Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XVIII: Sa~ncetana Vagga

Sutta 172

Sa~ncetanaa Sutta.m (a)

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][olds] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Cattaaro'me bhikkhave attabhaavapa.tilaabhaa.|| ||

Katame cattaaro?|| ||

Atthi bhikkhave attabhaavapa.tilaabho,||
yasmi.m attabhaavapa.tilaabhe||
attasa~ncetanaa kamati||
no parasa~ncetanaa.|| ||

Atthi bhikkhave attabhaavapa.tilaabho,||
yasmi.m attabhaavapa.tilaabhe||
parasa~ncetanaa kamati||
no attasa~ncetanaa.|| ||

Atthi bhikkhave attabhaavapa.tilaabho,||
yasmi.m attabhaavapa.tilaabhe||
attasa~ncetanaa ca kamati||
parasa~ncetanaa ca.|| ||

Atthi bhikkhave attabhaavapa.tilaabho,||
yasmi.m attabhaavapa.tilaabhe||
n'eva attasa~ncetanaa kamati||
no parasa~ncetanaa.|| ||

Ime kho bhikkhave cattaaro attabhaavapa.tilaabhaa" ti.|| ||

 


 

2. Eva.m vutte aayasmaa Saariputto Bhagavanta.m etad avoca:|| ||

"Imassa kho aha.m bhante Bhagavataa sankhittena bhaasitassa eva.m vitthaarena attha.m aajaanaami:|| ||

Tatra bhante yvaaya.m attabhaavapa.tilaabho,||
yasmi.m attabhaavapa.tilaabhe||
attasa~ncetanaa kamati||
no parasa~ncetanaa||
attasa~ncetanaahetu tesa.m sattaana.m tamhaa kaayaa cuti hoti.|| ||

Tatra bhante yvaaya.m attabhaavapa.tilaabho,||
yasmi.m attabhaavapa.tilaabhe||
parasa~ncetanaa kamati||
no attasa~ncetanaa,||
parasa~ncetanaahetu tesa.m sattaana.m tamhaa kaayaa cuti hoti.|| ||

Tatra bhante yvaaya.m attabhaavapa.tilaabho,||
yasmi.m attabhaavapa.tilaabhe||
attasa~ncetanaa ca kamati||
parasa~ncetanaa ca,||
attasa~ncetanaahetu ca||
parasa~ncetanaahetu ca tesa.m sattaana.m tamhaa kaayaa cuti hoti.|| ||

Tatra bhante yvaaya.m attabhaavapa.tilaabho,||
yasmi.m attabhaavapa.tilaabhe||
n'eva attasa~ncetanaa kamati||
no parasa~ncetanaa-||
katame tena devaa da.t.thabbaa" ti?|| ||

3. "N'evasa~n~naanaasa~n~naayatanuupagaa Saariputta devaa tena da.t.thabbaa" ti.|| ||

"Ko nu kho bhante hetu ko paccayo yenam idh'ekacce sattaa tamhaa kaayaa cutaa aagaamino honti aagantaaro itthatta.m?|| ||

Ko pana bhante hetu ko paccayo yenam [160] idh'ekacce sattaa tamhaa kaayaa cutaa anaagaamino honti anaagantaaro itthattan" ti?|| ||

4. "Idha Saariputta ekaccassa puggalassa orambhaagiyaani sa~n~nojanaani appahiinaani honti,||
so di.t.the va dhamme n'eva-sa~n~naa-naasa~n~naayatana.m upasampajja viharati.|| ||

So tad assaadeti tan nikaameti,||
tena ca vitti.m aapajjati.|| ||

Tattha .thito tad-adhimutto tabbahulavihaarii,||
aparihiino kaala.m kurumaano n'eva-sa~n~naa-naasa~n~naayatanuupagaana.m devaana.m sahavyata.m upapajjati,||
so tato cuto aagaamii hoti aagantaa itthatta.m.|| ||

5. Idha pana Saariputta ekaccassa puggalassa orambhaagiyaani sa~n~nojanaani pahiinaani honti,||
so di.t.the va dhamme n'eva-sa~n~naa-naasa~n~naayatana.m upasampajja viharati.|| ||

So tad assaadeti tan nikaameti,||
tena ca vitti.m aapajjati.|| ||

Tattha .thito tadadhimutto tabbahulavihaarii,||
aparihiino kaala.m kurumaano n'eva-sa~n~naa-naasa~n~naayatanuupagaana.m devaana.m sahavyata.m upapajjati,||
so tato cuto anaagaamii hoti anaagantaa itthatta.m.|| ||

Aya.m kho Saariputta hetu aya.m paccayo,||
yenam idh'ekacce sattaa tamhaa kaayaa cutaa aagaamino honti aagantaaro itthatta.m.|| ||

Aya.m pana Saariputta hetu aya.m paccayo,||
yenam idh'ekacce sattaa tamhaa kaayaa cutaa anaagaamino honti anaagantaaro itthattan" ti.

 


Contact:
E-mail
Copyright Statement