Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIII: Bhaya Vagga

Sutta 130

Cakkavatti Acchariya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaaro'me bhikkhave acchariyaa abbhutaa dhammaa ra~n~ne cakkavattimhi.|| ||

Katame cattaaro?|| ||

3. Sace bhikkhave khattiyaparisaa raajaana.m cakkavatti.m dassanaaya upasa'nkamati||
dassanena saa attamanaa hoti.|| ||

Tattha ce raajaa cakkavattii bhaasati,||
bhaasitena pi saa attamanaa hoti.|| ||

Atittaa va bhikkhave khattiyaparisaa hoti,||
atha raajaa cakkavattii tu.nhii bhavati.|| ||

4. Sace bhikkhave braahma.naparisaa raajaana.m cakkavatti.m dassanaaya upasa'nkamati,||
dassanena saa attamanaa hoti.|| ||

Tattha ve raajaa cakkavatti bhaasati,||
bhaasitenapi saa attamanaa hoti.|| ||

Atittaa va bhikkhave braahma.naparisaa hoti,||
a raajaa cakkavattii tu.nhii bhavati.|| ||

5. Sace bhikkhave gahapatiparisaa raajaana.m cakkavatti.m dassanaaya upasa'nkamati||
dassanena saa attamanaa hoti.|| ||

Tattha ve raajaa cakkavatti bhaasati,||
bhaasitena pi saa attamanaa hoti.|| ||

Atittaa va bhikkhave gahapatiparisaa hoti,||
atha raajaa cakkavattii tu.nhii bhavati.|| ||

6. Sace bhikkhave sama.naparisaa raajaana.m cakkavatki.m dassanaaya upasa'nkamati||
dassanena saa attamanaa hoti.|| ||

Tattha ve raajaa cakkavattii bhaasati,||
bhaasitenapi saa attamanaa hoti.|| ||

Atittaava bhikkhave sama.naparisaa hoti,||
atha raajaa cakkaavattii tu.nhii bhavati.|| ||

Ime kho bhikkhave cattaaro acchariyaa abbhutaa dhammaa ra~n~ne cakkavattimhi.|| ||

7. Evam eva kho bhikkhave cattaaro acchariyaa abbhutaa dhammaa aanande. || ||

Katame cattaaro?|| ||

8. Sace bhikkhave bhikkhuparisaa Aananda.m dassanaaya upasa'nkamati,||
dassanena saa attamanaa hoti.|| ||

Tattha ce Aanando dhamma.m bhaasati,||
bhaasitena pi saa attamanaa hoti.|| ||

Atittaa va bhikkhave bhikkhuparisaa hoti||
atha Aanando tu.nhii bhavati.|| ||

9. Sace bhikkhave bhikkhuniiparisaa Aananda.m dassanaaya upasa'nkamati,||
dassanena saa attamanaa hoti.|| ||

Tattha ce Aanando dhamma.m bhaasati,||
bhaasitena pi saa attamanaa hoti.|| ||

Atittaa va bhikkhave bhikkhuniiparisaa hoti||
atha Aanando tu.nhii bhavati.|| ||

10. Sace bhikkhave upaasakaparisaa Aananda.m dassanaaya upasa'nkamati, dassanena saa attamanaa hoti.|| ||

Tattha ce Aanando dhamma.m bhaasati, bhaasitenapi saa attamanaa hoti.|| ||

Atittaa va bhikkhave bhikkhuparisaa hoti||
atha Aanando tu.nhii bhavati.|| ||

11. Sace bhikkhave upaasikaparisaa Aananda.m dassanaaya upasa'nkamati, dassanena saa attamanaa hoti.|| ||

Tattha ce Aanando dhamma.m bhaasati, bhaasitenapi saa attamanaa hoti.|| ||

Atittaa va bhikkhave bhikkhuparisaa hoti||
atha Aanando tu.nhii bhavati.|| ||

Ime kho bhikkhave cattaaro acchariyaa abbhutaa dhammaa Aanandeti.|| ||

 


Contact:
E-mail
Copyright Statement