Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XVII: Pa.tipadaa Vagga

Sutta 163

Tatiya Pa.tipadaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Catasso imaa bhikkhave pa.tipadaa.|| ||

Katamaa catasso?|| ||

Dukkhaapa.tipadaa dandhaabhi~n~naa,||
dukkhaapa.tipadaa khippaabhi~n~naa,||
sukhaapa.tipadaa dandhaabhi~n~naa,||
sukhaapa.tipadaa khippaabhi~n~naa.|| ||

2. Katamaa ca bhikkhave dukkhaapa.tipadaa dandhaabhi~n~naa?|| ||

Idha, bhikkhave, bhikkhu asubhaanupassii kaaye viharati||
aahaare pa.tikkulasa~n~nii||
sabbaloke anabhiratasa~n~nii||
sabbasankhaaresu anccaanupassii.|| ||

Mara.nasa~n~naa kho panassa ajjhatta.m suupa.t.thitaa hoti.|| ||

So imaani pa~nca sekhabalaani upanissaaya viharati:|| ||

Saddhaabala.m||
hiribala.m||
ottappabala.m||
[151] virayabala.m||
pa~n~naabala.m.|| ||

Tassimaani pa~ncindriyaani muuduuni paatubhavanti:|| ||

Saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m muduttaa dandha.m aanantariya.m paapu.naati aasavaana.m khayaaya.|| ||

Aya.m vuccati bhikkhave dukkhaapa.tipadaa dandhaabhi~n~naa.|| ||

3. Katamaa ca bhikkhave dukkhaapa.tipadaa khippaabhi~n~naa?|| ||

Idha, bhikkhave, bhikkhu asubhaanupassii kaaye viharati||
aahaare pa.tikkulasa~n~nii||
sabbaloke anabhiratasa~n~nii||
sabbasankhaaresu anccaanupassii.|| ||

Mara.nasa~n~naa kho panassa ajjhatta.m suupa.t.thitaa hoti.|| ||

So imaani pa~nca sekhabalaani upanissaaya viharati:||
saddhaabala.m||
hiribala.m||
ottappabala.m||
viriyabala.m||
pa~n~naabala.m.|| ||

Tassimaani pa~ncindriyaani adhimattaani paatubhavanti:||
saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m adhimattattaa khippa.m aanantariya.m paapu.naati aasavaana.m khayaaya.|| ||

Aya.m vuccati bhikkhave dukkhaapa.tipadaa khippaabhi~n~naa.|| ||

4. Katamaa ca bhikkhave sukhaapa.tipadaa dandhaabhi~n~naa?|| ||

Idha, bhikkhave, bhikkhu vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thamajjhaana.m upasampajja viharati.|| ||

Vitakka-vicaaraana.m vupasamaa||
ajjhatta.m sampasaadana.m cetaso ekodii-bhaava.m||
avitakka.m avicaara.m||
samaadhijii piiti-sukha.m||
dutiyajjhaana.m upasampajja viharati.|| ||

Piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa'nvedeti||
ya.m ta.m ariyaa aavikkhanti||
'Upekkhako satimaa sukhavihaarii' ti||
tatiyajjhaana.m upasampajja viharati.|| ||

Sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha-gamaa||
adukkha.m asukha.m||
upekkhaa-sati-paarisuddhi.m||
catutthajjhaana.m upasampajja viharati.|| ||

So imaani pa~nca sekhabalaani upanissaaya viharati:||
saddhaabala.m||
hiribala.m||
ottappabala.m||
viriyabala.m||
pa~n~naabala.m.|| ||

Tassimaani pa~ncindriyaani adhimattaani paatubhavanti:||
saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m muduttaa dandha.m aanantariyaa paapu.naati aasavaana.m khayaaya.|| ||

Aya.m vuccati bhikkhave sukhaapa.tipadaa dandhaabhi~n~naa.|| ||

5. Katamaa ca bhikkhave sukhaapa.tipadaa khippaabhi~n~naa?|| ||

Idha, bhikkhave, bhikkhu vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thamajjhaana.m upasampajja viharati.|| ||

Vitakka-vicaaraana.m vupasamaa||
ajjhatta.m sampasaadana.m cetaso ekodii-bhaava.m||
avitakka.m avicaara.m||
samaadhijii piiti-sukha.m||
dutiyajjhaana.m upasampajja viharati.|| ||

Piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa'nvedeti||
ya.m ta.m ariyaa aavikkhanti||
'Upekkhako satimaa sukhavihaarii' ti||
tatiyajjhaana.m [152] upasampajja viharati.|| ||

Sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha-gamaa||
adukkha.m asukha.m||
upekkhaa-sati-paarisuddhi.m||
catutthajjhaana.m upasampajja viharati.|| ||

So imaani pa~nca sekhabalaani upanissaaya viharati:||
saddhaabala.m||
hiribala.m||
ottappabala.m||
viriyabala.m||
pa~n~naabala.m.|| ||

Tassimaani pa~ncindriyaani adhimattaani paatubhavanti:||
saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m adhimattattaa khippa.m aanantariya.m paapu.naati aasavaana.m khayaaya.|| ||

Aya.m vuccati bhikkhave sukhaapa.tipadaa khippaabhi~n~naa.|| ||

Imaa kho bhikkhave catasso pa.tipadaa ti.|| ||


Contact:
E-mail
Copyright Statement