Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXVI: Abhi~n~naa Vagga

Sutta 260

Saavajja - Anavajja Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Catuhi bhikkhave dhammehi samannaagato baalo avyatto asappuriso khata.m upahata.m attaana.m pariharati||
saavajjo ca hoti||
saanuvajjo vi~n~nuuna.m||
bahu.m ca apu~n~na.m pasavati.|| ||

Katamehi catuhi?|| ||

Saavajjena kaayakammena,||
saavajjena vaciikammena,||
saavajjena manokammena,||
saavajjaaya di.t.thiyaa.|| ||

[253] Imehi kho bhikkhave catuhi dhammehi samannaagato baalo avyatto asappuriso khata.m upahata.m attaana.m pariharati||
saavajjo ca hoti,||
saanuvajjo vi~n~nuuna.m,||
bahu.m ca apu~n~na.m pasavatii ti.|| ||

Catuhi bhikkhave dhammehi samannaagato pa.n.dito vyatto sappuriso akkhata.m anupahata.m attaana.m pariharati||
anavajjo ca hoti||
ananuvajjo vi~n~nuuna.m||
bahu.m ca pu~n~na.m pasavati.|| ||

Kamehi catuhi?|| ||

Anavajjena kaayakammena,||
anavajjena vaciikammena,||
anavajjena manokammena,||
anavajjaaya di.t.thiyaa.|| ||

Imehi kho bhikkhave catuhi dhammehi samannaagato pa.n.dito vyatto sappuriso akkhata.m anupahata.m attaana.m pariharati||
anavajjo ca hoti||
ananuvajjo vi~n~nuuna.m||
bahu~n ca pu~n~na.m pasavatii ti.|| ||

Abhi~n~naavaggo Cha.t.tho|| ||

 


Contact:
E-mail
Copyright Statement