Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
Pa~ncaka-Nipaata
IV. Sumanaa Vagga

Sutta 33

Uggaho Me.n.dakanattaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[36]

[1][pts][bodh] Eva.m me suta.m.|| ||

Eka.m samaya.m Bhagavaa bhaddiye viharati Jaatiyaa vane.|| ||

Atha kho Uggaho Me.n.dakanattaa yena Bhagavaa tenupa'nkami.|| ||

Upasa'nkamitvaa Bhagavanna.m abhivaadetvaa eka-m-anta.m nisiidi.|| ||

Eka-m-anta.m nisinno kho Uggaho Me.na'nakanattaa Bhagavanta.m etad avoca:|| ||

2. "Adhivaasetu me bhante Bhagavaa svaatanaaya attacatuttho [37] bhattan" ti.|| ||

Adhivaasesi Bhagavaa tu.nhiibhaavena.|| ||

Atha kho Uggaho Me.n.dakanattaa Bhagavato adhivaasana.m viditvaa u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho Bhagavaa tassaa rattiyaa accayena pubba.nhasamaya.m nivaasetvaa pattaciivaram aadaaya yena Uggahassa Me.n.dakanattuno nivesana.m ten'upasa'nkami.|| ||

Upasa'nkamitvaa pa~n~natte aasane nisiidi.|| ||

Atha kho Uggaho Me.n.dakanattaa Bhagavanna.m pa.niitena khaadaniiyena bhojaniiyena sahatthaa santappesi sampavaaresi.|| ||

Atha kho Uggaho Me.n.dakanattaa Bhagavanta.m bhuttaavi.m oniitapattapaa.ni.m eka-m-anta.m nisiidi.|| ||

Eka-m-anta.m nisinno kho Uggaho Me.n.dakanattaa Bhagavanta.m etad avoca:|| ||

"Imaa me bhante kumaariyo patikulaani gamissanti.|| ||

Ovadatu taasa.m bhante Bhagavaa,||
anusaasatu taasa.m bhante Bhagavaa,||
ya.m taasa.m assa diigha-ratta.m hitaaya sukhaayaa" ti.|| ||

Atha kho Bhagavaa taa kumaariyo etad avoca:|| ||

3. Tasmaat iha kumaariyo eva.m sikkhitabba.m:|| ||

'Yassa maataa pitaro bhattuno dassanti atthakaamaa hitesino anukampakaa anukampa.m upaadaaya,||
tassa bhavissaama pubbu.t.thaayiniyo pacchaanipaatiniyo ki.mkaarapa.tissaaviniyo manaapacaariniyo piyavaadiniyo' ti.|| ||

Eva.m hi vo kumaariyo sikkhitabba.m.|| ||

Tasmaa ti ha kumaariyo eva.m sikkhitabba.m:|| ||

'Ye te bhattu garuno bhavissanti maataa ti vaa pitaa ti vaa sama.na-braahma.naa ti vaa,||
te sakkarissaama garukarissaama,||
maanissaama,||
puujessaama,||
abbhaagate ca aasanodakena patipuujessaamaa' ti.|| ||

Eva.m hi vo kumaariyo sikkhitabba.m.|| ||

Tasmaa ti ha kumaariyo eva.m sikkhitabba.m:|| ||

'Ye te bhattu abbhantaraa kammantaa u.n.naa ti vaa kappaasaa ti vaa,||
tattha dakkhaa bhavissaama analasaa,||
tatruupaayaaya vima.msaaya samannaagataa ala.m kaatu.m ala.m sa.mvidhaatun' ti.|| ||

Eva.m hi vo kumaariyo sikkhitabba.m.|| ||

Tasmaa ti ha kumaariyo eva.m sikkhitabba.m:|| ||

'Yo so bhantu abbhantaro antojano,||
daasaa ti vaa pessaa ti [38] vaa kammakaraa ti vaa,||
tesa.m kata~n ca katato jaanissaama,||
akata~n ca akatato jaanissaama,||
gilaanakaana~n ca balaabala.m jaanissaama,||
khaadaniiya.m bhojaniiya.m c'assa pacca.msena vibhajissaamaa' ti.|| ||

Eva.m hi vo kumaariyo sikkhitabba.m.|| ||

Tasmaat iha kumaariyo eva.m sikkhitabba.m:|| ||

'Ya.m bhattaa aaharissati dhana.m vaa dha~n~na.m vaa rajata.m vaa jaataruupa.m vaa,||
ta.m aarakkhena guttiyaa sampaadessaama||
tattha ca bhavissaama adhuttii athenii aso.n.dii avinaasikaayo' ti.|| ||

Eva.m hi vo kumaariyo sikkhitabba.m.|| ||

Imehi kho kumaariyo pa~ncahi dhammehi samannaagato maatugaamo kaayassa bhedaa param mara.naa manaapakaayikaana.m devaana.m sahavyata.m uppajjatii" ti.|| ||

Yo na.m bharati sabbadaa nicca.m aataapi ussuko||
Sabbakaamahara.m posa.m bhattaara.m naatima~n~neti.|| ||

Na caapi sotthi bhattaara.m issaavaadena rosaye||
Bhattu ca garuno sabbe pa.tipujeti pa.n.ditaa.|| ||

U.t.thaahikaa analasaa sa.mgahiitaparijjanaa||
Bhattu manaapaa.m carati sambhata.m anurakkhati.|| ||

Yaa eva.m vattatii naari bhattu chandavasaanugaa||
Manaapaa naama te devaa yattha saa upapajjatii ti.|| ||

 


Contact:
E-mail
Copyright Statement