Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XX: Mahaa Vagga

Sutta 200

Pema Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Eva.m me suta.m:|| ||

Eka.m samaya.m Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Cattaar'imaani bhikkhave jaayanti.||
Katamaani cattaari?|| ||

Pemaa pema.m jaayati.||
Pemaa doso jaayati.||
Dosaa pema.m jaayati.||
Dosaa doso jaayati.|| ||

2. Katha~n ca bhikkhave pemaa pema.m jaayati?|| ||

Idha, bhikkhave, puggalo puggalassa i.t.tho hoti kanto manaapo.||
Ta.m pare i.t.thena kantena manaapena samudaacaranti.||
Tass'eva.m hoti:||
yo kho myaaya.m puggalo i.t.tho kanto manaapo hoti||
ta.m pare i.t.thena kantena manaapena samuudaacarantii ti||
so tesu pema.m janeti.|| ||

Eva.m kho bhikkhave pemaa pema.m jaayati.|| ||

3. Katha~n ca bhikkhave pemaa doso jaayati?|| ||

Idha, bhikkhave, puggalo puggalassa i.t.tho hoti kanto manaapo. Ta.m pare ani.t.thena akantena amanaapena samudaacaranti. Tass'eva.m hoti: yo kho myaaya.m puggalo i.t.tho kanto manaapo, ta.m pare ani.t.thena akantena amanaapena samudaacarantiiti.||
So tesu dosa.m janeti.|| ||

Eva.m kho bhikkhave pemaa doso jaayati.|| ||

Katha~n ca bhikkhave dosaa pema.m jaayati?|| ||

Idha, bhikkhave, puggalo puggalassa ani.t.tho hoti akanto amanaapo. Ta.m pare ani.t.thena akantena amanaapena samuudaacaranti. Tass'eva.m hoti: yo kho myaaya.m puggalo ani.t.tho akanto amanaapo, ta.m pare ani.t.thena akantena amanaapena samudaacarantiiti||
so tesu pema.m janeti.|| ||

Eva.m kho bhikkhave dosaa pema.m jaayati.|| ||

5. Katha~n ca bhikkhave dosaa doso jaayati?|| ||

Idha, bhikkhave, puggalo puggalassa ani.t.tho hoti akanto [214] amanaapo ta.m pare i.t.thena kantena manaapena samuudaacaranti. Tass'eva.m hoti: yo kho myaaya.m puggalo ani.t.tho akanto amanaapo, ta.m pare i.t.thena kantena manaapena samudaacarantiti.||
So tesu dosa.m janeti.|| ||

Eva.m kho bhikkhave dosaa doso jaayati.|| ||

Imaani kho bhikkhave cattaari jaayanti.|| ||

6. Yasmi.m bhikkhave samaye bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m||
upasampajja viharati,||
ya.m pi'ssa pemaa pema.m jaayati,||
tam pi'ssa tasmi.m samaye na hoti.||
Yo pi'ssa pemaa doso jaayati,||
so pi'ssa tasmi.m samaye na hoti.||
Yo pi'ssa pemaa doso jaayati,||
so pi'ssa tasmi.m samaye na hoti.||
Yam pi'ssa dosaa pema.m jaayati,||
tam pi'ssa tasmi.m samaye na hoti.||
Yo pi'ssa dosaa doso jaayati,||
so pi'ssa tasmi.m samaye na hoti.|| ||

7. Yasmi.m bhikkhave samaye bhikkhu vitakka vicaarana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m||
upasampajja pema.m viharati,||
yam pi'ssa pemaa pema.m jaayati.||
Tam pi'ssa tasmi.m samaye na hoti.||
Yo pi'ssa pemaa doso jaayati,||
so pi'ssa tasmi.m samaye na hoti.||
Yam pi'ssa dosaa pema.m jaayati,||
tam pi'ssa tasmi.m samaye na hoti.||
Yo pi'ssa dosaa doso jaayati,||
so pi'ssa tasmi.m samaye na hoti.|| ||

8. Yasmi.m bhikkhave samaye bhikkhu vitakka vicaarana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m tatiya.m-jhaana.m||
upasampajja pema.m viharati,||
yam pi'ssa pemaa pema.m jaayati.||
Tam pi'ssa tasmi.m samaye na hoti.||
Yo pi'ssa pemaa doso jaayati,||
so pi'ssa tasmi.m samaye na hoti.||
Yam pi'ssa dosaa pema.m jaayati.||
tam pi'ssa tasmi.m samaye na hoti.||
Yo pi'ssa dosaa doso jaayati,||
so pi'ssa tasmi.m samaye na hoti.|| ||

Yasmi.m bhikkhave samaye bhikkhu vitakka vicaarana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m catuttha.m-jhaana.m||
upasampajja pema.m viharati,||
yam pi'ssa pemaa pema.m jaayati.||
Tam pi'ssa tasmi.m samaye na hoti.||
Yo pi'ssa pemaa doso jaayati,||
so pi'ssa tasmi.m samaye na hoti.||
Yam pi'ssa dosaa pema.m jaayati.||
tam pi'ssa tasmi.m samaye na hoti.||
Yo pi'ssa dosaa doso jaayati,||
so pi'ssa tasmi.m samaye na hoti.|| ||

Yasmi.m bhikkhave samaye bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa||
upasampajja viharati,||
yam pi'ssa pemaa pema.m jaayati,||
tam pi'ssa pahiina.m hoti.||
Ucchinnamuula.m taala-vatthu-kata.m anabhaavakata.m aayati.m anuppaadadhamma.m.||
Yo pi'ssa pemaa doso jaayati||
so pi'ssa pahii.no hoti,||
ucchinnamuulo taalaavatthukato anabhaavakato aayati.m anuppaadadhammo.||
Yam pi'ssa dosaa pema.m jaayati,||
tam pi'ssa pahiina.m hoti,||
ucchinnamuula.m taala-vatthu-kata.m anabhaavakata.m anuppaadadhamma.m.||
Yo pi'ssa dosaa doso jaayati,||
so pi'ssa pahii.no hoti ucchinnamuulo taalaavatthukato anabhaavakato aayati.m anuppaadadhammo.|| ||

Aya.m vuccati bhikkhave bhikkhu nevusseneti nappa.tisseneti na dhuupaayani na pajjalati na apajjhaayati.|| ||

9. Katha~n ca bhikkhave bhikkhu usseneti?|| ||

Idha, bhikkhave, bhikkhu ruupa.m attato samanupassati,||
ruupavanta.m vaa attaana.m,||
attani vaa ruupa.m,||
ruupasmi.m vaa attaana.m.|| ||

Vedana.m attato samanupassati,||
[215] vedanaavanta.m vaa attaana.m||
attani vaa vedana.m,||
vedanaaya vaa attaana.m.|| ||

Sa~n~na.m attato samanupassati,||
sa~n~naavanta.m vaa attaana.m,||
attani vaa sa~n~na.m,||
sa~n~naaya vaa attaana.m.|| ||

Sa.mkhaare attato samanupassati,||
sa.mkhaaravanta.m vaa attaana.m,||
attani vaa sa.mkhaare,||
sa.mkhaaresu vaa attaana.m.|| ||

Vi~n~naa.na.m attato samanupassati,||
vi~n~naa.navanta.m vaa attaana.m,||
attani vaa vi~n~naa.na.m,||
vi~n~naa.nasmi.m vaa attaana.m.|| ||

Eva.m kho bhikkhave bhikkhu usseneti.|| ||

10. Katha~n ca bhikkhave bhikkhu na usseneti?|| ||

Idha, bhikkhave, bhikkhu na ruupa.m attato samanupassati,||
na ruupavanta.m vaa attaana.m,||
na attani vaa ruupa.m,||
na ruupasmi.m vaa attaana.m.|| ||

Na vedana.m attato samanupassati,||
na vedanaavanta.m vaa attaana.m,||
na attani vaa vedana.m,||
na vedanaaya vaa attaana.m.|| ||

Na sa~n~na.m attato samanupassati,||
na sa~n~naavanta.m vaa attaana.m,||
na attani vaa sa~n~na.m,||
na sa~n~naaya vaa attaana.m.|| ||

Na sa.mkhaare attato samanupassati,||
na sa.mkaaravanta.m vaa attaana.m,||
na attani vaa sa.mkhaare,||
na sa.mkhaaresu vaa attaana.m.|| ||

Na vi~n~naa.na.m attato samanupassati,||
na vi~n~naa.navanta.m vaa attaana.m,||
na attani vaa vi~n~naa.na.m,||
na vi~n~naa.nasmi.m vaa attaana.m.|| ||

Eva.m kho bhikkhave bhikkhu na usseneti.|| ||

11. Katha~n ca bhikkhave bhikkhu pa.tisseneti?|| ||

Idha, bhikkhave, bhikkhu akkosanta.m paccakkosati,||
rosanta.m pa.tirosati,||
bha.n.danta.m pa.tibha.n.dati.|| ||

Eva.m kho bhikkhave bhikkhu pa.tisseneti.|| ||

12. Katha~n ca bhikkhave bhikkhu na pa.tisseneti?|| ||

Idha, bhikkhave, bhikkhu akkosanta.m na paccakkosati,||
rosanta.m na pa.tirosati,||
bha.n.danta.m na pa.tibha.n.dati.|| ||

Eva.m kho bhikkhave bhikkhu na pa.tisseneti.|| ||

13. Katha~n ca bhikkhave bhikkhu dhuupaayati?|| ||

Asmiiti bhikkhave sati||
itthasmiiti hoti,||
evasmiiti hoti,||
a~n~nathasmiiti hoti,||
asasmiiti hoti,||
satasmiiti hoti,||
santi hoti,||
ittha.m santi hoti,||
eva.m santi hoti,||
a~n~nathaa santi hoti,||
api ha santi hoti,||
api ittha.m santi hoti,||
api eva.m santi hoti,||
api a~n~nathaa santi hoti,||
bhavissanti hoti,||
ittha.m bhavissanti hoti,||
eva.m bhavissanti hoti,||
a~n~nathaa bhavissanti hoti.|| ||

Eva.m kho bhikkhave bhijhu dhuupaayati.|| ||

14. Katha~n ca bhikkhave bhikkhu na dhuupaayati?|| ||

Asmiiti bhikkhave asati||
itthasmiiti na hoti,||
a~n~nathasmiiti na hoti,||
asasmiiti na hoti,||
satasmiiti na hoti,||
santi na hoti,||
ittha.m santi na hoti,||
eva.m santi na hoti,||
a~n~nathaa santi na hoti,||
apiha santi na hoti,||
api ittha.m santi na hoti,||
api eva.m santi na hoti,||
api a~n~nathaa [216] santi na hoti,||
bhavissanti na hoti,||
ittha.m bhavissanti na hoti,||
eva bhavissanti na hoti,||
a~n~nathaa bhavissanti na hoti.|| ||

Eva.m kho bhikkhave bhikkhu na dhuupaayati.|| ||

15. Katha~n ca bhikkhave bhikkhu pajjalati?|| ||

Iminaa asmiiti bhikkhave sati||
iminaa itthasmiiti hoti,||
iminaa evasmiiti hoti||
iminaa a~n~nathasmiiti hoti,||
iminaa asasmiiti hoti,||
iminaa satasmiiti hoti,||
iminaa santi hoti,||
iminaa ittha.m santi hoti,||
iminaa eva.m santi santi hoti,||
iminaa apiha santi hoti,||
iminaa a~n~nathaa santi hoti,||
iminaa apiha santi hoti,||
iminaa api ittha.m santi hoti,||
iminaa api eva.m santi hoti,||
iminaa api a~n~nathaa santi hoti,||
iminaa bhavissanti hoti,||
iminaa ittha.m bhavissanti hoti,||
iminaa eva.m bhavissanti hoti,||
iminaa a~n~nathaa bhavissanti hoti.|| ||

Eva.m kho bhikkhave bhikkhu pajjalati.|| ||

16. Katha~n ca bhikkhave bhikkhu na pajjalati?|| ||

Iminaa asmiiti bhikkhave asati||
iminaa itsmiiti na hoti,||
iminaa evasmiiti na hoti,||
iminaa a~n~nathasmiiti na hoti,||
iminaa asasmiiti na hoti,||
iminaa satasmiiti na hoti,||
iminaa santi na hoti,||
iminaa ittha.m santi na hoti,||
iminaa eva.m santi na hoti,||
iminaa a~n~nathaa santi na hoti,||
iminaa apiha santi na hoti,||
iminaa api ittha.m santi na hoti,||
iminaa api eva.m santi na hoti,||
iminaa api a~n~nathaa santi na hoti,||
iminaa bhavassanti na hoti,||
iminaa ittha.m bhavissanti na hoti,||
iminaa eva.m bhavissanti na hoti,||
iminaa a~n~nathaa bhavissanti na hoti.|| ||

Eva.m kho bhikkhave bhikkhu na pajjalati.|| ||

17. Katha~n ca bhikkhave bhikkhu pajjhaayati?|| ||

Idha, bhikkhave, bhikkhuno asmimaano pahii.no na hoti,||
ucchinnamuulo taalaavatthukato anabhaavakato aayati.m uppaadadhammo.|| ||

Eva.m bhikkhave bhikkhu pajjhaayati.|| ||

Katha~n ca bhikkhave bhikkhu na pajjhaayati?|| ||

Idha, bhikkhave, bhikkhuno asmimaano pahii.no hoti,||
ucchinnamuulo taalaavatthukato anabhaavakato aayati.m anuppaadadhammo.|| ||

Eva.m kho bhikkhave bhikkhu na pajjhaayatii ti.|| ||

MAHAaVAGGO PA~NCAMO

 


Contact:
E-mail
Copyright Statement