Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
11. Phaasuvihaara Vagga

Sutta 109

Caatuddisa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Pa~ncahi bhikkhave, dhammehi samannaagato bhikkhu caatuddiso hoti.|| ||

Katamehi pa~ncahi?|| ||

2. Idha, bhikkhave, bhikkhu silavaa hoti,||
paatimokkha-sa.mvarasa.mvuto viharati||
aacaaragocara-sampanno,||
a.numattesu vajjesu bhayadassaavii,||
samaadaaya sikkhati sikkhaapadesu.|| ||

Bahussuto hoti sutadharo sutasannicayo.|| ||

Ye te dhammaa aadikalyaa.naa||
majjhekalyaa.naa||
pariyosaanakalyaa.naa||
saattha.m savya~njanaa kevalaparipu.na.na.m parisuddha.m brahmacariya.m abhivadanti,||
tathaaruupaassa dhammaa bahussutaa honti dhataa vacasaa parivitaa manasaanupekkhitaa di.t.thiyaa suppa.tividdhaa.|| ||

Santu.t.tho hoti itaritara civara-pi.n.dapaata-senaasana-gilaana-paccaya-bhesajja-parikkhaarena.|| ||

Catunna.m jhaanaana.m aabhicetasikaana.m di.t.tha-dhamma-sukha-vihaaraana.m nikaamalaabhi hoti akicchalaabhii akasiralaabhii.|| ||

Aasavana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampaja viharati.|| ||

Imehi kho bhikkhave, pa~ncahi dhammehi samannaagato bhikkhu caatuddiso hoti" ti.|| ||


Contact:
E-mail
Copyright Statement