Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIX: Yodhajiiva Vagga

Sutta 187

Dutiya Vassakaara Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Raajagahe viharati Ve.luvane Kalandakanivaape.|| ||

Atha kho Vassakaaro braahma.no Magadhamahaamaatto yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m samamodi.|| ||

Sammodaniiya.m katha.m saaraa.niya.m viitisaaretvaa eka-m-anta.m nisiidi.|| ||

Eka-m-anta.m nisinno kho Vassakaaro braahma.no Magadhamahaamatto Bhagavanti.m etad avoca:|| ||

 

§

 

Jaaneyya nu kho bho Gotama asappuriso asappurisa.m:|| ||

"Asappuriso aya.m bhavan" ti?|| ||

A.t.thaana.m kho eta.m braahma.na anavakaaso ya.m asappuriso asappurisa.m jaaneyya:|| ||

"Asappuriso aya.m bhavan" ti.|| ||

 

§

 

Jaaneyya pana bho Gotama asappuriso sappurisa.m:

"Sappuriso aya.m bhavan" ti?|| ||

Etam pi kho braahma.na a.t.thaana anavakaaso ya.m asappuriso sappurisa.m jaaneyya:|| ||

"Sappuriso aya.m bhavan" ti.|| ||

 

§

 

Jaaneyya, pana bho Gotama sappuriso sappurisa.m:|| ||

"Sappuriso aya.m bhavan" ti?|| ||

.Thaana.m kho eta.m braahma.na vijjati,||
ya.m sappuriso sappurisa.m jaaneyya:|| ||

"Sappuriso aya.m bhavan" ti.|| ||

 

§

 

Jaaneyya, pana bho Gotama sappuriso asappurisa.m:|| ||

"Asappuriso aya.m bhavan" ti.|| ||

Etam pi kho braahma.na .thaana.m vijjati,||
ya.m sappuriso asappurisa.m jaaneyya:|| ||

'Asappuriso aya.m bhavan' ti.|| ||

 

§

 

Acchariya.m bho Gotama,||
abbhuta.m bho Gotama,||
yaava [180] subhaasita.m vida.m bhotaa Gotamena:|| ||

"A.t.thaana.m kho eta.m brahma.na anavakaaso,||
ya.m asappuriso asappurisa.m jaaneyya|| ||

'Asappuriso aya.m bhavan' ti.|| ||

Etam pi kho braahma.na a.t.thaana.m anavakaaso,||
ya.m asappuriso sappurisa.m jaaneyya:|| ||

'Sappuriso aya.m bhavan' ti.|| ||

.Thaana.m kho eta.m braahma.na vijjati,||
ya.m sappuriso sappurisa.m jaaneyya:|| ||

'Sappuriso aya.m bhavan' ti.|| ||

Etam pi kho braahma.na .thaanaa.m vijjati,||
ya.m sappuriso asappurisa.m jaaneyya:|| ||

'Asappuriso aya.m bhavan' ti.|| ||

 


 

Ekam ida.m bho Gotama samaya.m Todeyyassa braahma.nassa parisati.m paruupaarambha.m vattenti:|| ||

"Baalo aya.m raajaa E.leyyo yo sama.ne Raamaputte abhippasanno,||
sama.ne ca pana Raamaputte evaruupa.m paramanipaccaakaara.m karoti:|| ||

Yad ida.m abhivaadana.m paccu.t.thaana.m a~njalikamma.m saamiicikamman ti.|| ||

Ime pi ra~n~no E.leyyassa parihaarakaa baalaa,||
Yamako Moggallo Uggo Naavindakii Gandhabbo Aggivesso,||
ye sama.ne Raamaputte abhippasannaa,||
sama.ne ca pana Raamaputte evaruupa.m paramanipaccaakaara.m karonti:|| ||

Yad ida.m abhivaadana.m paccu.t.thaana.m a~njalikamma.m saamiicikamman" ti.|| ||

'Tyaassuda.m Todeyyo braahma.no iminaa nayena neti:|| ||

Ta.m ki.m ma~n~nanti bhonto?|| ||

"Pa.n.dito raajaa E.leyyo kara.niiyaadhikara.niiyesu vacaniiyaadhivacaniiyesu alamatthadasatarehi alamatthadasataro" ti.'|| ||

'Eva.m bho.|| ||

"Pa.n.dito raajaa E.leyyo kara.niiyaadhikara.niyesu vacaniiyaadhivacaniiyesu alamatthadasatarehii alamatthadasataro" ti.|| ||

Yasmaa ca kho bhonto,||
sama.no Raamaputto ra~n~naa phalayyena pa.n.ditena pa.n.ditataro kara.niyaadhikara.niiyesu vacaniiyaadhivacaniiyesu alamattadasatarena alamatthadasataro,||
tasmaa raajaa E.leyyo sama.ne Raamaputte abhippasanno,||
sama.ne va pana Raamaputte evaruupa.m paramanipaccakaara.m karoti:|| ||

Yad ida.m abhivaadana.m paccu.t.thaana.m a~njalikamma.m saamiicikamma.m.'|| ||

'Ta.m ki.m ma~n~nanti bhonto?|| ||

"Pa.n.ditaa ra~n~no E.leyyassa parihaarakaa,||
Yamako Moggallo [181] Uggo Naavindakii Gandhabbo Aggivesso,||
kara.niiyaadhikira.niyesu vacaniiyaadhivacaniiyesu alamatthadasatarehi alamatthadasataraa" ti.'|| ||

'Eva.m bho.|| ||

"Pa.n.ditaa ra~n~no E.leyyassa parihaarakaa,||
Yamako Moggallo Uggo Naavindakii Gandhabbo Aggivesso,||
kara.niiyaadhikara.niyesu vacaniiyaadhivacaniiyesu alamatdasatarehi alamatthadasataraa" ti.|| ||

Yasmaa kho bho,||
sama.no raamaaputto ra~n~no E.leyyassa parihaarakehi pa.n.ditehi pa.n.ditataro kara.niiyaadhikara.niiyesu vacaniiyaadhivacaniiyesu alamatthadasatarehi alamatthadasataro.|| ||

Tasmaa ra~n~no E.leyyassa parihaarakaa sama.ne Raamaputte abhippasannaa sama.ne ca pana raamapute evaruupa.m paramanipaccakaara.m karonti:|| ||

Yad ida.m abhivaadana.m paccu.t.thaana.m a~njalikamma.m saamiicikamman' ti.|| ||

Acchariya.m bho Gotama abbhuta.m bho Gotama yaava subhaasitamida.m bhotaa Gotamena:|| ||

"A.t.thaana.m kho eta.m brahma.na anavakaaso||
ya.m asappuriso asappurisa.m jaaneyya|| ||

'Asappuriso aya.m bhavan' ti.|| ||

Etam pi kho braahma.na a.t.thaana.m anavakaaso,||
ya.m asappuriso sappurisa.m jaaneyya:|| ||

'Sappuriso aya.m bhavan' ti.|| ||

.Thaana.m kho eta.m braahma.na vijjati,||
ya.m sappuriso sappurisa.m jaaneyya:|| ||

'Sappuriso aya.m bhavan' ti.|| ||

Etam pi kho braahma.na .thaanaa.m vijjati,||
ya.m sappuriso asappurisa.m jaaneyya:|| ||

'Asappuriso aya.m bhavan' ti.|| ||

Bhanda vadaani maya.m bho Gotama gacchaama, bahukicchaa maya.m bahukara.niiyaati.|| ||

Yassadaani tva.m braahma.na kaala.m ma~n~nasiiti.|| ||

Atha kho Vassakaaro braahma.no Magadhamahaamatto Bhagavato bhaasita.m abhinanditvaa anumoditvaa u.t.thaay aasanaa pakkaamii ti.|| ||

 


Contact:
E-mail
Copyright Statement