Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
9. Thera Vagga

Sutta 89

Pa.thama Sekha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Pa~nc'ime bhikkhave dhammaa sekhassa bhikkhuno parihaanaaya sa.mvattanti.|| ||

Katame pa~nca?|| ||

Kammaaraamataa,||
bhassaaraamataa,||
niddaaraamataa,||
sa.mga.nikaaraamataa,||
yathaavimutta.m citta.m na paccacekkhati.|| ||

Ime kho bhikkhave pa~nca dhammaa sekhassa bhikkhuno parihaanaaya sa.mvattanti.|| ||

Pa~nc'ime bhikkhave dhammaa sekhassa bhikkhuno aparihaanaaya sa.mvattanti.|| ||

Katame pa~nca?|| ||

Na kammaaraamataa,||
na bhassaaraamataa,||
na ninaddaaraamataa,||
na sa.mga.nikaaraamataa,||
yathaavimutta.m citta.m paccavekkhati.|| ||

Ime kho bhikkhave pa~nca dhammaa sekhassa bhikkhuno aparihaanaaya sa.mvattanti.|| ||


Contact:
E-mail
Copyright Statement