Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Catukkanipata
15. Aabhaa Vagga

Sutta 147

Dutiya Kaala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Cattaarome bhikkhave kaalaa sammaa bhaaviyamaanaa sammaa anuparivattiyamaanaa anupubbena aasavaana.m khaya.m paapenti.|| ||

Katame cattaaro?|| ||

Kaalena dhammasava.na.m,||
kaalena dhammasaakacchaa,||
kaalena samatho,||
kaalena vipassanaa.|| ||

Ime kho bhikkhave cattaaro kaalaa sammaa bhaaviyamaanaa sammaa anuparivattiyamaanaa anupubbena aasavaana.m khaya.m paapenti.|| ||

3. Seyyathaa pi, bhikkhave, upari pabbate thuullaphusitake deve vassante ta.m udaka.m yathaa ninna.m pavattamaana.m pabbatakandarapadarasaakhaa paripuureti,||
pabbatakandarapadarasaakhaa paripuuraa kussubbhe paripuurenti,||
kussubbhaa paripuuraa mahaasobbhe paripirenti,||
mahaasobbhaa paripuuraa kunnadiyo paripuurenti,||
kunnadiyo paripuuraa mahaanadiyo paripuurenti,||
mahaanadiyo paripuuraa samudda.m saagara.m paripuurenti.|| ||

Evam eva kho bhikkhave ime cattaaro kaalaa sammaa bhaaviyamaanaa sammaa anuparivattiyamaanaa anupubbena aasavaana.m khaya.m paapentii" ti.|| ||

 


Contact:
E-mail
Copyright Statement