Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
Pa~ncaka-Nipaata
IV. Sumanaa Vagga

Sutta 40

Mahaa Saala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[44]

[1][pts][bodh]Eva.m me suta.m:|| ||

Eka.m samaya.m Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Himavanta.m bhikkhave pabbataraaja.m nissaaya mahaasaalaa pa~ncahi va.d.dhihi va.d.dhanti.|| ||

Katamaahi pa~ncahi?|| ||

2. Saakhaapattapa.laasena va.d.dhanti.|| ||

Tacena va.d.dhanti.|| ||

Papa.tikaaya va.d.dhanti.|| ||

Pheggunaa va.d.dhanti.|| ||

Saarena va.d.dhanti.|| ||

Himavanna.m bhikkhave pabbataraaja.m nissaaya mahaasaalaa imaahi pa~ncahi va.d.dhiihi va.d.dhanti.|| ||

Evam eva kho bhikkhave saddha.m kulapati.m nissaaya antojano pa~ncahi va.d.dhiihi va.d.dhati.|| ||

Katamaahi pa~ncahi?|| ||

3. Saddhaaya va.d.dhati.|| ||

Siilena va.d.dhati.|| ||

Sutena va.d.dhati.|| ||

Caagena va.d.dhati.|| ||

Pa~n~naaya va.d.dhati.|| ||

Sadda.m bhikkhave kulapati.m nissaaya antojano imaahi pa~ncahi va.d.dhiihi va.d.dhatii" ti.|| ||

Yathaa hi pabbato selo ara~n~nasmi.m brahaavane,||
Ta.m rukkhaa upanissaaya va.d.dhante te vanappatii.||
Tath'eva siila sampanna.m saddha.m kulapati.m idha,||
Upanissaaya va.d.dhanti puttadaaraa ca bandhavaa,||
Amaccaa ~naatisa'nghaa ca ye c'assa anujiivino.||
Tassa siilavato siila.m caaga.m sucaritaani ca,||
Passamaanaanukubbanti ye bhavanti vicakkha.naa.||
Idha dhamma.m caritvaana magga.m sugatigaamina.m,||
Nandino devalokasmi.m modanti kaamakaamino ti.|| ||

Sumanaavaggo catuttho.|| ||

 


Contact:
E-mail
Copyright Statement