Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIII: Bhaya Vagga

Sutta 123

Puggala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][ati] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaarome bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Idha, bhikkhave, ekacco puggalo vivicc'eva kaamehi vivicca akusalehi dhammehi savittaka.m savicaara.m vivekaja.m piiti-sukha.m pa.thama.m jajhaana.m upasampajja viharati.|| ||

So tad assaadeti ta.m nikaameti tena ca vitti.m aapajjati.|| ||

Tattha .thito tad-adhimutto tabbahulavihaarii aparihiino kaala.m kurumaano brahmakaayikaana.m devaana.m sahavyata.m upapajjati.|| ||

Brahmakaayikaana.m bhikkhave devaana.m kappo aayuppamaa.na.m.|| ||

Tattha puthujjano yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa nirayam pi gacchati.|| ||

Tiracchaanayonim pi gacchati.|| ||

Pettivisayam pi gacchati.|| ||

Bhaghavato pana saavako tattha yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa tasmi.myeva bhave parinibkhaayati.|| ||

Aya.m kho bhikkhave viseso, aya.m adhippaayo,||
ida.m naanaakara.na.m sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

[127] puna ca para.m bhikkhave idh'ekacco puggalo vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m jajhaana.m upasampajja viharati.|| ||

So tad assaadeti ta.m nikaameti tena ca vitti.m aapajjati.|| ||

Tattha .thito tadadhimutto tabbahulavihaarii aparihiino kaala.m kurumaano aabhassaraana.m devaana.m sahavyata.m upapajjati.|| ||

Aabhassaraana.m bhikkhave devaanaa.m dve kappaa ayuppamaa.na.m.|| ||

Tattha puthujjano yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa nirayam pi gacchati tiracchaanayonimpi gacchati pettivisayam pi gacchati.|| ||

Bhagavato pana saavako tattha yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa tasmi.m yeva bhave parinibkhaayati.|| ||

Aya.m kho bhikkhave viseso.|| ||

Aya.m adhippaayo.|| ||

Ida.m naanaakara.na.m sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

Puna ca para.m bhikkhave idh'ekacco puggalo piitiyaa ca viraagaa upekkhako ca viharati sataa ca sampajaano sukha.m ca kaayena pa.tisa'nvedeti ya.m ta.m ariyaa aavikkhanti 'Upekkhako satimaa sukha-vihaarii' ti tatiya.m jajhaana.m upasampajja viharati.|| ||

So tadassaadeti tannikaameti tena ca vitti.m aapajjati.|| ||

Tattha [128] .thito tadadhimutto tabbahulavihaarii aparihiino kaala.m kurumaano subhaki.n.naana.m devaana.m sahavyata.m upapajjati.|| ||

Subhaki.nhaana.m bhikkhave devaana.m cattaaro kappaa aayuppamaa.na.m.|| ||

Tattha puthujjano yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa nirayam pi gacchati tiracchaanayonimpi gacchati pettivisayam pi gacchati.|| ||

Bhagavato pana saavako tattha yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa taasmi.m yeva bhave parinibkhaayati.|| ||

Aya.m kho bhikkhave viseso, aya.m adhippaayo,||
ida.m naanaakara.na.m sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

Puna ca para.m bhikkhave idh'ekacco puggalo sukhassa ca pahaa.naadukkhasasa ca pahaa.naa pubb'eva somanassa-domanassaana.m attha-gamaa adukkha.m-asukha.m upekkhaa-sati-paarisuddhi.m catuttha.m jajhaana.m upasampajja viharati.|| ||

So tadassaadeti tannikaakameti tena ca vitti.m aapajjati.|| ||

Tattha .thito tadadhimutto tabbahulavihaarii aparihiino kaala.m kurumaano vehapphalaana.m devaana.m sahavyata.m upapajjati.|| ||

Vehapphalaana.m bhikkhave devaana.m pa~ncakappasataani aayuppamaa.na.m tattha puthujjano yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa nirayam pi gacchati tiracchaanayonimpi gacchati pentivisayam pi gacchati.|| ||

Bhagavato pana saavako tattha yaavataayuka.m .thatvaa yaavataka.m tesa.m devaana.m aayuppamaa.na.m ta.m sabba.m khepetvaa tasmi.m yeva bhave parinbkhaayati.|| ||

Aya.m kho bhikkhave viseso, aya.m adhippaayo,||
ida.m naanaakara.na.m sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

Ime kho bhikkhave cattaaro puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement