Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
11. Phaasuvihaara Vagga

Sutta 104

Sama.na Sukhumaala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~ncahi bhikkhave,||
dhammehi samannaagato bhikkhu sama.nesu sama.nasukhumaalo hoti.|| ||

Katamehi pa~ncahi?|| ||

Idha, bhikkhave, bhikkhu yaacito'va bahula.m ciivara.m paribhu~njati,||
appa.m ayaacito.|| ||

Yaacito'va bahula.m pi.n.dapaata.m paribhu~najati,||
appa.m ayaacito.|| ||

Yaacito'va bahula.m senaasana.m paribhu~najati,||
appa.m ayaacito.|| ||

Yaacito'va bahula.m gilaanapaccayabhesajjaparikkhaara.m paribhu~njati,||
appa.m ayaacito.|| ||

Ye hi [131] kho pana sabrahmcaarihi saddhi.m viharati,||
tyaassa manaapen'eva bahula.m kaaya-kammena samudaacaranti,||
appa.m amanaapena;|| ||

manaapen'eva bahula.m vaci-kammena samudaacaranti,||
appa.m amanaapena;|| ||

manaapen'eva bahula.m mano-kammena samudaacaranti,||
appa.m amanaapena.m;|| ||

manaapa.m yeva bahula.m upahaara.m upaharanti,||
appa.m amanaapa.m.|| ||

Yaani kho pana taani vedayitaani||
pitta-samu.t.thaanaani vaa||
semha-samu.t.thaanaani vaa||
vaata-samu.t.thaanaani vaa||
sannipaatikaani vaa||
utuparinaamajaani vaa||
visamaparihaarajaani vaa||
opakkamikaani vaa||
kammavipaakajaani vaa,||
taanissa na bahudeva uppajjanti||
appaabaadho hoti.|| ||

Catunna.m jhaanaana.m aabhicetasikaana.m di.t.tha-dhamma-sukha-vihaaraana.m nikaamalaabhii hoti akicchalaahi akasiralaabhi.|| ||

Aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharati.|| ||

Ime kho bhikkhave, pa~ncahi dhammehi samannaagato bhikkhu sama.nesu sama.nasukhumaalo hoti.|| ||

Ya.m hi ta.m bhikkhave, sammaa vadamaano vadeyya,||
'samanesu sama.nasukhumaalo' ti||
mameva ta.m bhikkhave sammaa vadamaano vadeyya,||
'sama.nesu sama.nasukhumaalo' ti.|| ||

Aha.m hi bhikkhave yaacitova bahula.m ciivara.m paribhu~njaami,||
appa.m ayaacito;|| ||

yaacitova bahula.m pa.n.dapaata.m paribhu~njaami,||
appa.m ayaacito;|| ||

yaacitova bahula.m senaasana.m paribhu~njaami,||
appa.m ayaacito;|| ||

yaacitova bahula.m gilaanapaccayabhesajjaparikkhaara.m paribhu~njaami,||
appa.m ayaacito.|| ||

Ye hi kho pana bhikkhuhi saddhi.m viharaami,||
te ma.m manaapen'eva bahula.m kaayakammena samudaacaranti,||
appa.m amanaapena;|| ||

manaapen'eva bahula.m vacikammena samudaacaranti,||
appa.m amanaapena;|| ||

manaapen'eva bahulra.m manokammena samudaacaranti,||
appa.m amanaapena;|| ||

manaapa.m yeva bahula.m upahaara.m upaharanti,||
appa.m amanaapa.m.|| ||

Yaani kho pana taani vedayitaani||
pitta-samu.t.thaanaani vaa||
semha-samu.t.thaanaani vaa||
vaata-samu.t.thaanaani vaa||
sannipaatikaani vaa||
utuparinaamajaani vaa||
visamaparihaarajaani vaa||
opakkamikaani vaa||
kammavipaakajaani [132] vaa,||
taani me na bahudeva uppajjanti,||
appaabaadhohamasmi.|| ||

Catunna.m kho panamhi jhaanaana.m aabhicetasikaana.m di.t.tha-dhamma-sukha-vihaaraana.m nikaamalaabhii akicchalaabhii akasiralaabhii.|| ||

Aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja vihaaraami.|| ||

Ya.m hii ta.m bhikkhave, sammaa vadamaano vadeyya,||
'sama.nesu sama.nasukhumaalo' ti||
mame va ta.m bhikkhave sammaa vadamaano vadeyya,||
'sama.nesu sama.nasukhumaalo" ti.|| ||


Contact:
E-mail
Copyright Statement