Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
11. Phaasuvihaara Vagga

Sutta 103

Mahaa Cora Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~ncahi bhikkhave, a'ngehi samannaagato mahaacoro||
sandhim pi chindanti,||
nillopam pi harati,||
ekaagaarikam pi karoti,||
paripanthe pi ti.t.thati.|| ||

Katamehi pa~ncahi?|| ||

2. Idha, bhikkhave, mahaacoro,||
visamanissito ca hoti,||
gahananissito ca,||
balavanissito ca,||
bhogacaagii ca,||
ekacaarii ca.|| ||

3. Katha~n ca bhikkhave, mahaacoro visamanissito hoti?|| ||

Idha bhikkhave mahaacoro nadiividugga.m vaa nissito hoti pabbatavisama.m vaa.|| ||

Eva.m kho bhikkhave mahaacoro visamanissito hoti.|| ||

 

 

4. Katha~n ca bhikkhave, mahaacoro gahananissito hoti?|| ||

Idha bhikkhave mahaacoro ti.naghana.m vaa nissito hoti||
rukkhagahana.m vaa||
rodha.m vaa||
mahaavanasa.n.da.m.|| ||

Eva.m kho bhikkhave mahaacoro gahananissito hoti.|| ||

 

 

5. Katha~n ca bhikkhave, mahaacoro balavanissito hoti?|| ||

Idha bhikkhave mahaacoro raajaana.m vaa||
raajamahaamatta.m vaa||
nissito hoti.|| ||

Tassa eva.m hoti:|| ||

'Sace ma.m koci [129] ki~nci vakkhati,||
ime raajaano vaa||
raajamahaamattaa vaa||
pariyodhaaya attha.m bha.nissantii' ti.|| ||

Sace na.m koci ki~nci aaha,||
tyaassa raajaano vaa||
raajamahaamattaa vaa||
pariyodhaaya attha.m bha.nanti.|| ||

Eva.m kho bhikkhave mahaacoro balavanissito hoti.|| ||

 

 

6. Katha~n ca bhikkhave, mahaacoro bhogacaagii hoti?|| ||

Idha bhikkhave mahaacoro a.d.dho hoti mahaddhano mahaabhogo.|| ||

Tassa eva.m hoti:|| ||

'Sace ma.m koci ki~nci vakkhati,||
ito bhogena pa.tisantharissaami' ti.|| ||

Sace na.m koc ki~nci aaha,||
tato bhogena pa.tisantharati.|| ||

Eva.m kho bhikkhave mahaacoro bhogacaagii hoti.|| ||

 

 

7. Katha~n ca bhikkhave, mahaacoro ekacaari hoti?|| ||

Idha bhikkhave mahaacoro ekako niggaha.naani kattaa hoti.|| ||

Ta.m kissa hetu?|| ||

'Maa me guyhamantaa bahiddhaa sambheda.m agama.msu' ti.|| ||

Eva.m kho bhikkhave mahaacoro ekacaari hoti.|| ||

Imehi kho bhikkhave, pa~ncahi a'ngehi samannaagato mahaacoro||
sandhim pi chindanti,||
nillopam pi harati,||
ekaagaarikam pi karoti,||
paripanthe pi ti.t.thati.|| ||

 

 

8. Evam eva kho bhikkhave,||
pa~ncahi dhammehi samannaagato paapabhikkhu,||
khata.m upahata.m attaana.m pariharati,||
saavajjo ca hoti saanuvajjo vi~n~nuna.m,||
bahu~n ca apu~n~na.m pasavati.|| ||

Katamehi pa~ncahi?|| ||

9. Idha, bhikkhave, paapabhikkhu,||
visamanissito ca hoti,||
gaha'nanissito ca,||
balavanissito ca,||
bhogacaahii ca,||
ekacaarii ca.|| ||

10. Katha~na bhikkhave, paapabhikkhu visamanissito hoti?|| ||

Idha bhikkhave paapabhikkhu,||
visamena kaayakammena samannaagato hoti,||
visamena vaciikammena samannaagato hoti,||
visamena manokammena samannaagato hoti.|| ||

Eva.m kho bhikkhave paapabhikkhu visamanissito hoti.|| ||

 

 

11. Katha~n ca bhikkhave, paapabhikkhu gaha'nanissito hoti?|| ||

[130] Idha bhikkhave paapabhikkhu,||
micichaadi.t.thiko hoti,||
antaggaahikaaya di.t.thiyaa samannaagato.|| ||

Eva.m kho bhikkhave paapabhikkhu gaha'nanissito hoti.|| ||

 

 

12. Katha~n ca bhikkhave, paapabhikkhu balavanissito hoti?|| ||

Idha bhikkhave paapabhikkhu,||
raajaana.m vaa,||
raajamahaamatta.m vaa nissito hoti.|| ||

Tassa eva.m hoti:|| ||

'Sace ma.m koci ki~nci vakkhati,||
ime me raajaano vaa,||
raajamahaamattaa vaa,||
pariyodhaaya attha.m bha.nissantii' ti.|| ||

Sace na.m koci ki~nci aaha,||
tyaassa raajaano vaa,||
raajamahaamattaa vaa,||
pariyodhaaya attha.m bha.nnti.|| ||

Eva.m kho bhikkhave paapabhikkhu balavanissito hoti.|| ||

 

 

13. Katha~n ca bhikkhave, paapabhikkhu bhogacaagii hoti?|| ||

Idha bhikkhave paapabhikkhu,||
laabhii hoti ciivara-pi.n.dapaata-senaasana-gilaana-ppaccaya-bhesajja-parikkhaaraana.m.|| ||

Tassa eva.m hoti:|| ||

'Sace ma.m koci ki~nci vakkhati,||
ito laabhena pa.tisantharissaami' ti.|| ||

Sace na.m koci ki~nci aaha,||
tato laabhena pa.tisantharati.|| ||

Eva.m kho bhikkhave paapabhikkhu bhogacaagii hoti.|| ||

 

 

14. Katha~n ca bhikkhave, paapabhikkhu ekacaarii hoti?|| ||

Idha bhikkhave paapabhikkhu,||
ekako paccantimesu janapadesu nivaasa.m kappeti.|| ||

So tattha kulaani upasa'nkamanto laabha.m labhati.|| ||

Eva.m kho bhikkhave paapabhikkhu ekacaarii hoti.|| ||

Imehi kho bhikkhave, pa~ncahi dhammehi samannaagato paapabhikkhu,||
khata.m upahata.m attaana.m pariharati,||
saavajjo ca hoti saanuvajjo vi~n~nuuna.m,||
bahu~n ca apu~n~na.m pasavati" ti.|| ||


Contact:
E-mail
Copyright Statement