Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | Mobile (āīūŋńñţđņļ) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
VI: Niivara.na Vagga

Sutta 54

Asamaya - Samaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[65]

[1][pts][bodh] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa Aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.

Bhagavaa etad avoca:|| ||

"Pa~nc'ime bhikkhave asamayaa padhaanaaya.|| ||

Katame pa~nca?|| ||

[66] 2. Idha, bhikkhave, bhikkhu ji.n.no hoti jaraaya abhibhuuto.|| ||

Aya.m bhikkhave pa.thamo asamayo padhaanaaya.|| ||

3. Puna ca para.m bhikkhave bhikkhu vyaadhito hoti vyaadhinaa abhibhuuto.|| ||

Aya.m bhikkhave dutiyo asamayo padhaanaaya.|| ||

4. Puna ca para.m bhikkhave dubbhikkha.m hoti dussassa.m dullabhapi.n.da.m na sukara.m u~nchena paggahena yaapetuu.m.|| ||

Aya.m bhikkhave tatiyo asamayo padhaanaaya.|| ||

5. Puna ca para.m bhikkhave bhaya.m hoti a.taviisa'nkepo cakkasamaaruu.lhaa jaanapadaa pariyaayanti.|| ||

Aya.m bhikkhave catuttho asamayo padhaanaaya.|| ||

6. Puna ca para.m bhikkhave sa'ngho bhinno hoti.|| ||

Sa'nghe kho pana bhikkhave bhinne a~n~nama~n~na.m akkosaa ca honti,||
a~n~nama~n~na.m paribhaasaa ca honti,||
a~n~nama~n~na.m parikkhepaa ca honti,||
a~n~nama~n~na.m pariccajanaa ca honti.|| ||

Tattha appasantaa c'eva na ppasiidanti.|| ||

Pasannaana~n ca ekaccaana.m a~n~nathatta.m hoti.|| ||

Aya.m bhikkhave pa~ncamo asamayo padhaanaaya.|| ||

Ime kho bhikkhave pa~nca asamayaa padhaanaayaa" ti.|| ||

 


 

7. "Pa~nacime bhikkhave samayaa padhaanaaya.|| ||

Katame pa~nca?|| ||

8. Idha, bhikkhave, bhikkhu daharo hoti.|| ||

Yuvaa susu kaalakeso bhadrena yobbanena samannaagato pa.thamena vayasaa.|| ||

Aya.m bhikkhave pa.thamo samayo padhaanaaya.|| ||

9. Puna ca para.m bhikkhave bhikkhu appaabaadho hoti appaata'nko samavepaakiniyaa gaha.niyaa samannaagato naatisiitaaya naaccu.nhaaya majjhimaaya padhaanakkhamaaya.|| ||

Aya.m bhikkhave dutiyo samayo padhaanaaya.|| ||

10. Puna ca para.m bhikkhave subhikkha.m hoti susassa.m [67] sulabhapi.n.da.m,||
sukara.m u~njena paggahena yaapetu.m.|| ||

Aya.m bhikkhave tatiyo samayo padhaanaaya.|| ||

11. Puna ca para.m bhikkhave manussaa samaggaa sammodamaanaa avivadamaanaa khiirodakiibhutaa a~n~nama~n~na.m piyacakkhuhi sampassantaa viharanti.|| ||

Aya.m bhikkhave catuttho samayo padhaanaaya.|| ||

12. Puna ca para.m bhikkhave sa'ngho samaggo sammodamaano avivadamaano ekuddeso phaasu viharati.|| ||

Sa'nghe kho pana bhikkhave samagge na c'eva a~n~nama~n~na.m akkosaa honti.|| ||

Na ca a~n~nama~n~na.m paribhaasaa honti.|| ||

Na ca a~n~nama~n~na.m parikkhepaa honti.|| ||

Na ca a~n~nama~n~na.m pariccajanaa honti.|| ||

Tttha appasannaa c'eva pasiidanti.|| ||

Pasannaana~n ca bhiyyobhaavo hoti.|| ||

Aya.m bhikkhave pa~ncamo samayo padhaanaaya.|| ||

Ime kho bhikkhave pa~nca samayaa padhaanaayaa" ti.|| ||


Contact:
E-mail
Copyright Statement   Webmaster's Page