Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
9. Thera Vagga

Sutta 83

Kuhaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Pa~ncahi bhikkhave dhammehi||
samannaagato thero bhikkhu sabrahmacaariina.m||
appiyo ca hoti||
amanaapo ca||
agaru ca||
abhaavaniiyo ca.|| ||

Katamehi pa~ncahi?|| ||

Kuhako ca hoti,||
lapako ca,||
nemittiko ca,||
nippesiko ca,||
laabhena laabha.m nijigi.msitaa ca.|| ||

Imehi kho bhikkhave pa~ncahi dhammehi||
samannaagato thero bhikkhu sabrahmacaarina.m||
appiyo ca hoti||
amanaapo ca||
agaru ca||
abhaavaniyo caa' ti.|| ||

 

 

Pa~ncahi bhikkhave dhammehi||
samannaagato thero bhikkhu sabrahmacaarina.m||
piyo ca hoti||
manaapo ca||
garu ca||
bhaavaniiyo ca.|| ||

Katamehi pa~ncahi?|| ||

Na ca kuhako hoti,||
na ca lapako,||
na ca nemittiko,||
na ca nippesiko,||
na ca laabhena||
laabha.m nijigi.msitaa.|| ||

Imehi kho bhikkhave pa~ncahi dhammehi||
samannaagato thero bhikkhu sabrahmacaariina.m||
piyo ca hoti||
manaapo ca||
garu ca||
bhaavaniyo caa' ti.|| ||


Contact:
E-mail
Copyright Statement