Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
8. Yodhaajiiva Vagga

Sutta 71

Pa.thama Ceto-Vimutti-Phala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~nc'ime bhikkhave dhammaa bhaavitaa bahuliikataa ceto-vimutti-phalaa ca honti||
ceto-vimutti-phalaa-nisa.msaa ca||
pa~n~naa-vimutti-phalaa ca honti||
pa~n~naa-vimutti-phalaa-nisa.msaa ca.|| ||

2. Katame pa~nca?|| ||

Idha, bhikkhave, bhikkhu asubhaanupassii kaaye viharati,||
aahaare pa.tikkuula-sa~n~nii,||
sabbaloke anabhirata-sa~n~nii,||
sabba sankhaaresu aniccaanupassii,||
mara.na-sa~n~naa kho pan'assa ajjhatta.m suupa.t.thitaa hoti.|| ||

Ime kho bhikkhave pa~nca dhammaa bhaavitaa bahuliikataa ceto-vimutti-phalaa ca honti,||
ceto-vimutti-phalaa-nisaa.msaa ca||
pa~n~naa-vimutti-phalaa ca honti||
pa~n~naa-vimutti-phalaa-nisa.msaa ca.|| ||

3. Yato kho bhikkhave ceto-vimutto ca hoti||
pa~n~naa-vimutto ca,||
aya.m vuccati bhikkhave bhikkhuu ukkhittapaligho iti pi,||
sa'nki.n.naparikho iti pi,||
abbu.lhesiko iti pi,||
niraggalo iti pi,||
ariyo pannaddhajo pannabhaaro visa.myutto iti pi.|| ||

 


 

4. Katha~n ca bhikkhave bhikkhu ukkhittapaligho hoti?|| ||

Idha, bhikkhave, bhikkhuno avijjaa pahiinaa hoti ucchinnamuulaa taalaavatthukataa anabhaavakataa aayati.m anuppaadadhammaa.|| ||

Eva.m kho bhikkhave bhikkhu ukkhittapaligho hoti.|| ||

5. Katha~n ca bhikkhave bhikkhu sa'nki.n.naparikho hoti?|| ||

Idha, bhikkhave, bhikkhuno ponobhaviko jaatisa.msaaro pahiino hoti ucchinnamuulo taalaavatthukato anabhaavakato aayati.m anuppaadadhammo.|| ||

Eva.m kho bhikkhave bhikkhu sa'nki.n.naparikho hoti.|| ||

6. Katha~n ca bhikkhave bhikkhu abbu.lhesiko hoti?|| ||

[85] Idha bhikkhave bhikkhuno ta.nhaa pahiinaa hoti ucchinnamuulaa taalaavatthukataa anabhaavakataa aayati.m anuppaadadhammaa.|| ||

Eva.m kho bhikkhave bhikkhu abbu.lhesiko hoti.|| ||

7. Katha~n ca bhikkhave bhikkhu niraggalo hoti?|| ||

Idha, bhikkhave, bhikkhuno pa~nc'orambhaagiyaani sa.myojanaani pahiinaani honti ucchinnamuulaani taalaavatthukataani anabhaavakataani aayati.m anuppaadadhammaani.|| ||

Eva.m kho bhikkhave bhikkhu niragga.lo hoti.|| ||

8. Katha~n ca bhikkhave bhikkhu ariyo pannaddhajo pannabhaaro visa.myutto hoti?|| ||

Idha, bhikkhave, bhikkhuno 'asmi'-maano pahiino hoti ucchinnamuulo taalaavatthukato anabhaavakato aayati.m anuppaadadhammo.|| ||

Eva.m kho bhikkhave bhikkhu ariyo pannaddhajo pannabhaaro visa.myutto hotii" ti.|| ||


Contact:
E-mail
Copyright Statement