Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Pa~ncaka Nipaata
VII: Sa~n~naa Vagga

Sutta 67

Pa.thama Iddhipaada Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Yo hi koci bhikkhave bhikkhu vaa bhikkhunii vaa pa~nca dhamme bhaaveti,||
pa~nca dhamme bahuliikaroti,||
tassa dvinna.m phalaana.m a~n~natara.m phala.m paa.tika'nkha.m:||
di.t.the [82] vaa dhamme a~n~naa,||
sati vaa upaadisese anaagaamitaa.|| ||

Katame pa~nca?|| ||

Idha, bhikkhave, bhikkhu chanda-samaadhi-padhaana-sa.mkhaara-samannaagata.m iddhipaada.m bhaaveti.|| ||

Viriya-samaadhi-padhaana-sa.mkhaara-samannaaga.m iddhipaada.m bhaaveti.|| ||

Citta-samaadhipadhaana-sa.mkhaara-samannaagata.m iddhipaada.m bhaaveti.|| ||

Viima.msaa-samaadhi-padhaana-sa.mkhaara-samannaagata.m iddhipaada.m bhaaveti.|| ||

Usso.lhi yeva pa~ncamii.|| ||

Yo hi koci bhikkhave bhikkhu bhikkhunii vaa ime pa~nca dhamme bhaaveti,||
pa~nca dhamme bahulikaroti,||
tassa dvinna.m phalaana.m a~n~natara.m phala.m paa.tika'nkha.m:||
di.t.the vaa dhamme a~n~naa,||
sati vaa upaadisese anaagaamitaa" ti.|| ||


Contact:
E-mail
Copyright Statement