Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
8. Yodhaajiiva Vagga

Sutta 75

Pa.thama Yodhaajiivuupama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa Aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.

Bhagavaa etad avoca:|| ||

Pa~nc'ime bhikkhave yodhaajiivaa santo sa.mvijjamaanaa lokasmi.m.|| ||

Katame pa~nca?|| ||

Idha, bhikkhave, ekacco yodhaajiivo rajagga.m yeva disvaa sa.msiidati,||
visiidati,||
na santhamhati,||
na Sakkoti sa.mgaama.m otaritu.m.|| ||

Evaruupo bhikkhave idh'ekacco yodhaajiivo hoti.|| ||

Aya.m bhikkhave pa.thamo yodhaajiivo santo sa.mvijjamaano lokasmi.m. Puna ca para.m bhikkhave,||
idh'ekacco yodhaajiivo sahati rajagga.m.|| ||

Api ca kho dhajagga.m yeva disvaa sa.msiidati,||
visiidati,||
na satthambhati,||
na Sakkoti sa.mgaama.m otaritu.m.|| ||

Evaruupo pi kho bhikkhave,||
idh'ekacco yodhaajiivo hoti.|| ||

Aya.m bhikkhave dutiyo yodhaajiivo santo sa.mvijjamaano lokasmi.m.|| ||

Puna ca para.m bhikkhave,||
idh'ekacco yodhaajiivo sahati rajagga.m,||
sahati dhajagga.m,||
api ca kho ussaadana.m yeva sutvaa sa.msiidati,||
visiidati,||
na satthambhati,||
na Sakkoti sa'ngaama.m otaritu.m.|| ||

Evaruupo pi kho bhikkhave,||
idh'ekacco yodhaajiivo hoti.|| ||

Aya.m bhikkhave tatiyo yodhaajiivo santo sa.mvijjamaano lokasmi.m.|| ||

Puna ca para.m bhikkhave,||
idh'ekacco yodhaajiivo sahati rajagga.m,||
sahati dhajagga.m,||
sahati ussaadana.m.|| ||

Api ca kho sampahaare aaha~n~nati,||
vyaapajjati.|| ||

Evaruupo pi kho bhikkhave idh'ekacco yodhaajiivo hoti.|| ||

Aya.m bhikkhave catuttho yodhaajiivo santo sa.mvijjamaano lokasmi.m.|| ||

Puna ca para.m bhikkhave,||
idh'ekacco yodhaajiivo sahati rajagga.m,||
sahati dhajagga.m,||
sahati ussaadana.m,||
[90] sahati sampahaara.m.|| ||

So ta.m sa'ngaama.m abhivijinitvaa vijitasa'ngaamo tameva sa'ngaamasiisa.m ajjhaavasati.|| ||

Evaruuvapo pi kho bhikkhave idh'ekacco yodhajiivo hoti.|| ||

Aya.m bhikkhave pa~ncamo yodhajiivo.|| ||

Santo sa.mvijjamaano lokasmi.m.|| ||

Ime kho bhikkhave pa~nca yodhaajiivaa santo sa.mvijjamaanaa lokasmi.m.|| ||

Evam eva kho bhikkhave,||
pa~nca yodhaajiivuupamaa puggalaa santo sa.mvijjamaanaa Bhikkhusu.|| ||

Katame pa~nca?|| ||

Yo idha bhikkhave,||
bhikkhu rajagga.m yeva disvaa sa.msiidati,||
visiidati,||
na santhambhati,||
na Sakkoti brahmacariya.m santaanetu.m.|| ||

Sikkhaadubbalya.m aaviikatvaa sikkha.m paccakkhaaya hiinaayaavattati.|| ||

Kimassa rajaggasmi.m?|| ||

Idha, bhikkhave, bhikkhu su.naati:|| ||

'Asukasmi.m naama gaame vaa nigame vaa itthii vaa kumaarii vaa abhiruupaa dassaniiyaa paasaadikaa paramaaya va.n.napokkharataaya samannaagataa' ti.|| ||

So ta.m sutvaa sa.msiidati,||
visiidati,||
na Sakkoti brahmacariya.m santaanetu.m.|| ||

Sikkhaadubbalya.m aaviikatvaa sikkha.m paccakkhaaya hiinaayaavattati.|| ||

Idamassa rajaggasmi.m|| ||

Seyyathaa pi so bhikkhave,||
yodhaajiivo rajagga.m disvaa sa.msiidati,||
visiidati,||
na santhambhati,||
na Sakkoti sa'ngaama.m otaritu.m,||
tathuupamaaha.m bhikkhave,||
ima.m puggala.m vadaami.|| ||

Evaruupo bhikkhave,||
idh'ekacco puggalo hoti.|| ||

Aya.m bhikkhave pa.thamo yodhaajiivuupamo puggalo santo sa.mvijjamaano bhikkhusu.|| ||

Puna ca para.m bhikkhave,||
bhikkhu sahati rajagga.m api ca kho dhajagga.m yeva disvaa sa.msiidati,||
visiidati.|| ||

Na santhambhati,||
na Sakkoti brahmacariya.m santaanetu.m.|| ||

Sikkhaadubbalya.m aaviikatvaa sikkha.m paccakkhaaya hiinaayaavattati.|| ||

Kimassa dhajaggasmi.m?|| ||

Idha, bhikkhave, bhikkhu na heva kho su.naati: 'asukasami.m naama gaame vaa nigame vaa itthii vaa kumaarii vaa abhiruupaa dassaniiyaa paasaadikaa paramaaya va.n.napokkharataaya samannaagataa'ti.|| ||

Api ca kho saama.m pasasati itthi.m vaa kumaari.m vaa abhiruupa.m dassaniya.m paasaadika.m paramaaya va.n.napokkharataaya samannaagata.m.|| ||

So ta.m disvaa sa.msiidati,||
visiidati. Na santhambhati,||
na [91] Sakkoti brahmacariya.m santaanetu.m.|| ||

Sikkhaadubbalya.m aaviikatvaa sikkha.m paccakkhaaya hiinaayaavattati.|| ||

Idamassa dhajaggasmi.m.|| ||

Seyyathaa pi so bhikkhave,||
yodhaajivo sahati rajagga.m,||
api ca kho dhajagga.m yeva disvaa sa.msiidati,||
visiidati,||
na santhambhati,||
na Sakkoti sa'ngaama.m otaritu.m.|| ||

Tathuupamaaha.m bhikkhave,||
ima.m puggala.m vadaami.|| ||

Evaruupo pi bhikkhave,||
idh'ekacco puggalo hoti.|| ||

Aya.m bhikkhave,||
dutiyo yodhaajiivuupamo puggalo santo sa.mvijjamaano bhikkhuusu.|| ||

Puna ca para.m bhikkhave,||
bhikkhu sahati rajagga.m,||
sahati dhajagga.m api ca kho ussaadana.m yeva sutvaa sa.msiidati,||
visiidati,||
na santhambhati,||
na Sakkoti brahmacariya.m santaanetu.m.|| ||

Sikkhaadubbalya.m aaviikatvaa sikkha.m paccakkhaaya hiinaayaavattati.|| ||

Kimassa ussaadanaaya?|| ||

Idha, bhikkhave,,||
bhikkhu.m ara~n~nagata.m vaa rukkhamuulagata.m vaa su~n~naagaaragata.m vaa maatugaamo upasa'nkamitvaa uhasati1,||
ullapati,||
ujjhagghati,||
uppa.n.deti.|| ||

So maatugaamena uhasiyamaano ullapiyamaano ujjhagghiyamaano uppa.n.diyamaano sa.msiidati,||
visiidati,||
na santhambhati,||
na Sakkoti brahmacariya.m santaanetu.m.|| ||

Sikkhaadubbalya.m aaviikatvaa sikkha.m paccakkhaaya hiinaayaavattati.|| ||

Idamassa ussaadanaaya.|| ||

Seyyathaa pi so bhikkhave yodhaajiivo sahati rajagga.m,||
sahati dhajagga.m,||
api ca kho ussaadana.m yeva7 sutvaa sa.msiidati,||
visiidati,||
na santhambhati,||
na Sakkoti sa'ngaama.m otaritu.m.|| ||

Tathuupamaaha.m bhikkhave,||
ima.m puggala.m vadaami.|| ||

Evaruupopi bhikkhave,||
idh'ekacco puggalo hoti.|| ||

Aya.m bhikkhave,||
tatiyo yodhaajiivuupamo puggalo santo sa.mvijjamaano bhikkhusu.|| ||

Puna ca para.m bhikkhave sahati rajagga.m,||
sahati dhajagga.m,||
sahati ussaadana.m.|| ||

Api ca kho sampahaare aaha~n~nati vyaapajjati.|| ||

Kimassa sampahaarasmi.m?|| ||

Idha, bhikkhave,,||
bhikkhu.m ara~n~nagata.m vaa rukkhamuulagata.m [92] vaa su~n~naagaaragata.m vaa maatugaamo upasa'nkamitvaa abhinisiidati,||
abhinipajjati,||
ajjhottarati.|| ||

So maatugaamena abhinisiidiyamaano abhinipajjiyamaano ajjhottariyamaano sikkha.m apaccakkhaaya dubbalya.m anaaviikatvaa methuna.m dhamma.m patisevati.|| ||

Idamassa sampahaarasmi.m.|| ||

Seyyathaa pi so bhikkhave,||
yodhaajiivo sahati rajagga.m,||
sahati dhajagga.m,||
sahati ussaadana.m,||
api ca kho sampahaare aaha~n~nati,||
vyaapajjati,||
tathuupamaaha.m bhikkhave,||
ima.m puggalra.m vadaami.|| ||

Evaruupopi bhikkhave,||
idh'ekacco puggalo hoti.|| ||

Aya.m bhikkhave,||
catuttho yodhaajiivuupamo puggalo santo sa.mvijjamaano bhikkhusu.|| ||

Puna ca para.m bhikkhave,||
bhikkhu sahati rajagga.m,||
sahati dhajagga.m,||
sahati ussaadana.m,||
sahati sampahaara.m.|| ||

So ta.m sa'ngaama.m abhivijinitvaa vijitasa'ngaamo,||
tameva sa'ngaamasiisa.m ajjhaavasati.|| ||

Kimassa sa'ngaamavijayasmi.m?|| ||

Idha, bhikkhave, bhikkhu.m ara~n~nagata.m vaa rukmuulagata.m vaa su~n~naagaaragata.m vaa maatugamo upasa'nkamitvaa abhinisiidati,||
abhinipajjati,||
ajjhottarati.|| ||

So maatugaamena abhinisiidiyamaano abhinipajjiyamaano ajajhottariyamaano vinive.thetvaa vinimocetvaa yena kaama.m pakkamati.|| ||

So vivitta.m senaasana.m bhajati: ara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.|| ||

So ara~n~nagato vaa rukkhamuulagato vaa su~n~naagaaragato vaa nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

So abhijjha.m loke pahaaya vigataabhijjhena cetasaa viharati,||
abhijjhaaya citta.m parisodheti.|| ||

Vyaapaadapadosa.m pahaaya abyaapannacitto viharati sabba-paa.na-bhuuta-hitaanukampii.|| ||

Vyaapaadapadosaa citta.m parisodheti.|| ||

Thiinamiddha.m pahaaya vigatathiinamiddho viharati aalokasa~n~nii sato sampajaano.|| ||

Thiinamiddhaaya citta.m parisodheti.|| ||

Uddhaccakukkucca.m pahaaya anuddhato viharatiajjhatta.m vuupasantacitto. Uddhaccakukkuccaa citta.m parisodheti.|| ||

Vicikiccha.m pahaaya ti.n.navicikiccho viharati [93] akatha.mkathii kusalesu dhammesu. Vickicchaaya citta.m parisodheti.|| ||

So ime pa~ncaniivara.ne pahaaya cetaso upakkilese pa~n~naaya dubbaliikara.ne vivicc'eva kaamehi vivicca akusalehi dhammehi savitakka.m savicaara.m vivekaja.m pitisukha.m pa.thama.m-jhaana.m upasampajja viharati.|| ||

Vitakkavicaara.m vuupasamaa ajajhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Pitiyaa ca viraagaa upekkhako ca viharati sato ca sampajaano,||
sukha~nca kaayena pa.tisa'nvedeti,||
ya.m ta.m ariyaa aacikkhanti||
'Upekkhako satimaa sukha-vihaarii' ti,||
tatiya.m-jhaana.m upasampajja viharati.|| ||

Sukhassa ca pahaanaa dukkhassa ca pahaanaa pubb'eva somanassa-domanassaana.m attha.mgamaa adukkha.m-asukha.mupekkhaa-sati-paarisuddhi.m catuttha.m-jhaana.m upasampajja viharati.|| ||

So eva.m samaahite citte parisuddhe pariyodaate ana.dga.ne vigatuupakkilese mudubhuute kammaniye .thite aanejjappatte aasavaana.m khaya~naa.naaya citta.m abhininnaameti.|| ||

So ida.m dukkhan ti yathaabhuuta.m pajaanaati.|| ||

Aya.m dukkhasamudayo ti yathaabhuuta.m pajaanaati.|| ||

Aya.m dukkhanirodho ti yathaabhuuta.m pajaanaati.|| ||

Aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Ime aasavaa'ti yathaabhuuta.m pajaanaati.|| ||

Aya.m aasavasamudayoti yathaabhuta.m pajaanaati.|| ||

Aya.m aasavanirodhoti yathaabhuta.m pajaanaati.|| ||

Aya.m aasavanirodhagaaminii pa.tipadaa ti yathaabhuta.m pajaanaati.|| ||

Tassa eva.m jaanato eva.m passato kaamaasavaa pi citta.m vimuccati.|| ||

Bhavaasavaapi citta.m vimuccati.|| ||

Avijjaasavaapi citta.m vimuccati. Vimuttasmi.m vimuttamiti ~naa.na.m hoti.|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa'ti pajaanaati.|| ||

Idamassa sa'ngaamavijayasmi.m.|| ||

seyyathaa pi so bhikkhave,||
yodhaajiivo sahati rajagga.m,||
sahati dhajagga.m,||
sahati ussaadana.m,||
sahati sampahaara.m,||
so ta.m sa'ngaama.m abhivijinitvaa vijitasa.dgaamo tameva sa'ngaamasiisa.m ajjhaavasati.|| ||

Tathuupamaaha.m bhikkhave,||
ima.m puggala.m vadaami.|| ||

Evaruupopi bhikkhave,||
idh'ekacco puggalo hoti.|| ||

Aya.m, bhikkhave,||
pa~ncamo yodhaajiivuupamo puggalo santo sa.mvijjamaano bhikkhusu.|| ||

Ime kho bhikkhave,||
pa~nca yodhaajiivuupamaa puggalaa santo sa.mvijjamaanaa bhikkhusuu'ti.|| ||

 


Contact:
E-mail
Copyright Statement