Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
VI: Niivara.na Vagga

Sutta 53

Padhaaniya'nga Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[65]

[1][pts][than][bodh] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa Aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.

Bhagavaa etad avoca:|| ||

"Pa~nc'imaani bhikkhave padhaaniya'ngaani.|| ||

Katamaani pa~nca?|| ||

Idha, bhikkhave, bhikkhu saddho hoti saddahati Tathaagatassa bodhi.m:||
iti pi so Bhagavaa araha.m Sammaa-sambuddho vijjaa-cara.na-sampanno sugato loka-viduu anuttaro purasadamma saarathii satthaa deva-manussaana.m buddho Bhagavaati.|| ||

Appaabaadho hoti appaata'nko samavepaakiniyaa gaha.niyaa samannaagato naatisiitaaya naaccu.nhaaya majjhimaaya padhaanakkhamaaya.|| ||

Asa.tho hoti amaayaavii yathaabhuta.m attaana.m aaviikattaa satthari vaa vi~n~nuusu vaa sabrahmacaariisu.|| ||

Aaraddhaviriyo viharati akusalaana.m dhammaana.m pahaa.naaya kusalaana.m dhammaana.m upasampadaaya thaamavaa da.lhaparakkamo anikkhittadhuro kusalesu dhammesu.|| ||

Pa~n~n~navaa hoti udayatthagaaminiyaa pa~n~naaya samannaagato ariyaaya nibbedhikaaya sammaa dukkhakkhayagaaminiyaa.|| ||

Imaani kho bhikkhave pa~nca padhaaniya'ngaanii'ti.|| ||


Contact:
E-mail
Copyright Statement