Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXVI: Abhi~n~naa Vagga

Sutta 257

Dutiya Aajaaniiya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Catuhi bhikkhave a'ngehi samannaagato ra~n~no bhadro assaajaaniiyo raajaaraho hoti raajabhoggo||
ra~n~no a'ngan t'veva sa'nkha.m gacchati.|| ||

Katamehi catuhi?|| ||

Idha, bhikkhave, ra~n~no bhadro assaajaaniiyo va.n.nasampanno ca hoti,||
balasampanno ca,||
javasampanno ca,||
aarohapari.naahasampanno ca.|| ||

Imehi kho bhikkhave catuhi a'ngehi samannaagato ra~n~no bhadro assaajaaniiyo raajaaraho hoti raajabhoggo||
ra~n~no a'ngan t'veva sa'nkha.m gacchati.|| ||

Evam eva kho bhikkhave catuhi dhammehi samannaagato bhikkhu aahuneyyo hoti,||
paahu.neyyo hoti,||
dakkhi.neyyo hoti,||
a~njalikara.niiyo hoti,||
anuttara.m pu~n~nakkhetta.m lokassa.|| ||

Katamehi catuhi?|| ||

Idha, bhikkhave, bhikkhu va.n.nasampanno ca hoti,||
balasampanno ca,||
javasampanno ca,||
aarohapari.naahasampanno ca.|| ||

Katha~n ca bhikkhave bhikkhu va.n.nasampanno hoti?|| ||

Idha, bhikkhave, bhikkhu siilavaa hoti||
paatimokkha-sa.mvara-sa.mvuto viharati||
aacaara-gocara-sampanno a.numattesu vajjesu bhaya-dassaavii||
samaadaaya sikkhati sikkhaapadesu.|| ||

Eva.m kho bhikkhave bhikkhu va.n.nasampanno hoti.|| ||

Katha~n ca bhikkhave bhikkhu balasampanno hoti?|| ||

Idha, bhikkhave, bhikkhu aaraddhaviriyo viharati akusalaana.m dhammaana.m pahaa.naaya,||
kusalaana.m dhammaana.m upasampadaaya,||
thaamavaa da.lhaparakkamo anikkhittadhuuro kusalesu dhammesu.|| ||

Eva.m kho bhikkhave bhikkhu balasampanno hoti.|| ||

Katha~n ca bhikkhave bhikkhu javasampanno hoti?|| ||

Idha, bhikkhave, bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Eva.m kho bhikkhave bhikkhu javasampanno hoti.|| ||

Katha~n ca bhikkhave bhikkhu aarohapari.naahasampanno hoti?|| ||

Idha bhikkhave bhikkhu laabhii hoti ciivarapi.n.dapaatasenaasanagilaanapaccaya bhesajjaparikkhaaraana.m.|| ||

Eva.m kho bhikkhave bhikkhu aarohapari.naahasampanno he ti.|| ||

Imehi kho bhikkhave catuhi dhammehi samannaagato bhikkhu aahuneyyo hoti,||
paahu.neyyo hoti,||
dakkhi.neyyo hoti,||
a~njalikara.niiyo hoti,||
anuttara.m pu~n~nakkhetta.m lokassaa" ti.|| ||

 


Contact:
E-mail
Copyright Statement