Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXIV: Kamma Vagga

Sutta 234

Catuttha- Pa~ncama Kamma Sutta.m
aka
Sikkhapada Sutta.m (1 and 2)

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Cattaar'imaani bhikkhave kammaani mayaa saya.m abhi~n~naa sacchikatvaa paveditaani.|| ||

Katamaani cattaari?|| ||

Atthi bhikkhave kamma.m ka.nha.m ka.nhavipaaka.m.|| ||

Atthi bhikkhave kamma.m sukka.m sukkavipaaka.m.|| ||

Atthi bhikkhave kamma.m ka.nhasukka.m ka.nhasukkavipaaka.m.|| ||

Atthi bhikkhave kamma.m aka.nha.m asukka.m aka.nha-asukkavipaaka.m kamma.m kammakkhayaaya sa.mvattati.|| ||

 

§

 

Katama~n ca bhikkhave kamma.m ka.nha.m ka.nhavipaaka.m?|| ||

Idha, bhikkhave, ekacco||
paa.naatipaatii hoti,||
adinnaadaayii hoti,||
kaamesu micchaacaarii hoti,||
musaavaadii hoti,||
suraamerayamajjapamaada.t.thaayii hoti.|| ||

[235] Ida.m vuccati bhikkhave kamma.m ka.nha.m ka.nhavipaaka.m.|| ||

 

§

 

Katama~n ca bhikkhave kamma.m sukka.m sukkavipaaka.m?|| ||

Idha, bhikkhave, ekacco||
paa.naatipaataa pa.tivirato hoti,||
adinnaadaanaa pa.tivirato hoti,||
kaamesu micchaacaaraa pa.tivirato hoti,||
musaa-vaadaa pa.tivirato hoti,||
suraamerayamajjapamaada.t.thaanaa pa.tivirato hoti.|| ||

Ida.m vuccati bhikkhave kamma.m sukka.m sukkavipaaka.m.|| ||

 

§

 

Katama~n ca bhikkhave kamma.m ka.nhasukka.m ka.nhasukkavipaaka.m?|| ||

Idha, bhikkhave, ekacco||
savyaapajjham pi avyaapajjham pi kaayasankhaara.m abhisa'nkharoti,||
savyaapajjham pi avyaapajjham pi vaciisankhaara.m abhisa'nkharoti,||
savyaapajjham pi avyaapajjham pi manosankhaara.m abhisa'nkharoti.|| ||

So savyaapajjham pi avyaapajjham pi kaayasankhaara.m abhisa'nkharitvaa||
savyaapajjham pi avyaapajjham pi vaciisankhaara.m abhisa'nkharitvaa||
savyaapajjham pi avyaapajjham pi manosankhaara.m abhisa'nkharitvaa||
savyaapajjham pi avyaapajjham pi loka.m upapajjati.|| ||

Tam ena.m savyaapajjham pi avyaapajjham [231] pi loka.m upapanna.m||
samaana.m savyaapajjhaa pi avyaapajjhaa pi phassaa phusanti.|| ||

So savyaapajjhehi pi avyaapajjhehi pi phassehi phu.t.tho||
samaano savyaapajjham pi avyaapajjham pi vedana.m vediyati voki.n.nasukhadukkha.m||
seyyathaa pi manussaa ekacce ca devaa ekacce ca vinipaatikaa.|| ||

Ida.m vuccati bhikkhave kamma.m ka.nhasukka.m ka.nhasukkavipaaka.m.|| ||

 

§

 

5. Katama~n ca bhikkhave kamma.m aka.nha.m asukka.m aka.nha-asukkavipaaka.m kamma.m kammakkhayaaya sa.mvattati?|| ||

Tatra, bhikkhave,||
yam ida.m kamma.m ka.nha.m ka.nhavipaaka.m tassa pahaa.naaya yaa cetanaa,||
yam p'ida.m kamma.m sukka.m sukkavipaaka.m tassa pahaa.naaya yaa cetanaa,||
yam p'ida.m kamma.m ka.nhasukka.m ka.nhasukkavipaaka.m tassa pahaa.naaya yaa cetanaa,||
ida.m vuccati bhikkhave kamma.m aka.nha.m asukka.m aka.nha asukkavipaaka.m kamma.m kammakkhayaaya sa.mvattati.|| ||

Imaani kho bhikkhave cattaari kammaani mayaa saya.m abhi~n~naa sacachikatvaa paveditaanii" ti.|| ||

 


 

"Cattaar'imaani bhikkhave kammaani mayaa saya.m abhi~n~naa sacchikatvaa paveditaani.|| ||

Katamaani cattaari?|| ||

Atthi bhikkhave kamma.m ka.nha.m ka.nhavipaaka.m.|| ||

Atthi bhikkhave kamma.m sukka.m sukkavipaaka.m.|| ||

Atthi bhikkhave kamma.m ka.nhasukka.m ka.nhasukkavipaaka.m.|| ||

Atthi bhikkhave kamma.m aka.nha.m asukka.m aka.nha-asukkavipaaka.m kamma.m kammakkhayaaya sa.mvattati.|| ||

 

§

 

Katama~n ca bhikkhave kamma.m ka.nha.m ka.nhavipaaka.m?|| ||

Idha, bhikkhave, ekaccena||
maataa-jiivitaa voropitaa hoti,||
pitaa-jiivitaa voropito hoti,||
araha.m-jiivitaa voropito hoti,||
Tathaagatassa padu.t.thena cittena lohita.m uppaaditaa hoti,||
sa'ngho pi bhinno hoti.|| ||

Ida.m vuccati bhikkhave kamma.m ka.nha.m ka.nhavipaaka.m.

 

§

 

Katama~n ca bhikkhave kamma.m sukka.m sukkavipaaka.m?|| ||

[236] idha bhikkhave ekacco||
paa.naatipaataa pa.tivirato hoti,||
adinnaadaanaa pa.tivirato hoti,||
kaamesu micchaacaaraa pa.tivirato hoti,||
adinnaadaanaa pa.tivirato hoti,||
kaamesumicchaacaaraa pa.tivirato hoti,||
musaa-vaadaa pa.tivirato hoti,||
pisu.naavaacaa pa.tivirato hoti,||
pharusaavaacaa pa.tivirato hoti,||
samphappalaapaa pa.tivirato hoti,||
anabhijjhaaluu hoti,||
abyaapannacitto hoti,||
sammaa-di.t.thiko hoti.|| ||

Ida.m vuccati bhikkhave kamma.m sukka.m sukkavipaaka.m.|| ||

 

§

 

Katama~n ca bhikkhave kamma.m ka.nhasukka.m ka.nhasukkavipaaka.m?|| ||

Idha, bhikkhave, ekacco||
savyaapajjham pi avyaapajjham pi kaayasankhaara.m abhisa'nkharoti,||
savyaapajjham pi avyaapajjham pi vaciisankhaara.m abhisa'nkharoti,||
savyaapajjham pi avyaapajjham pi manosankhaara.m abhisa'nkharoti.|| ||

So savyaapajjham pi avyaapajjham pi kaayasankhaara.m abhisa'nkharitvaa||
savyaapajjham pi avyaapajjham pi vaciisankhaara.m abhisa'nkharitvaa||
savyaapajjham pi avyaapajjham pi manosankhaara.m abhisa'nkharitvaa||
savyaapajjham pi avyaapajjham pi loka.m upapajjati.|| ||

Tam ena.m savyaapajjham pi avyaapajjham pi loka.m upapanna.m||
samaana.m savyaapajjhaa pi avyaapajjhaa pi phassaa phusanti.|| ||

So savyaapajjhehi pi avyaapajjhehi pi phassehi phu.t.tho||
samaano savyaapajjham pi avyaapajjham pi vedana.m vediyati voki.n.nasukhadukkha.m||
seyyathaa pi manussaa ekacce ca devaa ekacce ca vinipaatikaa.|| ||

Ida.m vuccati bhikkhave kamma.m ka.nhasukka.m ka.nhasukkavipaaka.m.|| ||

 

§

 

5. Katama~n ca bhikkhave kamma.m aka.nha.m asukka.m aka.nha-asukkavipaaka.m kamma.m kammakkhayaaya sa.mvattati?|| ||

Tatra, bhikkhave,||
yam ida.m kamma.m ka.nha.m ka.nhavipaaka.m tassa pahaa.naaya yaa cetanaa,||
yam p'ida.m kamma.m sukka.m sukkavipaaka.m tassa pahaa.naaya yaa cetanaa,||
yam p'ida.m kamma.m ka.nhasukka.m ka.nhasukkavipaaka.m tassa pahaa.naaya yaa cetanaa,||
ida.m vuccati bhikkhave kamma.m aka.nha.m asukka.m aka.nha asukkavipaaka.m kamma.m kammakkhayaaya sa.mvattati.|| ||

Imaani kho bhikkhave cattaari kammaani mayaa saya.m abhi~n~naa sacachikatvaa paveditaanii" ti.|| ||

 


Contact:
E-mail
Copyright Statement