Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXIV: Kamma Vagga

Sutta 233

Tatiya Kamma Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[232]

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho Siikhaa Moggallaano braahma.no yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho Sikhaa Moggallaano braahma.no Bhagavanta.m etad avoca:|| ||

"Purimaani bho Gotama divasaani purimataraani So.nakaayano maa.navo yenaaha.m ten'upasa'nkami.|| ||

Upasa'nkamitvaa ma.m etad avoca:|| ||

'Sama.no Gotamo sabbakammaana.m akiriya.m pa~n~naapeti||
sabbakammaana.m kho pana akiriya.m pa~n~naapento uccheda.m aaha lokassa||
kammasaccaaya.m bho loko,||
kammasamaarambha.t.thaayii' ti.|| ||

"Dassanam pi kho aha.m braahma.na So.nakaayanassa maa.navassa naabhijaanaami,||
kuto pan'evaruupo kathaasallaapo?|| ||

Cattaar'imaani braahma.na kammaani mayaa saya.m abhi~n~naa sacchikatvaa paveditaani.|| ||

Katamaani cattaari?|| ||

Atthi braahma.na kamma.m ka.nha.m ka.nhavipaaka.m.|| ||

Atthi braahma.na kamma.m sukka.m sukkavipaaka.m.|| ||

Atthi braahma.na khave kamma.m ka.nhasukka.m ka.nhasukkavipaaka.m.|| ||

Atthi braahma.na kamma.m aka.nha.m asukka.m aka.nha-asukkavipaaka.m kamma.m kammakkhayaaya sa.mvattati.|| ||

 


 

2. Katama~n ca braahma.na kamma.m ka.nha.m ka.nhavipaaka.m?|| ||

Idha, braahma.na, ekacco||
savyaapajjha.m kaayasankhaara.m abhisa'nkharoti,||
savyaapajjha.m vaciisankhaara.m abhisa'nkharoti,||
savyaapajjha.m manosankhaara.m abhisa'nkharoti.|| ||

So savyaapajjha.m kaayasankhaara.m abhisa'nkharitvaa||
savyaapajjha.m vaciisankhaara.m abhisa'nkharitvaa||
savyaapajjha.m manosankhaara.m abhisa'nkharitvaa||
savyaapajjha.m loka.m upapajjati.|| ||

Tam ena.m savyaapajjha.m loka.m upapanna.m||
samaana.m savyaapajjhaa phassaa phusanti.|| ||

So savyaapajjhehi phassehi phu.t.tho||
samaano savyaapajjha.m vedana.m vediyati ekantadukkha.m||
seyyathaa pi sattaa Nerayikaa.|| ||

Ida.m vuccati braahma.na kamma.m ka.nha.m ka.nhavipaaka.m.|| ||

 

§

 

3. . Katama~n ca braahma.na kamma.m sukka.m sukkavipaaka.m?|| ||

Idha, braahma.na, ekacco||
avyaapajjha.m kaayasankhaara.m abhisa'nkharoti,||
avyaapajjha.m vaciisankhaara.m abhisa'nkharoti,||
avyaapajjha.m manosankhaara.m abhisa'nkharoti.|| ||

So avyaapajjha.m kaayasankhaara.m abhisa'nkharitvaa||
avyaapajjha.m vaciisankhaara.m abhisa'nkharitvaa||
avyaapajjha.m manosankhaara.m abhisa'nkaritvaa||
avyaapajjha.m loka.m upapajjati.|| ||

Tam ena.m avyaapajjha.m loka.m upapanna.m||
phassaa phusanti so akhyaapajjhahi||
samaana.m avyaapajjhaa phassaa phusanti.|| ||

So avyaapajjhehi phassehi phu.t.tho||
samaano avyaapajjha.m vedana.m vediyati ekantasukha.m||
seyyathaa pi devaa Subhaki.n.naa.|| ||

Ida.m vuccati braahma.na kamma.m sukka.m sukkavipaaka.m.|| ||

 

§

 

4. Katama~n ca braahma.na kamma.m ka.nhasukka.m ka.nhasukkavipaaka.m?|| ||

Idha, braahma.na, ekacco||
savyaapajjham pi avyaapajjham pi kaayasankhaara.m abhisa'nkharoti,||
savyaapajjham pi avyaapajjham pi vaciisankhaara.m abhisa'nkharoti,||
savyaapajjham pi avyaapajjham pi manosankhaara.m abhisa'nkharoti.|| ||

So savyaapajjham pi avyaapajjham pi kaayasankhaara.m abhisa'nkharitvaa||
savyaapajjham pi avyaapajjham pi vaciisankhaara.m abhisa'nkharitvaa||
savyaapajjham pi avyaapajjham pi manosankhaara.m abhisa'nkharitvaa||
savyaapajjham pi avyaapajjham pi loka.m upapajjati.|| ||

Tam ena.m savyaapajjham pi avyaapajjham pi loka.m upapanna.m||
samaana.m savyaapajjhaa pi avyaapajjhaa pi phassaa phusanti.|| ||

So savyaapajjhehi pi avyaapajjhehi pi phassehi phu.t.tho||
samaano savyaapajjham pi avyaapajjham pi vedana.m vediyati voki.n.nasukhadukkha.m||
seyyathaa pi manussaa ekacce ca devaa ekacce ca vinipaatikaa.|| ||

Ida.m vuccati braahma.na kamma.m ka.nhasukka.m ka.nhasukkavipaaka.m.|| ||

 

§

 

5. Katama~n ca braahma.na kamma.m aka.nha.m asukka.m aka.nha-asukkavipaaka.m kamma.m kammakkhayaaya sa.mvattati?|| ||

Tatra, braahma.na,||
yam ida.m kamma.m ka.nha.m ka.nhavipaaka.m tassa pahaa.naaya yaa cetanaa,||
yam p'ida.m kamma.m sukka.m sukkavipaaka.m tassa pahaa.naaya yaa cetanaa,||
yam p'ida.m kamma.m ka.nhasukka.m ka.nhasukkavipaaka.m tassa pahaa.naaya yaa cetanaa,||
ida.m vuccati braahma.na kamma.m aka.nha.m asukka.m aka.nha asukkavipaaka.m kamma.m kammakkhayaaya sa.mvattati.|| ||

Imaani kho braahma.na cattaari kammaani mayaa saya.m abhi~n~naa sacachikatvaa paveditaanii" ti.|| ||

 


Contact:
E-mail
Copyright Statement