Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIII: Bhaya Vagga

Sutta 135

Vajja Puggala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Cattaarome bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

"Saavajjo,||
vajjabahulo,||
appavajjo,||
anavajjo.|| ||

3. Kata~n ca bhikkhave puggalo saavajjo hoti?|| ||

Idha, bhikkhave, ekacco puggalo saavajjena kaayakammena samannaagato hoti,||
saavajjena vaciikammena samannaagato hoti,||
saavajjena manokammena samannaagato hoti.|| ||

Eva.m kho bhikkhave puggalo saavajjo hoti.|| ||

[136] Katha~n ca bhikkhave puggalo vajjabahulo hoti?|| ||

Idha, bhikkhave, ekacco puggalo saavajjena bahula.m kaayakammena samannaagato hoti,||
appa.m anavajjena.|| ||

Saavajjena bahula.m vaciikammena samannaagato hoti appa.m anavajjena.|| ||

Saavajjena bahula.m manokammena samannaagato hoti,||
appa.m anavajjena.|| ||

Eva.m kho bhikkhave puggalo vajjabahulo hoti.|| ||

Katha~n ca bhikkhave puggalo appavajjo hoti?|| ||

Idha, bhikkhave, ekacco puggalo anavajjena bahula.m kaayakammena samannaagato hoti,||
appa.m saavajjena.|| ||

Anavajjena bahula.m vaciikammena samannaagato hoti,||
appa.m saavajjena.|| ||

Anavajjena bahula.m manokammena samannaagato hoti,||
appa.msaavajjena.|| ||

Eva.m kho bhikkhave puggalo appavajjo hoti.|| ||

Katha~n ca bhikkhave puggalo anavajjo hoti?|| ||

Idha, bhikkhave, ekacco puggalo anavajjena kaayakammena samannaagato hoti,||
anavajjena vaciikammena samannaagato hoti,||
anavajjena manokammena samannaagato hoti.|| ||

Eva.m kho bhikkhave puggalo anavajjo hoti.|| ||

Ime kho bhikkhave cattaaro puggalaa santo sa.mvijjamaanaa lokasmin" ti.|| ||

 


Contact:
E-mail
Copyright Statement