle pi sāyāma,||
vikāle pi sāyāma,||
kāle pi [125] pibāma,||
vikāle pi pibāma.|| ||
Yam pi no saddhā gahapatikā divā vikāle paṇītaṃ khādanīyaṃ vā bhojanīyaṃ vā denti,||
tatrā pi'me mukhāvaraṇaṃ maññe karontī' ti.|| ||
So kupito anatta-mano sikkhaṃ pacca-k-khāya hīnāy-āvattati.|| ||
Ayaṃ vuccati bhikkhave bhikkhu kumbhīla-bhayassa bhīto sikkhaṃ pacca-k-khāya hīnāy-āvatto.|| ||
'Kumbhīla-bhayan' ti kho bhikkhave odarikattass'etaṃ adhivacanaṃ.|| ||
Idaṃ vuccati bhikkhave kumbhīla-bhayaṃ.|| ||
■
6. Katamañ ca bhikkhave āvaṭṭa-bhayaṃ?|| ||
Idha, bhikkhave, ekacco kula-putto saddhā agārasmā anagāriyaṃ pabba-jito hoti:|| ||
'Otiṇṇo'mhi jātiyā jarāya,||
maraṇena,||
sokehi paridevehi dukkhehi domanassehi upāyāsehi,||
dukkh'otiṇṇo dukkha-pareto,||
app'eva nāma imassa kevalassa dukkha-k-khandhassa antakiriyā paññāyethā' ti.|| ||
So evaṃ pabba-jito samāno pubbaṅha-samayaṃ nivāsetvā patta-cīvaraṃ ādāya gāmaṃ vā nigamaṃ vā piṇḍāya pavisati arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaṃvutehi indriyehi.|| ||
So tattha passati gahapatiṃ vā gahapati-puttaṃ vā pañcahi kāma-guṇehi samappitaṃ samaṅgi-bhūtaṃ paricāraya-mānaṃ.|| ||
Tass'evaṃ hoti:|| ||
'Mayaṃ kho pubbe agāriya-bhutā samānā pañcahi kāma-guṇehi samappitā samaṅgi-bhutā paricārimha.|| ||
Saṅvijjante kho pana me kule bhogā,||
sakkā bhoge ca bhuñjituṃ puññāni ca kātuṃ.|| ||
Yan nūn-ā-haṃ sikkhaṃ pacca-k-khāya hīnā-yāvattitvā bhoge ca bhuñjeyyaṃ puññāni ca kareyyan' ti.|| ||
So sikkhaṃ pacca-k-khāya hīnāy-āvattati.|| ||
Ayaṃ vuccati bhikkhave bhikkhu āvaṭṭa-bhayassa bhīto sikkhaṃ pacca-k-khāya hīnāy-āvatto.|| ||
'Āvaṭṭa-bhayan' ti kho bhikkhave pañcann'etaṃ kāma-guṇānaṃ adhivacanaṃ.|| ||
Idaṃ vuccati bhikkhave āvaṭṭa-bhayaṃ.|| ||
■
7. Katamañ ca bhikkhave susukā-bhayaṃ?|| ||
Idha, bhikkhave, ekacco kula-putto saddhā agārasmā anagāriyaṃ pabba-jito hoti:|| ||
'Otiṇṇo'mhi jātiyā jarāya,||
maraṇena,||
sokehi paridevehi dukkhehi domanassehi upāyāsehi,||
dukkh'otiṇṇo dukkha-pareto,||
app'eva nāma imassa kevalassa dukkha-k-khandhassa antakiriyā paññāyethā' ti.|| ||
So evaṃ pabba-jito samāno pubbaṅha-samayaṃ nivāsetvā patta-cīvaraṃ ādāya gāmaṃ vā nigamaṃ vā piṇḍāya [126] pavisati arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaṃvutehi indriyehi.|| ||
So tattha passati mātu-gāmaṃ dunnivatthaṃ vā duppārutaṃ vā.|| ||
Tassa mātu-gāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti.|| ||
So rāgānuddhaṃsena cittena sikkhaṃ pacca-k-khāya hīnāy-āvattati.|| ||
Ayaṃ vuccati bhikkhave bhikkhu susukā-bhayassa bhīto sikkhaṃ pacca-k-khāya hīnāy-āvatto.|| ||
'Susukābhayan' ti kho bhikkhave mātu-gāmassetaṃ adhivacanaṃ.|| ||
Idaṃ vuccati bhikkhave susukā-bhayaṃ.|| ||
Imāni kho bhikkhave cattāri bhayāni idh'ekacce kula-putte imasmiṃ Dhamma-Vinaye saddhā agārasmā anagāriyaṃ pabba-jite pāṭikaṅkhitabbānī" ti.|| ||
