Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIII: Bhaya Vagga

Sutta 126

Catuttha Puggala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than][nymo] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaarome bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Idha, bhikkhave, ekacco puggalo mettaa-sahagatena cetasaa eka.m disa.m pharitvaa viharati.|| ||

Tathaa dutiya.m||
- tathaa tatiya.m||
- tathaa catutthi.m||
- iti uddham-adho tiriya.m sabbadhi sabbattataaya sabbaavanta.m loka.m mettaa-sahagatena cetasaa vipulena mahaggatena appamaa.nena averena akhyaapajjhena pharitvaa viharati.|| ||

So yadeva tattha hoti ruupagata.m vedanaagata.m sa~n~naagata.m sankhaaragata.m vi~n~naa.nagata.m,||
te dhamme aniccato dukkhato rogato ga.n.dato sallato aghato aabaadhato parato palokato su~n~nato anttato samanupassati.|| ||

So kaayassa bhedaa param mara.naa Suddhaavaasana.m devaana.m sahavyata.m upapajjati.|| ||

Aya.m kho bhikkhave upapattii asaadhaara.naa puthujjanehi.|| ||

Puna ca para.m bhikkhave idh'ekacco puggalo karu.naa-sahagatena cetasaa eka.m disa.m pharitvaa viharati.|| ||

Tathaa dutiya.m||
- tathaa tatiya.m||
- tathaa catutthi.m||
- iti uddham-adho tiriya.m sabbadhi sabbattataaya sabbaavanta.m loka.m karu.naa-sahagatena cetasaa vipulena mahaggatena appamaa.nena averena akhyaapajjhena paritvaa viharati.|| ||

So yadeva tattha hoti ruupagata.m vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So kaayassa bhedaa param mara.naa Suddhaavaasana.m devaana.msahavyata.m upapajjati.|| ||

Aya.m bhikkhave upapatti asaadhaara.naa puthujjanehi.|| ||

Puna ca para.m bhikkhave idh'ekacco puggalo muditaa-sahagatena cetasaa eka.m disa.m pharitvaa viharati.|| ||

Tathaa dutiya.m||
- tathaa tatiya.m||
- tathaa catutthi.m||
- iti uddham-adho tiriya.m sabbadhi sabbattataaya sabbaavanta.m loka.m muditaasahagateha cetasaa vipulena mahaggatena appamaa.nena averena akhyaapajjhena paritvaa viharati.|| ||

So yadeva tattha hoti ruupagata.m vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So kaayassa bhedaa param mara.naa Suddhaavaasana.m devaana.msahavyata.m upapajjati.|| ||

Aya.m bhikkhave upapatti asaadhaara.naa puthujjanehi.|| ||

Puna ca para.m bhikkhave idh'ekacco puggalo upekkhaa-sahagatena cetasaa eka.m disa.m pharitvaa viharati.|| ||

Tathaa dutiya.m||
- tathaa tatiya.m||
- tathaa catutnathi.m||
- iti uddham-adho tiriya.m sabbadhi sabbattataaya sabbaavanta.m loka.m upekkhaa-sahagatena cetasaa vipulena mahaggatena appamaa.nena averena akhyaapajjhena pharitvaa viharati.|| ||

So yadeva tattha hoti ruupagata.m vedanaagata.m sa~n~naagata.m sankhaaragata.m vi~n~naa.nagata.m te dhamme aniccato dukkhato rogato ga.n.dato sallato aghato aabaadhato parato palokato su~n~nato anattato samanupassati.|| ||

So kaayassa bhedaa param mara.naa Suddhaavaasaana.m devaana.msahavyata.m uppajjati.|| ||

Aya.m bhikkhave upapatti asaadhaara.naa puthujjanehi.|| ||

Ime kho bhikkhave cattaaro puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement