Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
III: Pa~nca'ngika Vagga

Sutta 23

Upakkilesa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[16]

[1][pts][bodh]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave jaataruupassa upakkilesaa, yehi upakkilesehi upakkili.t.tha.m jaataruupa.m na c'eva mudu hoti, na ca kammaniiya.m, na ca pabhassara.m, pabha'ngu ca, ta ca sammaa upeti kammaaya.|| ||

Katame pa~nca?|| ||

Ayo loha.m tipu siisa.m sajjha ime kho bhikkhave pa~nca jaataruupassa upakkilesaa, yehi upakkilesehi upakkili.t.tha.m jaataruupa.m na c'eva mudu hoti, na ca kammaniiya.m na ca pabhassara.m, pabha'ngu ca, na ca sammaa upeti kammaaya.|| ||

Yato ca kho bhikkhave jaataruupa.m imehi pa~ncahi upakkilesehi vippamutta.m 3 hoti, ta.m hoti jaataruupa.m mudu ca kammaniya~n ca pabhassara.m ca, na ca pabha'ngu, sammaa upeti kammaaya yassaa yassaa.|| ||

Yassaa yassaa ca pilandhanavikatiyaa aaka'nkhati:yadi muddikaaya yadi ku.n.dalaaya yadi giiveyyakaaya yadi yadi suva.n.namaalakaaya.|| ||

Ta~nc'assa attha.m anuhoti.|| ||

Suva.na.namaalakaya.|| ||

Ta~nc'assa attha.m anuhoti.|| ||

Evam eva kho bhikkhave pa~ncime cittassa upakkilesaa yehi upakkilesehi upakkili.t.tha.m citta.m naceva mudu hoti, ta ca kammaniiya.m. Na ca pabhassara.m, pabha'ngu ca, na ca sammaasamaadhiiyati aasavaana.m khayaaya.|| ||

Katame pa~nca?|| ||

Kaamacchando vyaapaado thiinamiddha.m uddhaccakukkucca.m vicikicchaa.|| ||

Ime kho bhikkhave pa~nca cittassa upakkilesaa yehi upakkilesehi upakkili.t.tha.m citta.m na c'eva mudu hoti, na ca kammaniiya.m, na ca pabhassara.m.|| ||

Pabha'ngu ca, na ca sammaasamaadhiiyati aasavaana.m khayaaya.|| ||

Yato ca kho bhikkhave citta.m imehi pa~ncahi upakkilesehi vippamutta.m hoti, ta.m hoti citta.m mudu ca [17] kammaniya~n ca pahassara~nca, na ca paha'ngu, sammaasamaadhiiyati aasavaana.m khayaaya.|| ||

Yassa yassa ca abhi~n~naasacchikara.niiyassa Dhammassa citta.m abhininnaameni abhi~n~naa sacchikiriyaaya, tatra tatr'eva sakkhibhabbata.m paapu.naati sati sati aayatane.|| ||

So sace aaka'nkhati:|| ||

'Aneka-vihita.m iddhividha.m paccanubhaveyya.m:||
eko pi hutvaa bahudhaa assa.m bahudhaa pi hutvaa eko hoti,||
aaviibhaava.m tirobhaava.m tiroku.d.da.m tiropaakaara.m tiropabbata.m asajjamaano gacchati seyyathaa pi aakaase,||
pa.thaviyaa'pi ummujjanimujja.m karoti seyyathaa pi udake,||
udake'pi abhijjamaane gacchati seyyathaa pi pa.thaviya.m,||
aakaase'pi palla'nkena kamati seyyathaa'pi pakkhii saku.no.|| ||

Ime'pi candimasuriye eva.mmahaanubhaave paa.ninaa paraamasati parimajjati.|| ||

Yaava brahmalokaa pi kaayena va sa.mvatteyyan ti."|| ||

Tatra tatr'eva sakkhibhabbata.m paapu.naati sati sati aayatane.|| ||

So sace aaka'nkhati:|| ||

"Dibbaaya sotadhaatuyaa visuddhaaya atikkantamaanusikaaya ubho sadde su.neyya.m dibbe ca maanuse ca ye duure ye santike caa" ti.|| ||

Tatra tatr'eva sakkhibhabbata.m paapu.naati sati sati aayatane.|| ||

So sace aaka'nkhati|| ||

"Parasattaana.m parapuggalaana.m cetasaa ceto paricca pajaaneyya.m:||
saraaga.m vaa citta.m 'Saraaga.m cittan' ti pajaaneyya.m||
viitaraaga.m vaa citta.m 'Viitaraaga.m cittan' ti pajaanaati;||
sadosa.m vaa citta.m 'Sadosa.m cittan' ti pajaanaati;||
viitadosa.m vaa citta.m 'Viitadosa.m cittan' ti pajaanaati;||
samoha.m vaa citta.m 'Samoha.m cittan' ti pajaanaati;||
viitamoha.m vaa citta.m 'Viitamoha.m cittan' ti pajaanaati;||
sa'nkhitta.m vaa citta.m 'Sa'nkhitta.m cittan' ti pajaanaati;,||
vikkhitta.m vaa citta.m 'Vikkhitta.m cittan' ti pajaanaati;||
mahaggata.m vaa citta.m 'Mahaggata.m citta.m' ti pajaanaati;||
amahaggata.m vaa citta.m 'Amahaggata.m citta.m' ti pajaanaati;||
sa-uttara.m vaa citta.m 'Sa-uttara.m citta.m' ti pajaanaati;||
anuttara.m vaa citta.m 'Anuttara.m cittan' ti pajaanaati;||
samaahita.m vaa citta.m 'Samaahita.m cittan' ti pajaanaati;||
asamaahita.m vaa citta.m 'Asamaahita.m cittan' ti pajaanaati;||
vimutta.m vaa citta.m 'Vimutta.m cittan' ti pajaanaati;||
avimutta.m vaa citta.m 'Avimutta.m cittan' ti pajaanaati.|| ||

Tatra tatr'eva sakkhibhahabbata.m paapu.naati sati sati aayatane.|| ||

So sace aaka'nkhati|| ||

"Aneka-vihita.m pubbenivaasa.m anussareyya.m seyyathiida.m:||
ekam pi jaati.m dve pi jaatiyo tisso pi jaatiyo catasso pi jaatiyo pa~nca pi jaatiyo||
dasa pi jaatiyo viisam pi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo||
jaati-satam pi jaati-sahassam pi jaati-sata-sahassam pi||
aneke pi sa.mva.t.takappe aneke pi viva.t.takappe aneke pi sa.mva.t.ta-viva.t.takappe amutraasi.m eva.m naamo eva.m gotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto amutra upapaadi.m tatraapaasi.m eva.mnaamo eva.mgotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto idhuupapanno' ti.|| ||

Iti saakaara.m sa uddesa.m aneka-vihita.m pubbenivaasa.m anussareyyan" ti.|| ||

Tatra tatr'eva sakkhibhabbata.m paapu.naati sati sati aayatane.|| ||

[19]So sace aaka'nkhati|| ||

"Dibbena cakkhunaa visuddhena atikkantamaanusakena satte passati cavamaane uppajjamaane hiine pa.nite suva.n.ne dubba.ne.na sugate duggate yathaakammupage satte pajaaneti ime vata bhonto sattaa kaayaduccaritena samannaagataa,||
vacii duccaritena samannaagataa manoduccaritena samannaagataa ariyaana.m upavaadakaa micchaadi.ti.thikaa micchaadi.t.thikammasamaadaanaa.|| ||

Te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa vacii sucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa.|| ||

Te kaayassa bhedaa param mara.naa sugati.m sagga.m loka.m uppannaati iti dibbena cakkhunaa visuddhena atikkantamaanusakena satte passati cavamaane uppajjamaane hiine pa.nite suva.ne.na dubba.ne.na sugate duggate yathaakammupage satte pajaaneyyan" ti.|| ||

Tatra tatr'eva sakkhibhabbata.m paapu.naati sati sati aayatane.|| ||

So sace aaka'nkhati|| ||

"Aasavaana.m khayaa (anaasava.m ceto-vimutti.m pa~n~naa-vimutti.m) di.t.the va dhamme saya.m abhi~n~naa sacchikatvaa upasampajja vihareyyan" ti.|| ||

Tatra tatr'eva sakkhibhabbata.m paapu.naani sati sati aayataneti.|| ||

 


Contact:
E-mail
Copyright Statement