Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
5. Mu.n.daraaja-Vagga

Sutta 44

Manaapadaayii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][bodh]Eva.m me suta.m:|| ||

Eka.m samaya.m Bhagavaa Vesaaliya.m viharati Mahaavane Kuu.taagaarasaalaaya.m.|| ||

Atha kho Bhagavaa pubbathasamaya.m nivaasetvaa pattaciivaram aadaaya yena Uggassa gahapatino Vesaalikassa nivesana.m ten'upasa'nkami.|| ||

Upasa'nkamitvaa pa~n~natte aasane nisiidi.|| ||

Atha kho Uggo gahapati Vesaaliko yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho Uggo gahapati Vesaaliko Bhagavanta.m etad avoca:|| ||

2. "Sammukhaa me ta.m bhante Bhagavato suta.m,||
sammukhaa pa.tiggahiita.m||
'manaapadaayii labhate manaapan' ti.|| ||

Manaapa.m me bhante saalapupphaka.m khaadaniiya.m.|| ||

Ta.m me Bhagavaa patiga.nhaatu anukampa.m upaadaayaa ti.|| ||

Pa.tiggahesi Bhagavaa anukampa.m upaadaaya.|| ||

"Sammukhaa me ta.m bhante Bhagavato suta.m,||
sammukhaa pa.tiggahiita.m||
'manaapadaayii labhate manaapan' ti.|| ||

Manaapa.m me bhante sampannakolaka.m suukarama.msa.m.|| ||

Ta.m me Bhagavaa patiga.nhaatu anukampa.m upaadaayaa' ti.|| ||

Pa.tiggahesi Bhagavaa anukampa.m upaadaaya.|| ||

"Sammukhaa me ta.m bhante Bhagavato suta.m,||
sammukhaa pa.tiggahiita.m||
'manaapadaayii labhate manaapan' ti.|| ||

Manaapa.m me bhante nibbaddhatelaka.m naaliyasaaka.m.|| ||

Ta.m me Bhagavaa patiga.nhaatu anukampa.m upaadaayaa" ti.|| ||

Pa.tiggahesi Bhagavaa anukampa.m upaadaaya.|| ||

"Sammukhaa me ta.m bhante Bhagavato suta.m,||
sammukhaa pa.tiggahiita.m||
'manaapadaayii labhate manaapan' ti.|| ||

Manaapa.m me bhante saaliina.m odano vicitakaa.lako anekasuupo anekavya~njano.|| ||

Ta.m me Bhagavaa patiga.nhaatu anunampa.m upaadaayaa" ti.|| ||

Pa.tiggahesi Bhagavaa anukampa.m upaadaaya.|| ||

[50] "Sammukhaa me ta.m bhante Bhagavato suta.m,||
sammukhaa pa.tiggahiita.m||
'manaapadaayii labhate manaapan' ti.|| ||

Manaapa.m me bhante kaasikaani vatthaani.|| ||

Taani me Bhagavaa patiga.nhaatu anukampa.m upaadaayaa" ti.|| ||

Pa.tiggahesi Bhagavaa anukampa.m upaadaaya.|| ||

"Sammukhaa me ta.m bhante Bhagavato suta.m,||
sammukhaa pa.tiggahiita.m||
'manaapadaayii labhate manaapan' ti.|| ||

Manaapa.m me bhante palla'nko go.nakatthato pa.tikatthato pa.talikatthato kaadalimigapavarapaccatthara.no sa-uttaracchado ubhato lohitakuupadhaano.|| ||

Api ca bhante mayam p'eta.m jaanaama 'n'eta.m Bhagavato kappatii' ti,||
ida.m me bhante candanaphalaka.m agghati adhikasahassa.m.|| ||

Ta.m me Bhagavaa patiga.nhaatu anukampa.m upaadaayaa" ti.|| ||

Pa.tiggahesi Bhagavaa anukampa.m upaadaaya.|| ||

Atha kho Bhagavaa Ugga.m gahapati.m Vesaalika.m iminaa anumodaniiyena anumodi:|| ||

Manaapadaayii labhate manaapa.m yo ujjubhuutesu dadaati chandasaa,||
Acchaadana.m sayana.m ath'annapaana.m naanappakaaraani ca paccayaani.|| ||

Catta~n ca mutta~n ca anaggahiita.m khettuupame arahante viditvaa,||
So duccaja.m sappuriso cajitvaa manaapadaayii labhate manaapan ti.|| ||

Atha kho Bhagavaa Ugga.m gahapati.m Vesaalika.m iminaa anumodaniiyena anumoditvaa u.t.thaay aasanaa pakkaami.|| ||

Atha kho Uggo gahapati Vesaaliko aparena samayena kaalam akaasi.|| ||

Kaalakato ca Uggo gahapati Vesaaliko a~n~natara.m manomaya.m kaaya.m upapajjii.|| ||

Tena kho pana samayena Bhagavaa Saavatthiya.m viharati Jetavane Anaathapi.n.dikassa Aaraame.|| ||

Atha kho Uggo devaputto abhikkantaaya rattiyaa abhikkantava.n.no kevalakap- [51] pa.m Jetavana.m obhaasetvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

Eka-m-anta.m .thita.m kho Ugga.m devaputta.m Bhagavaa etad avoca:|| ||

'Kacci te Ugga yathaadhippaayo' ti?|| ||

'Taggha me bhante yathaadhippaayo' ti.|| ||

Atha kho Bhagavaa Ugga.m devaputta.m gaathaahi ajjhabhaasi:|| ||

Manaapa-daayii labhate manaapa.m,||
Aggassa daataa labhate pun'agga.m,||
Varassa daataa vara-laabhi hoti,||
Se.t.tha.m dado se.t.tham upeti .thaana.m.|| ||

Aggadaayii varadaayii se.t.thadaayii ca yo naro,||
Diighaayu yasavaa hoti yattha yatthupapajjatii" ti.|| ||


Contact:
E-mail
Copyright Statement