Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

N-O-T  Y-E-T   P-R-O-O-F-R-E-A-D

Anguttara Nikaaya
Pa~ncaka Nipaata
8. Yodhaajiiva Vagga

Sutta 80

Catuttha Anaagatabhaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Saavatthinidaana.m|| ||

Pa~nc'imaani bhikkhave anaagatabhayaani etarahi asamuppannaani aayati.m samuppassajjinti.|| ||

Taani vo pa.tibujjhitabbaani.|| ||

Pa.tibujjhitvaa ca tesa.m pahaanaaya vaayamitabba.m.|| ||

Katamaani pa~naca?|| ||

Bhavissanti bhikkhave bhikkhu anaagatam addhaana.m civare kalyaa.nakaamaa.|| ||

Te ciivare kalyaa.nakaamaa samaanaa ri~nacissanti pa.msukulikatta.m.|| ||

Ri~nacissanti ara~n~ne- vanapatthaani pantaani senaasanaani.|| ||

Gaamanigamaraajadhaaniisu osaritvaa vaasa.m kappessanti.|| ||

Ciivarahetu ca aneka-vihita.m anesana.m appatiruupaa aapajjissanti.|| ||

Ida.m, bhikkhave, pa.thama.m anaagatabhaya.m.|| ||

Etarahi asamuppanna.m aayati.m samuppajjissati.|| ||

Ta.m vo pa.tibujjhitabba.m.|| ||

Pa.tibujjhitvaa tassa pahaanaaya vaayamitabba.m.|| ||

[109] Puna ca para.m bhikkhave bhavissanti bhikkhu anaagatam addhaana.m pi.n.dapaate kalyaa.nakaamaa.|| ||

Te pi.n.dapaate kalyaa.nakaamaa samaanaa ri~nacissanti pi.n.dapaatikatta.m,||
ri~nacissanti ara~n~ne vanapatthaani pantaani senaasanaani.|| ||

Gaamanigamaraajadhaanisu osaritvaa vaasa.m kappessanti jivhaggena rasaggaani pariyesamaanaa,||
pi.n.dapaatahetucca aneka-vihita.m anesana.m appa.tiruupa.m apajjissanti.|| ||

Ida.m, bhikkhave, dutiya.m anaagatabhaya.m etarahi asamuppanna.m aayati.m samuppajjissati ta.m vo pa.tibujjhitabba.m.|| ||

Pa.tibujjhitvaa ca tassa pahaanaaya vaayamitabba.m.|| ||

Puna ca para.m bhikkhave bhavissanti bhikkhu anaagatam addhaana.m senaasane kalyaa.nakaamaa.|| ||

Te senaasane kalyaa.nakaamaa samaanaa ri~nacissanti rukkhamulikatta.m.|| ||

Ri~nacissanti ara~n~ne vanapatthaani pantaani senaapanaani.|| ||

Gaamanigamaraajadhaanisu osaritvaa vaasa.m kappessanti.|| ||

Senaasanahetucca- aneka-vihita.m anesana.m appa.tiruupa.m aapajjissanti.|| ||

Ida.m, bhikkhave, tatiya.m anaagatabhaya.m etarahi asamuppanna.m aayati.m samuppajjissati ta.m vo pa.tibujjhitabba.m.|| ||

Pa.tibujjhitvaa ca tassa pahaanaaya vaayamitabba.m.|| ||

Puna ca para.m bhikkhave bhavissanti bhikkhu anaagatam addhaana.m bhikkhuniisikkhamaanaasama.nuddesehi sa.msa.t.thaa viharissanti bhikkhunisikkhamaanaa sama.nuddesehi sa.msaggo kho pana bhikkhave sati eta.m paa.tika'nkha.m "anabhirataa vaa brahmacariya.m carissanti,||
a~n~natara.m vaa sa.mkili.t.tha.m aapattii.m aapajjissanti,||
sikkha.m vaa paccakkhaaya hiinaayaavattissanti".|| ||

Ida.m bhikhave catuttha.m anaagatabhaya.m etarahi asamuppanna.m aayati.m samuppajjissati.|| ||

Ta.m vo pa.tibujjhitabba.m pa.tibujjhitvaa ca tassa pahaanaaya vaayamitabba.m.|| ||

Puna ca para.m bhikkhave bhavissanti bhikkhu anaagatam addhaana.m aaraamikasama.nuddesehi sa.msa.t.thaa viharissanti.|| ||

Aaraamikasama.nuddesehi sa.msagge kho pana bhikkhave sati eta.m paa.tika'nkha.m:||
"aneka-vihita.m sannidhi-kaara-paribhoga.m [110] anuyuttaa viharanti.|| ||

o.laarikampi nimitta.m karissanti pa.thaviyaapi haritaggepi ida.m bhikkhave pa~ncama.m anaagatabhaya.m etarahi asamuppanna.m aayati.m samuppajjissati.|| ||

Ta.m vo pa.tibujjhitabba.m.|| ||

Pa.tibujjhitvaa ca tassa pahaanaaya vaayamitabba.m.|| ||

Imaani kho bhikkhave pa~nca anaagatabhayaani etarahi asamuppannaani aayati.m samuppajjissanti,||
taani vo pa.tibujjhitabbaani,||
pa.tibujhitvaa ca tesa.m pahaanaaya vaayamitabbanti.|| ||


Contact:
E-mail
Copyright Statement