Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
III: Pa~nca'ngika Vagga

Sutta 30

Naagita Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[30]

[1][pts][than][bodh] Eva.m me suta.m:|| ||

Eka.m samaya.m Bhagavaa Kosalesu caarika.m caramaano mahataa bhikkhu-sa'nghena saddhi.m yena Icchaana'ngala.m naama Kosalaana.m braahma.nagaamo tad avasari.|| ||

Tatra suda.m Bhagavaa Icchaana'ngale viharati Icchaana'ngala-vanasa.n.de.|| ||

Assosu.m kho Icchaana'ngalakaa braahma.nagahapatikaa:|| ||

"Sama.no khalu bho Gotamo Sakyaputto Sakyakulaa pabbajito Icchaana'ngala.m anuppatto Icchaana'ngale viharati Icchaana'ngala-vanasa.n.de.|| ||

Ta.m kho pana bhavanta.m Gotama.m eva.m kalyaa.no kittisaddo abbhuggato:|| ||

'Iti pi so Bhagavaa araha.m Sammaa-sambuddho vijjaacara.na-sampanno sugato loka-viduu anuttaro purisa-damma-saarathii Satthaa dvemanussaana.m buddho Bhagavaa' ti.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacjikatvaa pavedeti.|| ||

So dhamma.m deseti aadikalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevala-paripu.n.na.m parisuddha.m,||
brahmacariya.m pakaaseti.|| ||

Saadhu kho pana tathaaruupaana.m arahata.m dassana.m hotii" ti.|| ||

Atha kho Icchaana'ngalakaa braahma.nagahapatikaa tassaa rattiyaa accayena pahuuta.m khaadaniiya.m bhojaniiya.m aadaaya yena Icchaana'ngalavanasa.n.do ten'upasa'nkami.msu.|| ||

Upasa'nkamitvaa bahidvaarako.t.thake a.t.tha.msu uccaasaddaa mahaasaddaa.|| ||

[31] 2. Tena kho pana samayena aayasmaa Naagito Bhagavato upa.t.thaako hoti.|| ||

Atha kho Bhagavaa aayasmanta.m Naagita.m aamantesi:|| ||

"Ke panete Naagita uccaasaddaa mahaasaddaa,||
keva.t.taa ma~n~ne macche vilopen" ti?|| ||

"Ete bhante Icchaana.mgalakaa brahma.nagahapatikaa pahuta.m khaadaniiya.m bhojaniiya.m aadaaya babhidvaarako.t.thake .thitaa Bhagavanta.m yeva uddissa bhikkhu-sa'ngha~n caa" ti.|| ||

"Maaha.m Naagita yasena samaagama.m,||
maa ca mayaa yaso.|| ||

Yo kho Naagita na-y-imassa nekkhammasukhassa pavivekasukhassa upasamasukhassa samkhodhasukhassa nikaamalaabhii assa akicchalaabhii akasiralaabhii,||
yassaaha.m nekkhammasukhassa pavivekasukhassa upasamasukhassa sambodhasukhassa nikaamalaabhi akicchalaabhi akasiralaabhi,||
so ta.m mii.lhasukha.m middhasukha.m laabha-sakkaara-siloka-sukha.m saadiyeyyaa" ti.|| ||

"Adhivaastetu daani bhanne Bhagavaa, adhivaasetu sugato.|| ||

Adhivaasanakaalo daani bhante Bhagavato.|| ||

Yena yen'eva daani bhante Bhagavaa gamissati,||
tanninnaa'va bhavissanti braahma.na gahapatikaa negamaa c'eva jaanapadaa ca.|| ||

Seyyathaa pi bhante thullaphusitake deve vassante yathaaninna.m udakaani pavattanti,||
evam eva kho bhante yena yen'eva daani Bhagavaa gamissati,||
tanninnaa'va bhavissanti braahma.nagahapatikaa negamaa c'eva jaanapadaa ca.|| ||

Ta.m kissa hetu?|| ||

Tathaahi bhante Bhagavato siilapa~n~naa.nan" ti.|| ||

Maaha.m Naagita yasena samaagamo,||
maa ca mayaa yaso.|| ||

Yo kho Naagita na-y-imassa nekkhammasukhassa pavivekasukhassa upasamasukhassa samkhodhasukhassa nikaamalaabhii assa akicchalaabhii akasiralaabhii,||
yassaaha.m nekkhammasukhassa pavivekasukhassa upasamasukhassa sambodhasukhassa nikaamalaabhi akicchalaabhi akasiralaabhi,||
so ta.m mii.lhasukha.m middhasukha.m laabha-sakkaara-siloka-sukha.m saadiyeyyaa.|| ||

[32] Asitapiitakhaayitasaayitassa kho Naagita uccaarapassaavo.|| ||

Eso tassa nissando.|| ||

Piyaana.m kho Naagita viparinaama~n~nathaabhaavaa uppajjanti sokaparideva-dukkhadomanassupaayaasaa.|| ||

Eso tassa nissando.|| ||

Asubha-nimittaanuyoga.m anuyuttassa kho Naagita subhanimitte paa.tikkuulyataa sa.n.thaati.|| ||

Eso tassa nissando.|| ||

Chassu kho Naagita phassaayatanesu aniccaanupassiino viharato phasse paa.tikkuulyataa sa.n.thaati.|| ||

Eso tassa nissando.|| ||

Pa~ncasu kho Naagita upaadaanakkhandhesu udayabbayaanupassino viharato upaadaane paa.tikkuulyataa sa.n.thaati.|| ||

Eso tassa nissando" ti.|| ||

Pa~nca'ngikavaggo tatiyo.

 


Contact:
E-mail
Copyright Statement