Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XX: Mahaa Vagga

Sutta 198

Tapa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[205]

[1][pts] Eva.m me suta.m:|| ||

Eka.m samaya.m Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaaro me bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Idha, bhikkhave, ekacco puggalo||
attantapo hoti attaparitaapanaanuyogam anuyutto.|| ||

Idha pana bhikkhave ekacco puggalo||
parantapo hoti paraparitaapanaanuyogam anuyutto.|| ||

Idha pana bhikkhave ekacco puggalo||
attantapo ca hoti attaparitaapanaanuyogam anuyutto,||
parantapo ca hoti paraparitaapanaanuyogam anuyutto.|| ||

Idha pana bhikkhave ekacco puggalo||
n'ev'attantapo hoti na attaparitaapanaanuyogam anuyut- [206] to hoti||
na paraparitaapanaanuyogam anuyutto||
so anattantapo aparantapo di.t.th'eva dhamve nicchaato nibbuto siitiibhuto sukhapa.tisa.mvedii brahmabhutena attanaa viharati.|| ||

 


 

2. Katha~n ca bhikkhave puggalo attantapo hoti,||
attaparitaapanaanuyogam anuyutto?|| ||

Idha, bhikkhave, ekacco puggalo acelako hoti||
muttaacaaro hatthaapalekha.no,||
na 'ehi bhadantiko'||
na 'ti.t.tha-bhadantiko naabhiha.ta.m'||
na 'uddissaka.ta.m'||
na 'nimantana.m saadiya' ti.|| ||

So na kumbhimukhaa patiga.nhaati,||
na kha.lopimukhaa patiga.nhaati,||
na e.lakamantara.m||
na da.n.damantara.m||
na muusalamantara.m||
na dvinna.m bhu~njamaanaana.m||
na gabbhiniiyaa||
na paayamaanaaya||
na purisantaragataaya||
na sa'nkittisu||
na yattha saa upa.t.thito hoti,||
na yattha makkhikaa sa.n.dasa.n.davaari.nii,||
na maccha.m||
na ma.msa.m,||
na sura.m||
na meraya.m||
na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaa pi dattiyaa yaapeti,||
dviihi pi dattiipi yaapeti,||
sattahi pi dattiihi yaapeti,||
ekaahikam pi aahaara.m aahaareti,||
dvaahikam pi aahaara.m aahaareti,||
sattaahikam pi aahaara.m aahaareti.|| ||

-DN 8

So ekaagaariko vaa homi ekaalopiko,||
dvaagaariko vaa homi dvaalopiko,||
sattaagaariko vaa homi sattaalopiko.|| ||

Ekissaa pi dattiyaa yaapemi,||
dviihi pi dattiihi yaapemi,||
sattahi pi dattiihi yaapemi.|| ||

Ekaahikam pi aahaara.m aahaaremi,||
dviihikam pi aahaara.m aahaaremi,||
sattaahikam pi aahaara.m aahaaremi.|| ||

-MN 12 p77

So ekaagaariko vaa hoti||
ekaalopiko vaa,||
dvaagaariko va hoti,||
dvaalopiko vaa,||
... pe ...,||
sattaagaariko va hoti||
sattaalopiko vaa.|| ||

Ekissaa pi dattiyaa yaapeti,||
dvihi pi dattiihi yaapeti,||
... pe ...,||
sattahi pi dattihi yaapeti.|| ||

Ekaahikam pi aahaara.m aaraareti,||
dvaahikam pi aahaara.m aahaareti,||
... pe ...,||
sattaahikam pi aahaara.m aahaareti.|| ||

Iti evaruupa.m addhamaasikam pi pariyaaya-bhatta-bojanaanuyogam anuyutto viharati.|| ||

So saaka-bhakkho pi hoti,||
saamaaka-bhakkho pi hoti,||
niivaara-bhakkho pi hoti,||
daddula-bhakkho pi hoti,||
ha.ta-bhakkho pi hoti,||
ka.na-bhakkho pi hota,||
aacaama-bhakkho pi hoti,||
pi~n~naaka-bhakkho pi hoti,||
ti.na-bhakkho pi hoti,||
gomaya-bhakkho pi hoti.|| ||

Vanamuulaphalaahaaro yaapeti pavattaphalahoji.|| ||

So saa.naani pi dhaareti,||
masaa.naani pi dhareti,||
chavadussaani pi dhaareti,||
pa.msukuulaani pi dhaareti,||
tiirii.taani pi dhareti,||
ajinaani pi dhaareti,||
ajinakkhipam pi dhaareti,||
kusaciiram pi dhaareti,||
vaakaviiram pi dhaareti,||
phalakaviiram pi dhaareti,||
kesakambalam pi dhaareti,||
vaalakambalam pi dhaareti,||
uluukapakkham pi dhaareti.|| ||

Kesamassulocako pi hoti||
kesamassulocanaanuyogam anuyutto.|| ||

Ubbha.t.thako pi hoti||
aasanapa.tikkitto.|| ||

Ukku.tiko pi hoti||
ukku.tikappadhaanaam anuyutto.|| ||

Ka.n.takaapassayiko pi hoti||
ka.n.takaapassaye seyya.m kappeti.|| ||

Saayatatiyakam piudakoro- [207] hanaanuyogam anuyutto viharati.|| ||

Iti evaruupa.m aneka-vihita.m kaayassa aataapanaparitaapanaanuyogam anuyutto viharati.|| ||

Eva.m kho bhikkhave puggalo attantapo hoti attaparitaapanaanuyogam anuyutto.|| ||

 

§

 

3. Katha~n ca bhikkhave puggalo parantapo hoti paraparitaapanaanuyogam anuyutto?|| ||

Idha, bhikkhave, ekacco puggalo orabbhiko hoti suukariko saakuntiko maagaviko luddo macchaghaatako coro coraghaatako bandhanaagaariko,||
ye vaa pan'a~n~ne pi ke ci kuruurakammantaa.|| ||

Eva.m kho bhikkhave puggalo parantapo hoti paraparitaapanaanuyogam anuyutto.|| ||

 

§

 

4. Katha~n ca bhikkhave puggalo attantapo ca hoti attaparitaapanaanuyogam anuyutto,||
parantapo ca paraparitaapanaanuyogam anuyutto?|| ||

Idha, bhikkhave, ekacco puggalo raajaa vaa hoti khattiyo muddhaavasitto braahma.no vaa mahaasaalo.|| ||

So puratthimena nagarassa nava.m santhaagaara.m kaaraapetvaa kesamassu.m ohaaretvaa kharaajina.m nivaasetvaa sappitelena kaaya.m abbha~njitvaa migavisaa.nena pi.t.thi.m ka.n.duuvamaano santhaagaara.m pavisati saddhi.m mahesiyaa braahma.nena ca purohitena.|| ||

So tattha anantarahitaaya bhumiyaa haritupalittaaya seyya.m kappeti.|| ||

Ekissaa gaaviyaa saruupavacchaaya||
ya.m ekasmi.m thane khiira.m hoti,||
tena raajaa yaapeti,||
ya.m dutiyasmi.m thane khiira.m hoti,||
tena mahesii yaapeti,||
ya.m tatiyasmi.m thane khiira.m hoti,||
tena braahma.no purohito yaapeti,||
ya.m catutthasmi.m thane khiira.m hoti,||
tena aggi.m juhanti,||
avasesena vacchako yaapeti.|| ||

So evam aaha:|| ||

'Ettakaa usabhaa ha~n~nantu ya~n~natthaaya,||
ettakaa vacchataraa ha~n~nantu ya~n~natthaaya,||
ettakaa vacchatariyo ha~n~nantu ya~n~natthaaya,||
ettakaa ajaa ha~n~nantu ya~n~natthaaya,||
ettakaa urabbhaa ha~n~nantu ya~n~natthaaya,||
[ettakaa assaa ha~n~nantu ya~n~natthaaya,]||
ettakaa rukkhaa chijjantu yuupatthaaya,||
ettakaa dabbaa luuyantu barihisatthaayaa' ti.|| ||

Ye pi' [208] ssa te honti daasaa ti vaa pessaa ti vaa kammakaraa ti vaa,||
te pi da.n.datajjitaa bhayatajjitaa assumukhaa rudamaanaa parikammaani karonti.|| ||

Eva.m kho bhikkhave puggalo attantapo ca hoti attaparitaapanaanuyogam anuyutto||
parantapo ca hoti paraparitaapanaanuyogam anuyutto.|| ||

 

§

 

5. Katha~n ca bhikkhave puggalo n'eva attantapo hoti||
na attaparitaapanaanuyogam anuyutto,||
na parantapo hoti||
na paraparitaapanaanuyogam anuyutto,||
so anattantapo aparantapo di.t.the va dhamme nicchaato nibbuto siitibhuto sukhapa.tisa.mvedii brahmabhutena attanaa viharati?|| ||

6. Idha, bhikkhave, Tathaagato loke uppajjati araha.m sammaasambuddho vijjaacara.nasampanno sugato lokaviduu anuttaro purisadammasaarathi satthaa deva-manussaana.m Buddho Bhagavaa.|| ||

So ima.m loka.m sadevaka.m samaaraka.m sabrahmaka.m,||
sassama.nabraahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti||
aadikalyaa.na.m||
majjhekalyaa.na.m||
pariyosaanakalyaa.na.m||
saattha.m sabya~njana.m,||
kevalaparipu.n.na.m parisuddha.m||
brahmacariya.m pakaaseti.|| ||

Ta.m dhamma.m su.naati gahapati vaa||
gahapatiputto vaa||
a~n~natarasmi.m vaa kule paccaajaato,||
so ta.m dhamma.m sutvaa Tathaagate saddha.m pa.tilabhati.|| ||

7. So tena saddhaapa.tilaabhena samannaagato iti pa.tisa~ncikkhati:|| ||

Sambaadho gharaavaaso rajaapatho abbhokaaso pabbajjaa,||
na yida.m sukara.m agaara.m ajjhaavasataa ekantaparipu.n.na.m ekantaparisuddha.m sa'nkhalikhita.m brahmacariya.m caritu.m,||
yan nuunaaha.m kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajeyyan ti.|| ||

So aparena samayena appa.m vaa bhogakkhandha.m pahaaya||
mahanta.m vaa bhogakkhandha.m pahaaya,||
appa.m vaa ~naatipariva.t.ta.m pahaaya,||
mahanta.m vaa ~naatipariva.t.ta.m pahaaya,||
kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajati.|| ||

8. So eva.m pabbajito samaano bhikkhuna.m sikkhaasaajivasamaapanno,||
paa.naatipaata.m pahaaya paa.naatipaataa pa.tivirato hoti,||
nihita-da.n.do nihita-sattho lajjii dayaapanno sabbapaa.nabhutahitaanukampii viharati.|| ||

Adinnaadaana.m pahaaya||
adinnaadaanaa [209] pa.tivirato hoti,||
dinnaadaayii dinna-paa.tika'nkhii athenena sucibhuutena attanaa viharati.|| ||

Abrahmacariya.m pahaaya||
brahmacaarii hoti,||
aaraa-caarii,||
virato methunaa gaama-dhammaa.|| ||

Musaa-vaada.m pahaaya||
musaa-vaadaa pa.tivirato hoti,||
sacca-vaadii sacca-sandho theto paccayiko avisa.mvaadako lokassa.|| ||

Pisu.na.m vaaca.m paahaaya||
pisu.naayaa vaacaaya pa.tivirato hoti,||
na ito sutvaa amutra akkhaataa imesa.m bhedaaya,||
amutra vaa sutvaa na imesa.m akkhaataa amusa.m bhedaaya,||
iti bhinnaana.m vaa sandhaataa sahitaana.m vaa anuppadaataa samaggaaraamo samagga-rato samagga-nandii samagga-kara.ni.m vaaca.m bhaasitaa hoti,||
pharusa.m vaaca.m pahaaya pharusaaya vaacaaya pa.tivirato hoti,||
yaa saa vaacaa ne.laa ka.n.na-sukhaa pemaniiyaa hadaya'n-gamaa porii bahujanakantaa bahujanamanaapaa,||
tathaa-ruupi.m vaaca.m bhaasitaa hoti.|| ||

Samphappalaapa.m pahaaya samphappalaapaa pa.tivirato hoti.|| ||

Kaala-vaadii||
bhuutavaadii||
attha-vaadii||
dhamma-vaadii||
vinaya-vaadii||
nidhaanavati.m vaaca.m bhaasitaa hoti kaalena saapadesa.m pariyantavati.m atthasa.mhita.m.|| ||

9. So biijagaamabhuutagaamasamaarambhaa pa.tivirato hoti,||
eka-bhattiko hoti rattuparato,||
virato vikaala-bhojanaa,||
nacca-giita-vaadita-visuuka-dassanaa pa.tivirato hoti,||
maalaagandha-vilepana-dhaara.nama.n.da.na-vibhusana.t.thaanaa pa.tivirato hoti,||
uccaasayana-mahaasayanaa pa.tivirato hoti,||
jaataruupa-rajata-pa.tiggaha.naa pa.tivirato hoti,||
aamakadha~n~napa.tiggaha.naa pa.tivirato hoti,||
aamakama.msapa.tiggaha.naa pa.tivirato hoti,||
itthikumaarikaapa.tiggaha.naa pa.tivirato hoti,||
daasi-daasa-pa.tiggaha.naa pa.tivirato hoti,||
aj-e.laka-pa.tiggaha.naa pa.tivirato hoti,||
kukku.ta-suukara-pa.tiggaha.naa pa.tivirato hoti,||
hatthigavaassava.lavaapa.tiggaha.naa pa.tivirato hoti,||
khetta-vatthu-pa.tiggaha.naa pa.tivirato hoti,||
duuteyyapahi.nagamanaanuyogaa pa.tivirato hoti,||
kaya-vikkayaa pa.tivirato hoti,||
tulaakuu.taka.msakuu.tamaanakuu.taa pa.tivirato hoti,||
ukko.tanava~n-cananikatisaaviyogaa pa.tivirato hoti,||
chedana-vadhabandhana-viparaamosa-aalopa-sahasaakaaraa pa.tivirato hoti.|| ||

10. So santu.t.tho hoti kaayaparihaarikena ciivarena kucchiparihaarikena pi.n.dapaatena,||
yena yen'eva pakkamati,||
samaadaay'eva pakkamati.|| ||

Seyyathaa pi naama pakkhii saku.no,||
yena [210] yen'eva .deti,||
sapattabhaarova .deti.|| ||

Evam eva bhikkhu santu.t.tho hoti kaayaparihaarikena ciivarena kucchiparihaarikena pi.n.dapaatena||
yena yen'eva pakkamati,||
samaadaayeva pakkamati.|| ||

So iminaa ariyena siilakkhandhena samannaagato ajjhatta.m anavajjasukha.m pa.tisa'nvedeti.|| ||

11. So cakkhunaa ruupa.m disvaa na nimittaggaahii hoti naanuvya~njanaggaahii,||
yatvaadhikara.nam ena.m cakkhundriya.m asa.mvuta.m viharanta.m abhijajhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati||
rakkhati cakkhundriya.m,||
cakkhundriye sa.mvara.m aapajjati.|| ||

Sotena sadda.m sutvaa na nimittaggaahii hoti naanuvya~njanaggaahii,||
yatvaadhikara.nam ena.m sotendriya.m asa.mvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati||
rakkhati sotendriya.m,||
sotendriye sa.mvara.m aapajjati.|| ||

Ghaa.nena gandha.m ghaayitvaa na nimittaggaahii hoti naanuvya~njanaggaahii,||
yatvaadhikara.nam ena.m ghaa.nendriya.m asa.mvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati||
rakkhati ghaa.nendriya.m,||
ghaa.nendriye sa.mvara.m aapajjati.|| ||

Jivhaaya rasa.m saayitvaa na nimittaggaahii hoti naanuvya~njanaggaahii,||
yatvaadhikara.nam ena.m jivhendriya.m asa.mvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati||
rakkhati jivhendriya.m,||
jivhendriye sa.mvara.m aapajjati.|| ||

Kaayena pho.t.thabba.m phusitvaa na nimittaggaahii hoti naanuvya~njanaggaahii,||
yatvaadhikara.nam ena.m kaayendriya.m asa.mvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati||
rakkhati kaayendriya.m,||
kaayendriye sa.mvara.m aapajjati.|| ||

Manasaa dhamma.m vi~n~naaya na nimittaggaahii hoti naanuvya~njanaggaahii,||
yatvaadhikara.nam ena.m manindriya.m asa.mvuta.m viharanta.m abhijjhaa, domanassaa paapakaa akusalaa dhammaa anvaasasaveyyu.m,||
tassa sa.mvaraaya pa.tipajjati||
rakkhati manindriya.m,||
manindriye sa.mvara.m aapajjati.|| ||

So iminaa ariyena indriya sa.mvarena samannaagato ajjhatta.m avyaasekasukha.m pa.tisa'nvedeti.|| ||

12. So abhikkante pa.tikkante sampajaanakaarii hoti,||
aalokite vilokite sampajaanakaarii hoti,||
sammi~njite pasaarite sampajaanakaarii hoti,||
sa'nghaa.tipattaciivaradhaara.ne sampajaanakaarii hoti,||
asite piite khaayite saayite sampajaanakaarii hoti,||
uccaarapassaavakamme sampajaanakaarii hoti,||
gate .thite nisinne sutte jaagarite bhaasite tu.nhiibhaave sampajaanakaarii hoti.|| ||

13. So iminaa ca ariyena siilakkhandhena samannaagato iminaa ca ariyena indriyasa.mvarena samannaagato iminaa ca ariyena satisampaja~n~nena samannaagato [imaaya ca ariyaaya santu.t.thiyaa samannaagato] vivitta.m senaasana.m bhajati ara~n~na.m rukkhamuula.m pabbata.m kandara.m giri.m guha.m susaana.m vanapattha.m abbhokaasa.m palaalapu~nja.m.|| ||

So pacchaabhatta.m pi.n.dapaatapa.tikkanto nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

So abhijjha.m loke pahaaya vigataabhijjhena cetasaa viharati,||
abhijjhaaya citta.m parisodheti.|| ||

Vyaapaadapadosa.m pahaaya avyaapannacitto viharati,||
sababapaa.nabhutahitaanukampii,||
vyaapaadapadosaa citta.m parisodheti.|| ||

Thiinamiddha.m [211] pahaaya vigatathiinamiddho viharati,||
aalokasa~n~ni sato sampajaano,||
thiinamiddhaa citta.m parisodheti.|| ||

Uddhaccakukkucca.m pahaaya anuddhato viharati,||
ajjajhatta.m vupasantacitto||
uddhaccakukkuccaa citta.m parisodheti.|| ||

Vicikiccha.m pahaaya ti.n.navicikiccho viharati,||
akatha.mkathii kusalesu dhammesu,||
vicikicchaaya citta.m parisodheti.|| ||

14. So ime pa~ncaniivara.ne pahaaya cetaso upakkilese pa~n~naaya dubbaliikara.ne vivicc'eva kaamehi vivicca akusalehi dhamamehi savitakka.m savicaara.m vivekaja.m piiti-sukha.m pa.thama.m jajhaana.m upasampajja viharati.|| ||

Vitakkavicaaraana.m vupasamaa ajjhatta.m sampasaadana.m cetaso ekodii-bhaava.m avitakka.m avicaara.m samaadhija.m piiti-sukha.m dutiya.m jjhaana.m upasampajja viharati.|| ||

Piitiyaa ca viraagaa upekkhako ca viharati||
sato ca sampajaano,||
sukha~n ca kaayena pa.tisa'nvedeti ya.m ta.m ariyaa aavikkhanti|| ||

'upekkhako satimaa sukhavihaarii'|| ||

ti tatiyajjhaana.m upasampajja viharati.|| ||

Sukhassa ca pahaanaa dukkhassa ca pahaanaa pubb'eva somanassa-domanassaana.m attha-gamaa adukkha.m-asukha.m upekkhaa-sati-paarisuddhi.m catutthajjhaana.m upasampajja viharati.|| ||

15. So eva.m samaahite citte parisuddhe pariyodaate ana'nga.ne vigatupakkilese mudubhute kammaniye .thite aanejjappatte pubbenivaasaanussati~naa.naaya citta.m abhininnaameti.|| ||

So eva.m samaahite citte parisuddhe pariyodaate ana'nga.ne vigatupakkilese mudubhute kammaniye .thite aanejjappatte sattaana.m cutupapaata~naa.naaya citta.m abhininnaanameti.|| ||

So eva.m samaahite citte parisuddhe pariyodaato ana'nga.ne vigatupakkilese mudubhute kammaniye .thite aasavaana.m khaya~naa.naaya citta.m abhininnaameti.|| ||

So 'Ida.m dukkhan' ti yathaabhuta.m pajaanaati,||
'Aya.m dukkhasamudayo' ti yathaabhuta.m pajaanaati,||
'Aya.m dukkhanirodho' ti yathaabhuta.m pajaanaati,||
'Aya.m dukkhanirodhagaaminii pa.tapadaa' ti yathaabhuta.m pajaanaati.|| ||

'Ime aasavaa' ti yathaabhuta.m pajaanaati||
'Aya.m aasavasamuudayo' ti yathaabhuta.m pajaanaa ti,||
'Aya.m aasavanirodho' ti yathaabhuta.m pajaanaati,||
'Aya.m aasavanirodhagaaminii pa.tipadaa' ti yathaabhuta.m pajaanaa ti.|| ||

Tass'eva.m jaanato eva.m passato kaamaasavaa pi citta.m vimuccati,||
bhavaasavaa pi citta.m vimuccati,||
avijjaasavaa pi citta.m vimuccati,||
vimuttasmi.m vimuttamiti ~naa.na.m hoti.|| ||

Khii.naa jaati vusita.m brahmacariya.m kata.m kara.niiya.m naapara.m itthattaayaati pajaanaati.|| ||

Eva.m kho bhikkhave puggalo n'eva attantapo hoti na attaparitaapanaanuyogam anuyutto,||
na parantapo hoti na paraparitaapanaanuyogam anuyutto.|| ||

So anattantapo aparantapo di.t.the va dhamme nicchaato nibbuto siitiibhuto sukhapa.tisa.mvedii brahmabhutena attanaa viharati.|| ||

Ime kho bhikkhave cattaaro puggalaa santo sa.mvijjamaanaa lokasmin" ti.|| ||

 


Contact:
E-mail
Copyright Statement