Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Catukkanipata

Sutta 160

Sugatavinaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bd] Sugato vaa bhikkhave loke ti.t.thamaano sugatavinayo vaa tadassa bahujanahitaaya bahujanasukhaaya lokaanukampaaya atthaaya hitaaya sukhaaya deva-manussaana.m.|| ||

Katamo ca bhikkhave sugato?|| ||

Idha, bhikkhave, Tathaagato loke uppajjati araha.m sammaasamaabuddho vijjaa-cara.na-sampanno sugato loka-viduu anuttaro purisadammasaarathi satthaa deva-manussaana.m buddho Bhagavaa.|| ||

Aya.m bhikkhave sugato.|| ||

2. Katamo ca bhikkhave sugatavinayo?|| ||

So dhamma.m deseti aadikalyaa.na.m majjhekalyaa.na.m pariyosaana kalyaa.na.m saattha.m savya~nchana.m kevalaparipu.n.na.m parisuddha.m brahmacariyaha.m pakaaseti.|| ||

Aya.m bhikkhave sugatavinayo.|| ||

Eva.m sugato vaa bhikkhave loke ti.t.thamaano sugatavinayo vaa tadassa bahujanahitaaya bahujanasukhaaya lokaanukampaaya atthaaya hitaaya sukhaaya deva-manussaananti.|| ||

3. Cattaaraa'me bhikkhave dhammaa saddhammassa sammosaaya antaradhaanaaya sa.mvattanti.|| ||

Katame cattaaro?|| ||

Idha, bhikkhave, bhikkhu duggahiita.m suttanta.m pariyaapu.nanti dunnikkhittehi padakhya~njanehi.|| ||

Dunnikkhittassa bhikkhave padakhya~njanassa attho pi dunnayo hoti.|| ||

Aya.m bhikkhave pa.thamo dhammo saddhammassa sammosaaya antaradhaanaaya sa.mvattati.|| ||

4. Puna ca para.m bhikkhave bhikkhu dubbacaa honti dovacassakara.nehi dhammehi samannaagataa akkhamaa appadakkhi.naggaahino anusaasani.m.|| ||

Aya.m bhikkhave dutiyo dhammo saadDhammassa sammosaaya antaradhaanaaya sa.mvattati.|| ||

5. Puna ca para.m bhikkhave ye te bhikkhuu bahussutaa aagataagamaa dhammadharaa vinayadharaa maatikaadharaa.|| ||

Te na sakkacca.m suttanta.m para.m vaaventi tesa.m accayena chinnamuulako suttanto hoti,||
appa.tisara.no aya.m bhikkhave tatiyo dhammo saddhammassa sammosaaya antaradhaanaaya sa.mvattati.|| ||

6. Puna ca para.m bhikkhave theraa bhikkhu baahulikaa [148] honti saathalikaa okkamane pubba'ngamaa paviveke nikkhitta-dhuraa.|| ||

Na viriya.m aarabhanti appattassa pattiyaa anadhigatassa adhigamaaya asacchikatassa sacchikiriyaaya.|| ||

Tesa.m pacchimaa janataa di.t.thaanugataci.m aapajjati.|| ||

Saapi hoti saathalikaa baahulikaa okkamane pubba'ngamaa paviveke nikkhitta-dhuraa.|| ||

Na viriya.m aarahati appattassa pattiyaa anadhigatassa adhigamaaya asacchikatassa sacchikiriyaaya.|| ||

Aya.m bhikkhave catuttho dhammo saddhammassa sammosaaya antaradhaanaaya sa.mvattati.|| ||

Ime kho bhikkhave cattaaro dhammaa saddhammassa samhemaasaaya antaradhaanaaya sa.mvattantiti.|| ||

7. Cattaaro me bhikkhave dhammaa saddhammassa .thitiyaa asammosaaya anantaradhaanaaya sa.mvattanti.|| ||

Katame cattaaro?|| ||

Idha, bhikkhave, bhikkhu suggahiita.m suttanta.m pariyaapu.nanti sunikkhittehi padakhya~njanehi.|| ||

Sunikkhittassa bhikkhave padakhya~njanassa atthopi sunayo hoti.|| ||

Aya.m bhikkhave pa.thamo dhammo saddhammassa .thitiyaa asammosaaya anantaradhaanaaya sa.mvattati.|| ||

8. Puna ca para.m bhikkhave bhikkhu subbacaa honti sovacassakara.nehi dhammehi samannaagataa khamaa padakkhi.naggaahino anusaasani.m.|| ||

Aya.m bhikkhave dutiyo dhammo saddhammassa .thatiyaa asammosaaya anantaradhaanaaya sa.mvattati.|| ||

9. Puna ca para.m bhikkhave ye te bhikkhu bahussutaa aagataagamaa dhammadharaa vinayadharaa maatikaadharaa.|| ||

Te sakkacca.m suttanta.m para.m vaaventi.|| ||

Tesa.m accayena nacchinnamulako suttanto hoti sappa.tisara.no.|| ||

Aya.m bhikkhave tatiyo dhammo saddhammassa .thatiyaa asammosaaya anantaradhaanaaya sa.mvattati.|| ||

10. Puna ca para.m bhikkhave theraa bhikkhu na baahulikaa honti na saathalikaa okkamane nikkhittadhuura paviveke pubba'ngamaa.|| ||

Viriya.m aarabhanti appattassa pattiyaa anadhigatassa adhigamaaya asacchikatassa sacchikiriyaaya.|| ||

Tesa.m pacchimaa janataa di.t.thaanugati.m aapajjati.|| ||

Saapi hoti na baahulikaa na saathalikaa okkamane nikkhittadhuuraa paviveke pubba'ngamaa.|| ||

Viriya.m aarahati appattassa pattiyaa anadhigatassa adhigamaaya asacchikatassa sacchikiriyaaya.|| ||

Aya.m bhikkhave catuttho dhammo saddhammassa .thatiyaa asammosaaya anantaradhaanaaya sa.mvattati.|| ||

[149] Ime kho bhikkhave cattaaro dhammaa saddhammassa .thatiyaa asammosaaya anaantaradhaanaaya sa.mvattanti ti.|| ||

 


Contact:
E-mail
Copyright Statement