Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
VI: Niivara.na Vagga

Sutta 55

Maataa-Putta Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[67]

[1][pts][bodh] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa Aaraame.|| ||

Tena kho pana samayena Saavatthiya.m ubho maataaputtaa vassaavaasa.m upagami.msu,||
bhikkhu ca bhikkhu.ni ca.|| ||

Te a~n~n~nama~n~n~nassa abhi.naha.m dassanakaamaa ahesu.m.|| ||

Maataa pi puttassa abhi.nha.m dassanakaamaa ahosii.|| ||

Putto pi maatara.m abhi.nha.m dassanakaamo ahosi.|| ||

Tesa.m abhi.naha.m dassanaa sa.msaggo ahosi,||
sa.msagge sati vissaaso ahosi,||
vissaase sati otaaro ahosi.|| ||

Te oti.n.nacittaa sikkha.m apaccakkhaaya dubbalya.m anaaviikatvaa methuta.m dhamma.m patisevi.msu.|| ||

2. Atha kho sambahulaa bhikkhu yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisidi.msu.|| ||

Eka-m-anta.m nisinnaa kho te bhikkhu Bhagavanta.m etad avocu.m:|| ||

'Idha bhante Saavatthiya.m ubho maataa puttaa vassaavaasa.m upagami.msu,||
bhikkhu ca bhikkhu.ni ca.|| ||

Te a~n~nama~n~nassa [68] abhi.naha.m dassanakaamaa ahesu.m.|| ||

Maataa pi puttassa abhi.naha.m dassanakaamaa ahosi.|| ||

Putto pi maatara.m abhi.naha.m dassanakaamo ahosi.|| ||

Tesa.m abhi.naha.m dassanaa sa.msaggo ahosi,||
sa.msagge sati vissaaso ahosi,||
vissaase sati otaaro ahosii.|| ||

Te oti.n.nacittaa sikkhaa.m apaccakkhaaya dubbalya.m anaaviikatvaa methuna.m dhamma.m patisevi.msu' ti.|| ||

3. 'Kin nu so bhikkhave moghapuriso ma~n~nati||
"na maataa putte saarajjati,||
putto vaa pana maatarii" ti?|| ||

Naaha.m bhikkhave a~n~na.m eka-ruupam pi samanupassaami||
eva.m raajaniya.m,||
eva.m kamaniiya.m,||
eva.m madaniiya.m,||
eva.m bandhaniiya.m,||
eva.m mucchaniiya.m,||
eva.m antaraayakara.m anuttarassa yogatkhemassa adhigamaaya,||
yathayida.m bhikkhave itthi-ruupa.m.|| ||

Itthi-ruupe bhikkhave sattaa rattaa giddhaa gadhitaa mucchitaa ajjhopannaa,||
te diiratta.m socanti itthi-ruupa-vasaanugaa.|| ||

Naaha.m bhikkhave a~n~na.m eka-saddam pi samanupassaami||
eva.m raajaniya.m,||
eva.m kamaniiya.m,||
eva.m madaniiya.m,||
eva.m bandhaniiya.m,||
eva.m mucchaniiya.m,||
eva.m antaraayakara.m anuttarassa yogatkhemassa adhigamaaya,||
yathayida.m bhikkhave itthi-saddam.|| ||

Itthi-sadde bhikkhave sattaa rattaa giddhaa gadhitaa mucchitaa ajjhopannaa,||
te diiratta.m socanti itthi-sadda-vasaanugaa.|| ||

Naaha.m bhikkhave a~n~na.m eka-gandham pi samanupassaami,||
eva.m raajaniya.m,||
eva.m kamaniiya.m,||
eva.m madaniiya.m,||
eva.m bandhaniiya.m,||
eva.m mucchaniiya.m,||
eva.m antaraayakara.m anuttarassa yogatkhemassa adhigamaaya,||
yathayida.m bhikkhave itthiruupa.m.|| ||

Itth-gandhe bhikkhave sattaa rattaa giddhaa gadhitaa mucchitaa ajjhopannaa,||
te diiratta.m socanti itthi-gandha-vasaanugaa.|| ||

Naaha.m bhikkhave a~n~na.m eka-rasam pi samanupassaami,||
eva.m raajaniya.m,||
eva.m kamaniiya.m,||
eva.m madaniiya.m,||
eva.m bandhaniiya.m,||
eva.m mucchaniiya.m,||
eva.m antaraayakara.m anuttarassa yogatkhemassa adhigamaaya,||
yathayida.m bhikkhave itthi-rasa.m.|| ||

Itthi-rase bhikkhave sattaa rattaa giddhaa gadhitaa mucchitaa ajjhopannaa,||
te diiratta.m socanti itthirasavasaanugaa.|| ||

Naaha.m bhikkhave a~n~na.m eka-pho.t.thabbam pi samanupassaami,||
eva.m raajaniya.m,||
eva.m kamaniiya.m,||
eva.m madaniiya.m,||
eva.m bandhaniiya.m,||
eva.m mucchaniiya.m,||
eva.m antaraayakara.m anuttarassa yogatkhemassa adhigamaaya,||
yathayida.m bhikkhave itthi-po.t.thabbo.|| ||

Itthi-po.t.thabbe bhikkhave sattaa rattaa giddhaa gathitaa mucjitaa ajjhopannaa||
te diigha-ratta.m socanti itthi-po.t.thabba-vasaanugaa.|| ||

Itthi bhikkhave gacchantii pi purisassa citta.m pariyaadaaya ti.t.thati.|| ||

.Thitaa pi nisinnaa pi sayaanaa pi hasanti pi bha.nanatii pi gaayantii pi rodantii pi ugghaanitaa pi maataa pi purisassa citta.m pariyaadaaya ti.t.thati.|| ||

Yam hi ta.m bhikkhave sammaa vadamaano vadeyya:|| ||

"Samannapaaso Maarassaa' ti|| ||

maatugaama.m yeva sammaa vadamaano vadeyya:|| ||

"Samannapaaso Maarassaa' ti.|| ||

[69]Salalape asihatthe pisaacena pi sallape,||
Aasiivisam pi aaside yena da.t.tho na jiivati.|| ||

Na tv eva eko ekaaya maatugaamena sallape,||
Mu.t.thassati.m taa bandhanti pekkhitena mhitena ca,|| ||

Atho pi dunnivatthena ma~najunaa bha.nitena ca,||
n'eso jano suvaasiisaddo api ugghaatito mato.|| ||

Pa~nca kaamagu.naa ete itthiruupasmi.m dissare,||
Ruupaa saddaa rasaa gandhaa pho.t.thabbaa ca manoramaa.|| ||

Tesa.m kaamoghavu.lhaana.m kaame aparijaanata.m,||
Kaala.m gati.m bhavaabhava.m sa.msaarasmi.m purakkhataa.|| ||

Ye ca kaame pari~n~naaya caranti akutobhayaa,||
Te ve paaragataa loke ye pattaa aasavakkhayan' ti.|| ||


Contact:
E-mail
Copyright Statement