Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
VI: Niivara.na Vagga

Sutta 58

Licchavi Kumaara Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[75]

[1][pts][bodh] Eva.m me suta.m.|| ||

Eka.m samaya.m Bhagavaa Vesaaliya.m viharati Mahaavane Ku.taagaarasaalaaya.m.|| ||

Atha kho Bhagavaa pubba.nha-samaya.m nivaasetvaa pattaciivaram aadaaya Vesaaliya.m pi.n.daaya paavisi.|| ||

Vesaaliya.m pi.n.daaya caritvaa pacchaabhatta.m pi.n.dapaatapa.tikkanto Mahaavana.m ajjhogahetvaa a~n~natarasmi.m rukkhamuule divaavihaara.m nisiidi.|| ||

Tena kho pana samayena sambahulaa Licchavi-kumaarakaa sajjaani dhanuukaani aadaaya kukkurasa'nghaparivutaa Mahaavane anuca'nkamamaanaa anuvicaramaanaa addasa.msu Bhagavanta.m a~n~natarasmi.m rukkhamuule nisinna.m||
disvaa sajjaani dhanuukaani nikkhipitvaa kukkurasa'ngha.m eka-m-anta.m uyyojetvaa yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaa- [76] detvaa tu.nhiibhutaa tu.nhiibhuutaa pa~njalikaa Bhagavanta.m payirupaasanti.|| ||

Tena kho pana samayena Mahaanaamo Licchavi Mahaavane ja'nghaavihaara.m anuca'nkamamaano anuvicaramaano addasa te Licchavikumaarake tu.nhiibhuute tu.nhiibhuute pa~njalike Bhagavanta.m payirupaasante||
disvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho Mahaanaamo Licchavi udaana.m udaanesi:|| ||

'Bhavissanti Vajjii, bhavissanti Vajjii' ti.|| ||

"Ki.m pana tva.m Mahaanaama eva.m vadesi:|| ||

'Bhavissanti Vajjii, bhavissanti vajjii'" ti?|| ||

"Ime bhante Licchavikumaarakaa ca.n.daa pharusaa apajahaa,||
yaani pi taati kulesu pahenakaani pahiiyanti ucchuu ti vaa badaraa ti vaa puuvaa ti vaa modakaa ti vaa sakkhalakaa ti vaa,||
taani vilumpitvaa vilumpitvaa khaadanti,||
kulitthiinam pi kulakumaariinam pi pacchaaliya.m khipanti,||
te daan'ime tu.nhiibhuutaa tu.nhiibhuutaa pa~njalikaa Bhagavanta.m payirupaasantii' ti.|| ||

Yassa kassaci Mahaanaama kulaputtassa pa~nca dhammaa sa.mvijjanti,||
yadi vaa ra~n~no khattiyassa muddhaabhisittassa,||
yadi vaa ra.t.thikassa pettanikassa,||
yadi vaa senaaya senaapatikassa,||
yadi vaa gaamagaamikassa,||
yadi vaa puugagaama.nikassa,||
ye vaa pana kulesu paccekaadhipacca.m kaarenti,||
vuddhi yeva paa.tika'nkhaa,||
no parihaani.|| ||

Katame pa~nca?|| ||

2. Idha Mahaanaama kulaputto u.t.thaanaviriyaadhigatehi bhogehi baahaabala-paricitehi sedaavakkhittehi dhammikehi dhammaladdhehi maataa-pitaro sakkaroti garu karoti maaneti [77] puujeti.|| ||

Tam ena.m maataa-pitaro sakkataa garukataa maanitaa puujitaa kalyaa.nena manasaa anukampanti:|| ||

'Cira.m jiiva,||
diighamaayu.m paalehii' ti.|| ||

Maataapitaanukampitassa Mahaanaama kulaputtassa vuddhi yeva paa.tika'nkhaa,||
no parihaani.|| ||

3. Puna ca para.m Mahaanaama,||
kulaputto u.t.thaanaviriyaadhigatehi bhogehi baahaabala-paricitehi sedaavakkhittehi dhammikehi dhammaladdhehi puttadaaradaasakammakaraporise sakkaroti,||
garukaroti,||
maaneti,||
puujeti.|| ||

Tam ena.m puttadaaradaasakammakaraporisaa sakkataa garukataa maanitaa,||
puujitaa||
kalyaa.nena manasaa anukampanti:|| ||

'Cira.m jiiva,||
diighamaayu.m paalehii' ti.|| ||

Puttadaaradaasakammakaraporisaanukampitassa Mahaanaama kulaputtassa vuddhi yeva paa.tika'nkhaa,||
no parihaani.|| ||

4. Puna ca para.m Mahaanaama,||
kulaputto u.t.thaanaviriyaadhigatehi bhogehi baahaabalaparicitehi sedaavakkhittehi dhammikehi dhammaladdhehi khettakammantasaamantasa.mvohaare sakkaroti,||
garukaroti,||
maaneni,||
puujeti.|| ||

Tam ena.m khettakammantasaamantasa.mvohaaraa sakkataa garukataa maanitaa||
pujitaa||
kalyaa.nena manasaa anukampanti:|| ||

'Cira.m jiiva,||
diighamaayu.m paalehii' ti.|| ||

Khettakammantasaamantasa.mvohaaraanukampitassa Mahaanaama kulaputtassa vuddhi yeva paa.tika'nkhaa,||
no parihaani.|| ||

5. Puna ca para.m Mahaanaama,||
kulaputto u.t.thaanaviriyaadhigatehi bhogehi baahaabalaparicitehi sedaavakkhittehi dhammikehi dhammaladdhehi yaa taa balipa.tiggaahikaa devataa ta.m sakkaroti,||
garukaroti,||
maaneti,||
puujeti.|| ||

Tam ena.m balipa.tiggaahikaa devataa sakkataa garukataa maanitaa||
puujitaa||
kalyaa.nena manasaa anukampanti:|| ||

'Cira.m jiiva,||
diighamaayu.m paalehii' ti.|| ||

Devataanukampitassa Mahaanaama kulaputtassa vuddhiyeva paa.tika'nkhaa,||
no parihaani.|| ||

6. Puna ca para.m Mahaanaama,||
kulaputto u.t.thaanaviriyaadhigatehi bhogehi baahaabalaparicitehi sedaavakkhittehi dhammikehi dhammaladdhehi sama.nabraahma.ne sakkaroti garukaroti,||
maaneti,||
puujeti.|| ||

Tam ena.m sama.na-braahma.naa sakkataa garukataa maanitaa||
pujitaa||
kalyaa.nena manasaa anukampanti:|| ||

'Cira.m jiiva,||
diighamaayu.m paalehii' ti.|| ||

Sama.nabraahma.naanukampitassa [78] Mahaanaama kulaputtassa vuddhiyeva paa.tika'nkhaa,||
no parihaani.|| ||

Yassa kassaci Mahaanaama kulaputtassa ime pa~nca dhammaa sa.mvijjanti,||
yadi vaa ra~n~no khattiyassa muddhaabhisittassa||
yadi vaa ra.t.thikassa pettanikassa||
yadi vaa senaaya senaapatikassa||
yadi vaa gaamagaamikassa||
yadi vaa pugagaama.nikassa,||
ye vaa pana kulesu paccekaadhipacca.m kaarenti,||
vuddhi yeva paa.tika'nkhaa,||
no parihaanii' ti.

Maataapitukiccakaro puttadaarahito sadaa,
Anto janassa atthaaya ye c'assa anujivino,

Ubhinna.m yeva atthaaya vada~n~nuu hoti siilavaa,
naatiina.m pubbapetaana.m di.t.tha dhamme ca jivita.m,

Sama.naana.m braahma.naana.m devataana.m ca pa.n.dito,
Vittisa~njanano hoti dhammena gharam aavasa.m.

So karitvaana kalyaa.na.m pujjo hoti pasa.msiyo.
Idh'eva na.m pasa.msanti, pecca sagge pamodatii' ti|| ||


Contact:
E-mail
Copyright Statement