Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XX: Mahaa Vagga

Sutta 191

Sotaanudhata Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Sotaanugataana.m Bhikkhave dhammaana.m vacasaa paricitaana.m manasaanupekkhitaana.m di.t.thiyaa suppa.tividdhaana.m cattaaro aanisa.msaa pa.tika'nkhaa.|| ||

Katame cattaaro?|| ||

Idha, bhikkhave, bhikkhu dhamma.m pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha sukhino dhammapadaani pi lapanti.|| ||

Dandho bhikkhave sattuppaado,||
atha so satto khippa.m yeva visesagaamii hoti.|| ||

Sotaanugataana.m bhikkhave dhammaana.m vacasaa paricitaana.m manasaanupekkhitaana.m di.t.thiyaa suppa.tividdhaana.m||
aya.m pa.thamo aanisa.mso paa.tika'nkho.|| ||

 

§

 

2. Puna ca para.m bhikkhave bhikkhu dhamma.m pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha na h'eva kho sukhino dhammapadaani pi lapanti,||
api ca kho bhikkhu iddhimaa cetovasippatto devaparisaaya.m dhamma.m deseti.|| ||

Tass'eva.m hoti:|| ||

'Aya.m vaa so dhammavinayo yatthaaha.m pubbe brahmacariyaha.m acarin' ti.|| ||

Dandho bhikkhave satuppaado,||
atha so satto khippa.m yeva visesagaamii hoti.|| ||

Seyyathaa pi, bhikkhave, puriso kusalo bherisaddassa,||
so addhaanamagga pa.tipanno bherisadda.m su.neyya,||
tassa na h'eva kho assa ka'nkaa vaa vimati vaa bherisaddo nu kho na nu kho bherisaddo ti,||
atha kho bherisaddo t'eva ni.t.tha.m gaccheyya,||
evam eva kho bhikkhave bhikkhu dhamma.m [186]pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha na h'eva kho sukhino dhammapadaani pi lapanti,||
api ca kho bhikkhu iddhimaa cetovasippatto devaparisaaya.m dhamma.m deseti.|| ||

Tass'eva.m hoti:|| ||

'Aya.m vaa so dhammavinayo yatthaaha.m pubbe brahmacariyaha.m acarin' ti.|| ||

Dandho bhikkhave satuppaado,||
atha so satto khippa.m yeva visesagaamii hoti.|| ||

Sotaanugataana.m bhikkhave dhammaana.m vacasaa paricitaana.m manasaanupekkhitaana.m di.t.thiyaa suppa.tividdhaana.m||
aya.m dutiyo aanisa.mso paa.tka'nkho.

 

§

 

3. Puna ca para.m bhikkhave bhikkhu dhamma.m pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha na h'eva kho sukhino dhammapadaani pi lapanti,||
napi bhikkhu iddhimaa cetovasippatto devaparisaaya.m dhamma.m deseti,||
api ca kho devaputto devaparisaaya.m dhamma.m deseti.|| ||

Tass'eva.m hoti:|| ||

Aya.m vaa so dhammavinayo yatthaaha.m pubbe brahmacariya.m acarin ti.|| ||

Dandho bhikkhave satuppaado,||
atha so satto khippa.m yeva visesagaami hoti.|| ||

Seyyathaa pi, bhikkhave, puriso kusalo sa'nkhasaddassa,||
so addhaanamaggapa.tipanno sa'nkhasadda.m su.neyya,||
tassa na h'eva kho assa ka'nkhaa vaa vimati va sa'nkhasaddo nu kho na nu kho sa'nkhasaddo ti,||
atha kho sa'nkhasaddo t'eva ni.t.tha.m gaccheyya,||
evam eva kho bhikkhave bhikkhu dhamma.m pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha na h'eva kho sukhino dhammapadaani pi lapanti,||
napi bhikkhu iddhimaa cetovasippatto devaparisaaya.m dhamma.m deseti,||
api ca kho devaputto devaparisaaya.m dhamma.m deseti.|| ||

Tass'eva.m hoti:|| ||

Aya.m vaa so dhammavinayo yatthaaha.m pubbe brahmacariya.m acarin ti.|| ||

Dandho bhikkhave satuppaado,||
atha so satto khippa.m yeva visesagaami hoti.|| ||

Sotaanugataana.m bhikkhave dhammaana.m vacasaa paricitaana.m manasaanupekkhitaana.m di.t.thiyaa suppa.tividdhaana.m||
aya.m tatiyo aanisa.mso paa.tika'nkho.|| ||

 

§

 

4. Puna ca para.m bhikkhave bhikkhu dhamma.m pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha na h'eva kho sukhino dhammapadaani pi lapanti,||
napi bhikkhu iddhimaa cetovasippatto devaparisaaya.m dhamma.m deseti,||
napi devaputto devaparisaaya.m dhamma.m deseti,||
api ca kho opapaatiko opapaatika.m saareti:|| ||

"Sarasi tva.m maarisa||
sarasi tva.m maarisa||
yattha maya.m pubbe brahmacariya.m acarimhaa" ti?|| ||

So evam aaha:|| ||

"Saraami maarisa||
saraami maarisaa" ti.|| ||

Dandho bhikkhave sattupaado,||
atha so satto khippa.m yeva visesagaamii hoti.|| ||

Seyyathaa pi, bhikkhave, dve sahayakaa sahapa.msukii.likaa,||
te kadaaci karahaci a~n~nama~n~na.m samaagaccheyyu.m,||
tam ena.m sahaayako sahaayaka.m eva.m vadeyya:|| ||

"Idam pi samma sarasii||
idam pi me samma sarasii" ti?|| ||

So eva.m vadeyya:|| ||

[187] "Saraami samma||
saraami sammaaa" ti||
evam eva kho bhikkhave bhikkhu dhamma.m pariyaapu.naati:|| ||

Sutta.m Geyya.m Veyyaakara.na.m Gaathaa Udaana.m Itivuttaka.m Jaataka.m Ababhutadhamma.m Vedalla.m.|| ||

Tassa te dhammaa sotaanudhataa honti vacasaa paricitaa manasaanupekkhitaa di.t.thiyaa suppa.tividdhaa.|| ||

So mu.t.thassati kaala.m kuramaano a~n~natara.m devanikaaya.m upapajjati.|| ||

Tassa tattha na h'eva kho sukhino dhammapadaani pi lapanti,||
napi bhikkhu iddhimaa cetovasippatto devaparisaaya.m dhamma.m deseti,||
napi devaputto devaparisaaya.m dhamma.m deseti,||
api ca kho opapaatiko opapaatika.m saareti:|| ||

"Sarasi tva.m maarisa||
sarasi tva.m maarisa||
yattha maya.m pubbe brahmacariya.m acarimhaa" ti?|| ||

So evam aaha:|| ||

"Saraami maarisa||
saraami maarisaa" ti.|| ||

Dandho bhikkhave sattupaado,||
atha so satto khippa.m yeva visesagaamii hoti.|| ||

Sotaanudhataana.m bhikkhave dhammana.m vacasaa paricitaana.m manasaanupekkhitaana.m di.ta.thiyaa suppa.tividdhaana.m||
aya.m catuttho aanisa.mso paa.tika'nkho.|| ||

Sotaanugataana.m bhikkhave dhammaana.m vacasaa paricitaana.m manasaanupekkhitaana.m di.t.thiyaa suppa.tividdhaana.m||
ime cattaaro aanisa.msaa paa.tika'nkhaa ti.|| ||

 


Contact:
E-mail
Copyright Statement