Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XXVII: Kammapatha Vagga

Sutta 263

Kama Micchaacaarii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Catuhi bhikkhave dhammehi samannaagato yathaabhata.m nikkhitto eva.m Niraye.|| ||

Katamehi catuhi?|| ||

Attanaa ca kaamesu micchaacaari hoti,||
para~n ca kaamesu micchaacaare samaadapeti,||
kaamesu micchaacaare ca samanu~n~no hoti,||
kaamesu micchaacaarassa ca va.n.na.m bhaasati.|| ||

Imehi kho bhikkhave catuhi dhammehi samannaagato yathaabhata.m nikkhitto eva.m Niraye.|| ||

Catuhi bhikkhave dhammehi samannaagato yathaabhata.m nikkhitto eva.m sagge.|| ||

Katamehi catuhi?|| ||

Attanaa ca kaamesu micchaacaaraa pa.tivirato hoti,||
para~n ca kaamesu micchaacaaraa verama.niyaa samaadapeti,||
kaamesu micchaacaaraa verama.niyaa ca samanu~n~no hoti,||
kaamesu micchaacaaraa verama.niyaa ca va.n.na.m bhaasati.|| ||

Imehi kho bhikkhave catuhi dhammehi samannaagato yathaabhata.m nikkhitto eva.m saggeti.|| ||

 


Contact:
E-mail
Copyright Statement