Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXI: Sappurisa Vagga

Sutta 208

Dutiya Paapa: Kalyaa.na Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

'Paapa~n ca vo bhikkhave desissaami||
paapena paapatara~n ca||
kalyaa.na~n ca||
kalyaa.nena kalyaa.natara~n ca.|| ||

Ta.m su.naatha saadhuka.m manasi karotha bhaasissaamii ti.'|| ||

'Eva.m bhante' ti kho te bhikkhuu Bhagavato paccassosu.m.|| ||

Bhagavaa etad avoca:|| ||

Katamo ca bhikkhave paapo?|| ||

Idha bhikkhave ekacco||
micchaadi.t.thiko hoti,||
micchaasa'nkappo hoti,||
micchaavaaco hoti,||
micchaakammanto hoti,||
michaa-aajivo hoti,||
micchaavayaamo hoti,||
micchaasati hoti,||
micchaasamaadhi hoti,||
micchaa~naa.nii hoti,||
micchaavimutti hoti.|| ||

Aya.m vuccati bhikkhave paapo.|| ||

Katamo ca bhikkhave paapena paapataro?|| ||

Idha, bhikkhave, ekacco||
attanaa ca micchaadi.t.thiko hoti,||
para~n ca micachaadi.t.thiyaa samaadapeti.|| ||

Attanaa ca micchaasa'nkappo hoti,||
para~n ca micchaasa'nkappe samaadapeti.|| ||

Attanaa ca micchaavaaco hoti,||
para~n ca micchaavaacaaya samaadapeti.|| ||

Attanaa ca micchaaaajiivo hoti,||
para~n ca micchaaaajiive samaadapeti.|| ||

Attanaa ca micchaasati hoti,||
para~n ca micchaasatiyaa samaadapeti.|| ||

Attanaa ca micchaasamaadhi hoti,||
para~nc a micchaasamaadhimhi samaadapeti.|| ||

Attanaa ca micchaa~naa.nii hoti,||
para~n ca micchaa~naa.ne samaadapeti.|| ||

Attanaa ca micchaavimuttii hoti,||
para~n ca micchaavimuttiyaa samaadapeti.|| ||

Aya.m vuccati bhikkhave paapena paapataro.|| ||

Katamo ca bhikkhave kalyaa.no?|| ||

Idha, bhikkhave, ekacco sammaadi.t.thiko hoti,||
sammaasa'nkappo hoti,||
sammaavaaco hoti,||
sammaakammanto hoti,||
sammaaaajiivo hoti,||
sammaa vaayaamo hoti,||
sammaasatii hoti,||
sammaasamaadhii hoti,||
sammaa~naa.nii hoti,||
sammaavimuttii hoti.|| ||

Aya.m vuccati bhikkhave kalyaa.no.|| ||

Katamo ca bhikkhave kalyaa.nena kalyaa.nataro?|| ||

Idha, bhikkhave, ekacco||
attanaa ca sammaadi.t.thiko hoti,||
para~n ca samamaadi.t.thiyaa samaadapeti.|| ||

Attanaa ca sammaasa'nkappo hoti,||
para~n ca sammaa sa'nkappe samaadapeti.|| ||

Attanaa ca sammaavaaco hoti,||
para~n ca sammaavaacaaya samaadapeti.|| ||

Attanaa ca sammaa kammanto hoti,||
para~n ca sammaakammante samaadapeti.|| ||

Attanaa ca sammaaaajiivo hoti,||
para~n ca sammaaaajiive samaadapeti.|| ||

Attanaa ca sammaasatii hoti,||
para~n ca sammaasatiyaa samaadapeti.|| ||

Attanaa ca sammaasamaadhii hoti,||
para~n ca sammaasamaadhimhi samaadapeti.|| ||

Attanaa ca sammaa~naa.nii hoti,||
para~n ca sammaa~naa.ne samaadapeti.|| ||

Attanaa ca sammaavimuttii hoti,||
para~n ca sammaavimuttiyaa samaadapeti.|| ||

Aya.m vuccati bhikkhave kalyaa.nena kalyaa.nataro.|| ||

 


Contact:
E-mail
Copyright Statement