Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XIX: Yodhajiiva Vagga

Sutta 190

Uposatha Sutta.m aka Bhikkhu-Sa'nghatho-Mana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati||
Pubbaaraame Migaaramaatupaasaade.|| ||

Tena kho pana samayena Bhagavaa tadahuposathe bhikkhu-sa'nghaparivuto nisinno hoti.|| ||

Atha kho Bhagavaa tu.nhiibhuta.m tu.nhiibhuta.m bhikkhu-sa'ngha.m anuviloketvaa bhikkhu aamantesi:|| ||

Apalaapaa'ya.m bhikkhave parisaa.|| ||

Nippalaapaa'ya.m bhikkhave parisaa suddhaa saare pati.t.thitaa.|| ||

Tathaaruupo aya.m bhikkhave bhikkhusa'ngho.|| ||

Tathaaruupaa'ya.m bhikkhave parisaa yathaaruupaa parisaa dullabhaa dassanaaya pi lokasmi.m.|| ||

Tathaaruupo aya.m bhikkhave bhikkhusa'ngho.|| ||

Tathaaruupaa'ya.m bhikkhave parisaa aahuneyyaa paahu.neyyaa dakkhi.neyyaa a~njalikara.niiyo anuttara.m pu~n~nakkhetta.m lokassa.|| ||

Tathaaruupo aya.m bhikkhave bhikkusa'ngho.|| ||

Tathaaruupaa'ya.m bhikkhave parisaa yathaaruupaaya.m parisaa appam pi dinna.m bahu.m hoti,||
bahu.m dinna.m bahutara.m.|| ||

Tathaaruupo aya.m bhikkhave bhikkhusa'ngho.|| ||

Tathaaruupaa'ya.m bhikkhave parisaa yathaaruupa.m parisa.m ala.m yojanaga.nanaani pi dassanaaya gantu.m api pu.ta.msenaapi.|| ||

Tathaaruupo aya.m bhikkhave bhikkhusa'ngho.|| ||

[184] Santi bhikkhave bhikkhu imasmi.m bhikkhusa'nghe devappattaa viharanti.|| ||

Santi, bhikkhave, bhikkhu imasmi.m bhikkhusa'nghe brahmappattaa viharanti.|| ||

Santi, bhikkhave, bhikkhu imasmi.m bhikkhusa'nghe aane~njappattaa viharanti.|| ||

Santi, bhikkhave, bhikkhu imasmi.m bhikkhusa'nghe ariyappattaa viharanti.|| ||

Kata.m ca bhikkhave bhikkhu devappatto hoti?|| ||

Idha, bhikkhave, bhikkhu vivicc'eva kaamehi vivicca akusalehi dhamamehi savitakka.m savicaara.m vivekaja.m piiti-sukha.m pa.thama.m jajhaana.m upasampajja viharati.|| ||

Vitakkavicaaraana.m vupasamaa ajjhatta.m sampasaadana.m cetaso ekodii-bhaava.m avitakka.m avicaara.m samaadhija.m piiti-sukha.m dutiya.m jjhaana.m upasampajja viharati.|| ||

Piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa'nvedeti ya.m ta.m ariyaa aavikkhanti|| ||

'upekkhako satimaa sukhavihaarii'|| ||

ti tatiyajjhaana.m upasampajja viharati.|| ||

Sukhassa ca pahaanaa dukkhassa ca pahaanaa pubb'eva somanassa-domanassaana.m attha-gamaa adukkha.m-asukha.m upekkhaa-sati-paarisuddhi.m catutthajjhaana.m upasampajja viharati.|| ||

Eva.m kho bhikkhave bhikkhu devappatto hoti.|| ||

Katha.m ca bhikkhave bhikkhu brahmappatto hoti?|| ||

Idha, bhikkhave, bhikkhu mettaasahagatena cetasaa eka.m disa.m pharitvaa viharati.|| ||

Tathaa dutiya.m disa.m pharitvaa viharati.|| ||

Tathaa tatiya.m disa.m pharitvaa viharati.|| ||

Tathaa catutthi.m disa.m pharitvaa viharati.|| ||

Iti uddham-adho tiriya.m sabbadhi sabbattataaya sabbaavanta.m loka.m mettaasahagatena cetasaa vipulena mahaggatena appamaa.nena averena akhyaapajjhena pharitvaa viharati.|| ||

Karu.naasahagatena cetasaa vipulena mahaggatena appamaa.nena averena akhyapajjhena pharitvaa viharati.|| ||

Muditaasahagatena cetasaa vipulena mahaggatena appamaa.nena averena akhyaapajjheta pharitvaa viharati.|| ||

Upekkhaasahagatena cetasaa vipulena mahaggatena appamaa.nena averena akhyaapajjheta pharitvaa viharati.|| ||

Upekkhaasahagatena cetasaa eka.m disa.m pharitvaa viharati.|| ||

Tathaa dutiya.m disa.m paritvaa viharati.|| ||

Tathaa tatiya.m disa.m pharitvaa viharati.|| ||

Tathaa catutthi.m disa.m paritvaa viharati.|| ||

Iti uddham-adho tiriya.m sabbadhi sabbattataaya sabbaavanta.m loka.m upekkhaasahagatena cetasaa vipulena mahaggatena appamaa.nena averena adhyaapajjhena pharitvaa viharati.|| ||

Eva.m kho bhikkhave bhikkhu brahmappatto hoti.|| ||

Katha.m ca bhikkhave bhikkhu aane~njappatto hoti?|| ||

Idha, bhikkhave, bhikkhu sabbaso ruupa-sa~n~naana.m samatikkamaa pa.tigha-sa~n~naana.m attha-gamaa naanattasa~n~naana.m amasikaaraa|| ||

'anatto aakaaso' ti|| ||

aakaasaana~ncaayatana.m upasampajja viharati.|| ||

Sabbaso aakaasaana~ncaayatana.m samatikkamma|| ||

'Ananta.m vi~n~naa.nan' ti|| ||

vi~n~naa.na~ncaayatana.m upasampajja viharati.|| ||

Sabbaso vi~n~naa.na~ncaayatana.m samatikkamma|| ||

'n'atthi ki~nci' ti|| ||

aaki~nca~n~naayatana.m upasampajja viharati.|| ||

Sabbaso aaki~nca~n~naayatana.m samatikkamma n'eva-sa~n~naa-naasa~n~naayatana.m upasampajja viharati.|| ||

Eva.m kho bhikkhave bhikkhu aane~njappatto hoti.|| ||

Katha.m ca bhikkhave bhikkhu ariyappatto hoti?|| ||

Idha, bhikkhave, bhikkhu|| ||

'Ida.m dukkhan' ti yathaabhuuta.m pajaanaati.|| ||

'Aya.m dukkhasamadayo' ti yathaabhuta.m pajaanaati.|| ||

'Aya.m dukkhanirodho' ti yathaabhuta.m pajaanaati.|| ||

'Aya.m dukkhanirodhagaaminii pa.tipadataa' ti yathaabhuta.m pajaanaati.|| ||

Eva.m kho bhikkhave bhikkhu ariyappatto hotii ti.|| ||

Yodhajiiva Vagga (Braahma.na Vaggo) Catuttho|| ||

 


Contact:
E-mail
Copyright Statement