Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
10. Kakudha Vagga

Sutta 100

Kakudha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Kosambiya.m viharati Ghositaaraame.|| ||

Tena kho pana samayena Kakudho naama Koliyaputto aayasmato Mahaa Moggallaanassa upa.t.thaako adhunaa kaalakato a~n~natara.m manomaya.m kaaya.m upapanno||
tassa evaruupo attabhaavapa.tilaabho hoti,||
seyyathaa pi naama dve vaa ti.ni vaa Maagadhakaani gaamakkhettaani.|| ||

So tena attabhaavapa.tilaabhena n'eva attaana.m no para.m vyaabaadheti.|| ||

Atha kho Kakudho devaputto yen'aayasmaa Mahaa Moggallaano ten'upasa'nkami.|| ||

Upasa'nkamitvaa aayasmanta.m Mahaa Moggallaana.m abhivaadetvaa eka-m-anta.m a.t.thaasi.|| ||

Eka-m-anta.m [123] .thito kho Kakudho devaputto aayasmanta.m Mahaa Moggallaana.m etad avoca:|| ||

"Devadattassa bhante evaruupa.m icchaagata.m uppajji:|| ||

'Aha.m bhikkhu-sa'ngha.m pariharissaami' ti.|| ||

Saha cittuppaadaa ca bhante Devadatto tassaa iddhiyaa parihiino' ti.|| ||

Idam avoca Kakudho devaputto,||
ida.m vatvaa aayasmanta.m Mahaa Moggallaana.m abhivaadetvaa padakkhi.na.m katvaa tatth'ev'antaradhaayi.|| ||

Atha kho aayasmaa Mahaa Moggallaano yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisidi.|| ||

Eka-m-anta.m nisinno kho aayasmaa Mahaa Moggallaano Bhagavanta.m etad avoca:|| ||

"Kakudho naama bhante,||
Koliyaputto mam upa.t.thaako adhunaa kaalakato a~n~natara.m manomaya.m kaaya.m upapanno,||
tassa evaruupo attabhaava-pa.tilaabho,||
seyyathaa pi naama dve vaa ti.ni vaa Maagadhakaani gaamakkhettaani.|| ||

So tena attabhaava-pa.tilaabhena n'ev attaana.m no para.m vyaabaadheti.|| ||

Atha kho bhante Kakudho devaputto yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thito kho bhante Kakudho devaputto ma.m etad avoca:|| ||

'Devadattassa bhante, evaruupa.m icchaagata.m uppajji:

"Aha.m bhikkhu-sa'ngha.m pariharissaami" ti|| ||

Saha cittuppaadaa ca bhante Devadatto tassaa iddhiyaa parihiino" ti.'|| ||

Idam avoca bhante, Kakudho devaputto.

Ida.m vatvaa ma.m abhivaadetvaa padakkhi.na.m katvaa tatth'ev'antaradhaayi" ti.|| ||

"Ki.m pana te Moggallaana,||
Kakudho devaputto cetasaa ceto paricca vidito||
'Ya.m ki~naci Kakudho devaputto bhaasati,||
sabba.m ta.m tath'eva hoti no a~n~nathaa'" ti?|| ||

"Cetasaa ceto paricca vidito me bhante Kakudho devaputto||
'Ya.m ki~naci Kakudho devaputto bhaasati,||
sabba.m ta.m tath'eva hoti no a~n~nathaa'" ti.|| ||

Rakkhass'eta.m Moggallaana vaaca.m.|| ||

Rakkhass'eta.m Moggallaana vaaca.m.|| ||

Idaani so moghapuriso attanaa va attaana.m paatukarissatiti.|| ||

 


 

Pa~nc'ime Moggallaana satthaaro santo sa.mvijjamaanaa lokasmi.m.|| ||

Katame pa~nca?|| ||

[124] Idha Moggallaana, ekacco sattaa aparisuddhasiilo samaano||
'parisuddhasiilo'mbhi' ti pa.tijaanaati,||
'parisuddha.m me siila.m||
pariyodaata.m asa.mkili.t.than' ti.|| ||

Tam ena.m saavakaa eva.m jaananti:|| ||

'Aya.m kho bhava.m satthaa aparisuddhasiilo samaano||
"parisuddhasiilo'mhii" ti pa.tijaanaati,||
"parisuddha.m me siila.m||
pariyodaata.m asa.mkili.t.than" ti.|| ||

Maya.m c'eva kho pana gihiina.m aaroceyyaama,||
naassassa manaapa.m.|| ||

Ya.m kho pan'assa amanaapa.m,||
kathannu maya.m tena samudaacareyyaama?|| ||

Sammannati kho pana civara-pi.n.dapaata-senaasana-gilaana-ppaccaya-bhesajja-parikkhaarena.|| ||

Ya.m tumo karissati,||
tumo'va tena pa~n~naayissatii' ti.|| ||

Evaruupa.m kho Moggallaana,||
satthaara.m saavakaa silato rakkhananti.|| ||

Evaruupo ca pana satthaa saavakehi siilato rakkha.m paccaasi.msati.

 

 

Puna ca para.m Moggallaana,||
idh'ekacco satthaa aparisuddhaajivo samaano||
'parisuddhaajivo'mhi' ti pa.tijaanaati,||
'parisuddho me ajivo||
pariyodaato asa.mkili.t.tho' ti.|| ||

Tam ena.m saavakaa eva.m jaanatti:|| ||

'Aya.m kho bhava.m satthaa aparisuddhaajivo samaano||
"parisuddhaajivo'mh" iti pa.tijaanaati,||
"parisuddho me aajivo||
pariyodaato asa.mkili.t.tho" ti.|| ||

Maya.m c'eva kho pana gihiina.m aaroceyyaama,||
naassassa manaapa.m.|| ||

Ya.m kho pan'assa amanaapa.m,||
kathannu maya.m tena samudaacareyyaama?|| ||

Sammannati kho pana civara-pi.n.dapaata-senaasana-gilaana-ppaccaya-bhesajja-parikkhaarena.|| ||

Ya.m tumo karissati,||
tumo'va tena pa~n~naayissati" ti.|| ||

Evaruupa.m kho Moggallaana||
satthaara.m saavakaa aajivato rakkhanti.|| ||

Evaruupo ca pana satthaa saavakehi aajivato rakkha.m paccaasi.msati.

 

 

Puna ca para.m Moggallaana,||
idh'ekacco satthaa aparisuddha-dhammadesano samaano||
'parisuddhadhammadesano'mhi' ti pa.tijaanaati,||
'parisuddho me dhammadesanaa||
pariyodaataa asa.mkili.t.thaa' ti.|| ||

Tam ena.m saavakaa eva.m jaananti:|| ||

'Aya.m kho bhava.m satthaa aparisuddha-dhammadesano samaano||
[125] "parisuddha-dhammadesanomhi" ti pa.tijaanaati,||
"parisuddhaa me dhammadesanaa||
pariyodaataa asa.mkili.t.thaa" ti.|| ||

Maya.m c'eva kho pana gihiina.m aaroceyyaama,||
naassassa manaapa.m.|| ||

Ya.m kho panassa amanaapa.m,||
kathannu maya.m tena samudaacareyyaama?|| ||

Sammannati kho pana civara-pi.n.dapaata-senaasana-gilaana-ppaccaya-bhesajja-parikkhaarena.|| ||

Ya.m tumo karissati,||
tumo'va tena pa~n~naayissati" ti.|| ||

Evaruupa.m kho Moggallaana||
satthaara.m saavakaa dhammadesanato rakkhanti.|| ||

Evaruupo ca pana satthaa saavakehi dhammadesanato rakkha.m paccaasi.msati.

 

 

Puna ca para.m Moggallaana,||
idh'ekacco satthaa aparisuddha-veyyaakara.no samaano||
'parisuddhaveyyaakara.no'mhi' ti pa.tijaanaati,||
'parisuddha.m me veyyaakara.na.m||
paridota.m asa.mkili.t.than' ti.|| ||

Tam ena.m saavakaa eva.m jaananti:|| ||

"Aya.m kho bhava.m satthaa aparisuddha-veyyaakara.no samaano||
"parisuddhaveyyaakara.no'mhi" ti pa.tijaanaati,||
"parisuddha.m me veyyaakara.na.m||
pariyodaata.m asa.mkili.t.than" ti.|| ||

Maya.m c'eva kho pana gihiina.m aaroceyyaama,||
naassassa manaapa.m.|| ||

Ya.m kho panassa amanaapa.m||
kathannu maya.m tena samudaacareyyaama.|| ||

Sammannati kho pana civara-pi.n.dapaata-senaasana-gilaana-ppaccaya-bhesajja-parikkhaarena.|| ||

Ya.m tumo karissati,||
tumo'va tena pa~n~naayissati" ti.|| ||

Evaruupa.m kho Moggallaana||
satthaara.m saavakaa veyyaakara.nato rakkhanti.|| ||

Evaruupo ca pana satthaa saavakehi veyyaakara.nato rakkha.m paccaasi.msati.

 

 

Puna ca para.m Moggallaana,||
idh'ekacco satthaa aparisuddha~naa.nadassano samaano||
'parisuddha~naa.nadassan'omhi' ti pa.tijaanaati,||
'parisuddha.m me ~naa.nadassana.m||
pariyodaata.m asa.mkili.t.than' ti.|| ||

Tam ena.m saavakaa eva.m jaananti:|| ||

"Aya.m kho bhava.m satthaa aparisuddha~naa.nadassano samaano||
"parisuddha~na.nadassano'mhi" ti pa.tijaanaati,||
"parisuddha.m me ~naa.nadassana.m||
pariyodaata.m asa.mkili.t.than" ti.|| ||

Maya.m c'eva kho pana gihiina.m aaroceyyaama,||
naassassa manaapa.m.|| ||

Ya.m kho panassa amanaapa.m,||
kathannu ta.m maya.m tena samudaacareyyaama.|| ||

[126] Sammannati kho pana civara-pi.n.dapaata-senaasana-gilaana-ppaccaya-bhesajja-parikkhaarena.|| ||

Ya.m tumo karissati,||
tumo'va tena pa~n~naayissati" ti.|| ||

Evaruupa.m kho Moggallaana,||
satthaara.m saavakaa ~naa.nadassanato rakkhanti.|| ||

Evaruupo ca pana satthaa saavakehi ~naa.nadassanato rakkha.m paccaasi.msati.|| ||

Ime kho Moggallaana,||
pa~nca satthaaro santo sa.mvijjamaanaa lokasmi.m.

 


 

Aha.m kho pana Moggallaana,||
parisuddhasiilo samaano||
'parisuddhasiilo'mhi' ti pa.tijaanaami,||
'parisuddha.m me siila.m||
pariyodaata.m asa.mkili.t.than' ti.|| ||

Na ca ma.m saavakaa siilato rakkhanti.|| ||

Na caaha.m saavakehi siilato rakkha.m paccaasi.msaami.|| ||

 

 

Parisuddhaajivo samaano||
'parisuddhaajivo'mhi' ti pa.tijaanaami,||
'parisuddho me aajivo||
pariyodaato asa.mkili.t.tho' ti.|| ||

Na ca ma.m saavakaa aajivato rakkhanti.|| ||

Na caaha.m saavakehi aajivato rakkha.m paccaasi.msaami.|| ||

 

 

Parisuddhadhammadesano samaano||
'parisuddhadhammadeno'mhi' ti pa.tijaanaami,||
'parisuddhaa me dhammadesanaa||
pariyodaataa asa.mkili.t.thaa' ti.|| ||

Na ca ma.m saavakaa dhammadesanato rakkhanti.|| ||

Na caaha.m saavakehi dhammadesanato rakkha.m paccaasi.msaami.|| ||

 

 

Parisuddhaveyyaakara.no samaano||
'parisuddhaveyyaakara.no'mhi' ti pa.tijaanaami,||
'parisuddha.m me veyyaakara.na.m||
pariyodaata.m asa.mkili.t.than' ti.|| ||

Na ca ma.m saavakaa veyyaakara.nato rakkhanti.|| ||

Na caaha.m saavakehi veyyaakara.nato rakkha.m paccaasi.msaami.|| ||

 

 

Parisuddha~naa.nadassano samaano||
'parisuddha~naa.nadassano'mhi' ti pa.tijaanaami,||
'parisuddha.m me ~naa.nadassana.m||
pariyodaata.m asa.mkili.t.than' ti.|| ||

Na ca ma.m saavakaa ~naa.nadassanato rakkhanti.|| ||

Na caaha.m saavakehi ~naa.nadassanato rakkha.m paccaasi.msaamiti.|| ||

Kakudhavaggo pa~ncamo|| ||


Contact:
E-mail
Copyright Statement