Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XVII: Pa.tipadaa Vagga

Sutta 169

Kilesa-Parinibbaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][olds] EVA.M ME SUTA.M.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaarome bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Idha, bhikkhave, ekacco puggalo di.t.the va dhamme sasankhaaraparinibbaayii hoti.|| ||

Idha pana bhikkhave ekacco puggalo kaayassa bhedaa sasankhaaraparinibbaayii hoti.|| ||

Idha pana bhikkhave ekacco puggalo di.t.the va dhamme asankhaaraparinibbaayii hoti.|| ||

Idha pana bhikkhave ekacco puggalo kaayassa bhedaa asankhaaraparinibbaayii hoti.|| ||

 


 

Kata~n ca bhikkhave puggalo di.t.the va dhamme sasankhaaraparinibbaayii hoti?|| ||

Idha, bhikkhave, bhikkhu asubhaanupassii kaaye viharati||
aahaare pa.tikkuulasa~n~nii||
sabbaloke anabhiratasa~n~nii||
sabbasankhaaresu aniccaanupassii.|| ||

Mara.nasa~n~naa kho panassa [156] ajjhatta.m suupa.t.thitaa hoti.|| ||

So imaani pa~nca sekhabalaani upanissaaya viharati:|| ||

Saddhaabala.m||
hiribala.m||
ottappabala.m||
virayabala.m||
pa~n~naabala.m.|| ||

Tass'imaani pa~ncindriyaani adhimattaani paatubhavanti:|| ||

Saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m adhimattattaa di.t.the va dhamme sasankhaaraparinibbaayii hoti.|| ||

Eva.m kho bhikkhave puggalo di.t.the va dhamme sasankhaaraparinibbaayii hoti.|| ||

 


 

Kata~n ca bhikkhave puggalo kaayassa bhedaa sasankhaaraparinibbaayii hoti?|| ||

Idha, bhikkhave, bhikkhu asubhaanupassii kaaye viharati||
aahaare pa.tikkuulasa~n~nii||
sabbaloke anabhiratasa~n~nii||
sabbasankhaaresu aniccaanupassii.|| ||

Mara.nasa~n~naa kho panassa ajjhatta.m supa.t.thitaa hoti.|| ||

So imaani pa~nca sekhabalaani upanissaaya viharati:|| ||

Saddhaabala.m||
hiribala.m||
ottappabala.m||
virayabala.m||
pa~n~naabala.m.|| ||

Tass'imaani pa~ncindriyaani muduni paatubhavanti:|| ||

Saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m muduttaa kaayassa bhedaa sasankhaaraparinibbaayii hoti.|| ||

Eva.m kho bhikkhave puggalo kaayassa bhedaa sasankhaaraparinibbaayii hoti.|| ||

 


 

Katha~n ca bhikkhave puggalo di.t.the va dhamme asankhaaraparinibbaayii hoti?|| ||

Idha, bhikkhave, bhikkhu vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thamajjhaana.m upasampajja viharati.|| ||

Vitakka-vicaaraana.m vupasamaa||
ajjhatta.m sampasaadana.m cetaso ekodii-bhaava.m||
avitakka.m avicaara.m||
samaadhijii piiti-sukha.m||
dutiyajjhaana.m upasampajja viharati.|| ||

Piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa'nvedeti||
ya.m ta.m ariyaa aavikkhanti||
'Upekkhako satimaa sukhavihaarii' ti||
tatiyajjhaana.m upasampajja viharati.|| ||

Sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha-gamaa||
adukkha.m asukha.m||
upekkhaa-sati-paarisuddhi.m||
catutthajjhaana.m upasampajja viharati.|| ||

So imaani pa~nca sekhabalaani upanissaaya viharati:||
saddhaabala.m||
hiribala.m||
ottappabala.m||
viriyabala.m||
pa~n~naabala.m.|| ||

Tass'imaani pa~ncindriyaani adhimattaani paatubhavanti:|| ||

Saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m adhimattattaa di.t.the va dhamme asankhaaraparinibbaayii hoti.|| ||

Eva.m kho bhikkhave puggalo di.t.the va dhamme asankhaaraparinibbaayii hoti.|| ||

 


 

Katha~n ca bhikkhave puggalo kaayassa bhedaa asankhaaraparinibbaayii hoti?|| ||

Idha, bhikkhave, bhikkhu vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thamajjhaana.m upasampajja viharati.|| ||

Vitakka-vicaaraana.m vupasamaa||
ajjhatta.m sampasaadana.m cetaso ekodii-bhaava.m||
avitakka.m avicaara.m||
samaadhijii piiti-sukha.m||
dutiyajjhaana.m upasampajja viharati.|| ||

Piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa'nvedeti||
ya.m ta.m ariyaa aavikkhanti||
'Upekkhako satimaa sukhavihaarii' ti||
tatiyajjhaana.m upasampajja viharati.|| ||

Sukhassa ca pahaanaa||
dukkhassa ca pahaanaa||
pubb'eva somanassa-domanassaana.m attha-gamaa||
adukkha.m asukha.m||
upekkhaa-sati-paarisuddhi.m||
catutthajjhaana.m upasampajja viharati.|| ||

So imaani pa~nca sekhabalaani upanissaaya viharati:||
saddhaabala.m||
hiribala.m||
ottappabala.m||
viriyabala.m||
pa~n~naabala.m.|| ||

Tass'imaani pa~ncindriyaani muduni paatubhavanti:|| ||

Saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

So imesa.m pa~ncanna.m indriyaana.m muduttaa kaayassa bhedaa asankhaaraparinibbaayii hoti.|| ||

Eva.m kho bhikkhave puggalo kaayassa bhedaa asankhaaraparinibbaayii hoti.|| ||

Ime kho bhikkhave cattaaro puggalaa santo sa.mvijjamaanaa lokasmin" ti.|| ||


Contact:
E-mail
Copyright Statement