Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXIV: Kamma Vagga

Sutta 239

Sama.na Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"'Idh'eva bhikkhave sama.no,||
idha dutiyo sama.no,||
idha tatiyo sama.no,||
idha catuttho sama.no.|| ||

Su~n~naa parappavaadaa sama.nehi a~n~ne' ti.|| ||

Evam eta.m bhikkhave sammaa siihanaada.m nadatha.|| ||

Katamo ca bhikkhave sama.no?|| ||

Idha, bhikkhave, bhikkhu ti.n.na.m sa.myojanaana.m parikkhayaa sotaapanno hoti avinipaatadhammo niyato sambodhiparaaya.no.|| ||

Aya.m bhikkhave sama.no.|| ||

Katamo ca bhikkhave dutiyo sama.no?|| ||

Idha, bhikkhave, bhikkhu ti.n.na.m sa.myojanaana.m parikkhayaa raagadosamohaana.m tanuttaa sakadaagaami hoti, sakideva ima.m loka.m aagantvaa dukkhassanta.m karoti.|| ||

Aya.m bhikkhave dutiyo sama.no.|| ||

Katamo ca bhikkhave tatiyo sama.no?|| ||

Idha, bhikkhave, bhikkhu pa~ncanna.m orambhaagiyaana.m sa.myojanaana.m parikkhayaa opapaatiko hoti tattha parinibbaayii anaavattidhammo tasmaa lokaa aya.m bhikkhave tatiyo sama.no.|| ||

Katamo ca bhikkhave catuttho sama.no?|| ||

Idha, bhikkhave, aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m bhikkhave catuttho sama.no.|| ||

'Idh'eva bhikkhave sama.no,||
idha dutiyo sama.no,||
idha tatiyo sama.no,||
idha catuttho sama.no.|| ||

Su~n~naa parappavaadaa sama.nehi a~n~ne' ti.|| ||

Evam eta.m bhikkhave sammaa siihanaada.m nadathaa" ti.|| ||

 


Contact:
E-mail
Copyright Statement