Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIX: Yodhajiiva Vagga

Sutta 181

Yodhaajiiva Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Catuhi bhikkhave a'ngehi samannaagato yodhaajiivo raajaaraho hoti raajabhoggo ra~n~no a'ngan t'eva sa'nkha.m gacchati.|| ||

Katamehi catuhi?|| ||

Idha, bhikkhave, yodhaajiivo .thaanakusalo ca hoti,||
dure-paakii ca,||
akkha.navedhii ca,||
mahato ca kaayassa padaaletaa.|| ||

Imehi kho bhikkhave catuhi a'ngehi samannaagato yodhaajiivo raajaaraho hoti raajabhoggo ra~n~no a'ngan t'eva sa'nkha.m gacchati.|| ||

[171] 2. Evam eva kho bhikkhave cakuhi dhammehi samannaagato bhikkhu aahuneyyo hoti paahu.neyoyaa,||
dakkhi.neyyo,||
a~njalikara.niiyo,||
anuttara.m pu~n~nakkhetta.m lokassa.|| ||

Katamehi catuhi?|| ||

Idha, bhikkhave, bhikkhu .thaanakusalo ca hoti,||
duure-paatii ca,||
akkha.navedhiiva,||
mahato ca kaayassa padaaletaa.|| ||

Kata~n ca bhikkhave bhikkhu .thaanakusalo hoti?|| ||

Idha, bhikkhave, bhikkhu siilavaa hoti paatimokkha-sa.mvara-sa.mvuto viharati aacaara-gocara-sampanno a.numattesu vajjesu bhaya-dassaavii samaadaaya sikkhati sikkhaapadesu.|| ||

Eva.m kho bhikkhave bhikkhu .thaanakusalo hoti.|| ||

Kata~n ca bhikkhave bhikkhu duure paatii hoti?|| ||

Idha, bhikkhave, bhikkhu ya.m ki~nci ruupa.m atiitaanaagata-paccuppanna.m||
ajjhatta.m vaa bahiddhaa vaa||
o.laarika.m vaa||
sukhuma.m vaa||
hiina.m vaa pa.niita.m vaa||
ya.m duure santike vaa,||
sabba.m ruupa.m:|| ||

'N'eta.m mama,||
n'eso'ham asmi,||
na m'eso attaa' ti|| ||

Evam eta.m yathaabhuta.m sammappa~n~naaya passati.|| ||

Yaa kaa ci vedanaa atiitaanaagata-paccuppannaa||
ajjhatta.m vaa bahiddhaa vaa||
o.laarika.m vaa||
sukhuma.m vaa||
hiina.m vaa pa.niita.m vaa||
ya.m duure santike vaa,||
sabba.m vedana.m:|| ||

'N'eta.m mama,||
n'eso'ham asmi,||
na m'eso attaa' ti|| ||

Evam eta.m yathaabhuta.m sammappa~n~naaya passati.|| ||

Yaa kaaci sa~n~naa atiitaanaagata-paccuppannaa||
ajjhatta.m vaa bahiddhaa vaa||
o.laarika.m vaa||
sukhuma.m vaa||
hiina.m vaa pa.niita.m vaa||
ya.m duure santike vaa,||
sabba.m sa~n~na.m:|| ||

'N'eta.m mama,||
n'eso'ham asmi,||
na m'eso attaa' ti|| ||

Evam eta.m yathaabhuta.m sammappa~n~naaya passati.|| ||

Ye kevi sankhaaraa atiitaanaagata-paccuppannaa||
ajjhatta.m vaa bahiddhaa vaa||
o.laarika.m vaa||
sukhuma.m vaa||
hiina.m vaa pa.niita.m vaa||
ya.m duure santike vaa,||
sabba.m sa'nkhare:|| ||

'N'eta.m mama,||
n'eso'ham asmi,||
na m'eso attaa' ti|| ||

Evam eta.m yathaabhuta.m sammappa~n~naaya passati.|| ||

Ya.m ki~nci vi~n~naa.na.m atiitaanaagata-panaccuppanna.m||
ajjhatta.m vaa bahiddhaa vaa||
o.laarika.m vaa||
sukhuma.m vaa||
hiina.m vaa pa.niita.m vaa||
ya.m duure santike vaa,||
sabba.m vi~n~naa.na.m:|| ||

'N'eta.m mama,||
n'eso'ham asmi,||
na m'eso attaa' ti|| ||

Evam eta.m yathaabhuta.m sammappa~n~naaya passati.|| ||

Eva.m kho bhikkhave bhikkhu duure paatii hoti.|| ||

Katha~n ca bhikkhave bhikkhu akkha.navedii hoti?|| ||

Idha, bhikkhave, bhikkhu
'ida.m dukkhan' ti yathaabhuta.m pajaanaati,||
'aya.m dukkhasamudayo' ti yathaabhuta.m pajaanaati,||
'aya.m dukkhanirodho' ti yathaabhuta.m pajaanaati,||
'aya.m dukkhanirodhagaaminii pa.tipadaa' ti yathaabhuta.m pajaanaati.|| ||

Eva.m kho bhikkhave bhikkhu akkha.navedhii hoti.|| ||

Kata~n ca bhikkhave bhikkhu mahato ca kaayassa padaaletaa hoti?|| ||

Idha, bhikkhave, bhikkhu mahanta.m avijjakkhandha.m padaaleti.|| ||

Eva.m kho bhikkhave bhikkhu mahato kaayassa padaaletaa hoti.|| ||

Imehi kho bhikkhave catuhi dhammehi samannaagato bhikkhu aahuneyyo hoti paahu.neyyo,||
dakkhi.neyyo,||
a~njalikara.niiyo,||
anuttara.m pu~n~nakkhetta.m lokassaa ti.|| ||

 


Contact:
E-mail
Copyright Statement