Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
5. Mu.n.daraaja-Vagga

Sutta 45

Pu~n~naabhisanda Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

2. Pa~nc'ime bhikkhave pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattanti.|| ||

Katame pa~nca?|| ||

2. Yassa bhikkhave bhikkhu ciivara.m paribhu~njamaano appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Yassa bhikkhave bhikkhu pi.n.dapaata.m paribhu~njamaano appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Vihaara.m paribhu~njamaano appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Ma~ncapii.tha.m paribhu~njamaano appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Gilaanapacchayabhesajjaparikkhaara.m paribhu~njamaano appamaa.na.m ceto-samaadhi.m [52] upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Ime kho bhikkhave pa~nca pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattanti.|| ||

3. Imehi ca pana bhikkhave pa~ncahi pu~n~naabhisandehi kusalaabhisandehi samannaagatassa ariyasaavakassa na sukara.m pu~n~nassa pamaa.na.m gahetu.m:|| ||

"Ettako pu~n~naahisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattatii" ti. Atha kho asa'nkheyyo appameyyo mahaapu~n~nakkhandhotvve sa'nkha.m gacchati.|| ||

Seyyathaa pi, bhikkhave, mahasamudde na sukara.m udakassa pamaa.na.m gahetu.m|| ||

'Ettakaani udakaa.lhakaaniiti vaa||
ettakaani udakaa.lhakasataaniiti vaa||
ettakaani udakaa.lhaka satasahassaanii' ti vaa.|| ||

Atha kho asa'nkheyyo appameyyo mahaaudakakkhandho tv eva sa'nkha.m gacchati.|| ||

Evam eva kho bhikkhave imehi pa~ncahi pu~n~naabhisandehi kusalaabhisandehi samannaagatassa ariyasaavakassa na sukara.m pu~n~nassa pamaa.na.m gahetu.m|| ||

'Ettako pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattatii' ti.|| ||

Atha kho asa'nkheyyo appameyyo mahaapu~n~nakkhandho tv eva sa'nkha.m gacchatii ti.|| ||

Mahodadhi.m aparimita.m mahaasara.m||
Bahubherava.m ratanaga.naanam aalaya.m,||
Najjo yathaa macchaga.nasa'nghasevitaa||
Puthuu savantii upayanti saagara.m.||
[53] eva.m nara.m annadapaanavatthada.m||
Seyyaa nisajjatthara.nassa daayaka.m,||
Pu~n~nassa dhaaraa upayanti pa.n.dita.m||
Najjo yathaa vaarivahaava saagaran ti.|| ||


Contact:
E-mail
Copyright Statement