Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya
Pa~ncaka-Nipaata
12. Andhakavinda Vagga

Sutta 114

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

Andhakavinda Sutta.m

 


 

[1][pts][than] Eka.m samaya.m Bhagavaa Magadhesu viharati Andhakavinde.|| ||

Atha kho aayasmaa Aanando yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Aananda.m Bhagavaa etad avoca:|| ||

Ye te Aananda bhikkhu navaa acirapabbajitaa adhunaagataa ima.m dhamma-vinaya.m,||
te vo Aananda bhikkhu pa~ncasu dhammesu||
samaadapetabbaa,||
nivesetabbaa,||
pati.t.thaapetabbaa.|| ||

Katamesu pa~ncasu?|| ||

"Etha tumhe aavuso, siilavaa hotha,||
paatimokkhasa.mvarasa.mvutaa viharatha aacaaragocarasampannaa,||
a.numattesu vajjesu bhayadassaavino,||
samaadaaya sikkhatha sikkhaapadesu ti."|| ||

Iti paatimokkhasa.mvare||
samaadapetabbaa,||
nivesetabbaa,||
pati.t.thaapetabbaa.|| ||

"Etha tumhe aavuso,||
indriyesu guttadvaaraa viharatha aarakkhasatino nipakkasatino saarakkhitamaanasaa sataarakkhena cetasaa samannaagataa ti.|| ||

"Iti indriyasa.mvare||
samaadapetabbaa,||
nivesetabbaa,||
pati.t.thaapetabbaa.|| ||

"Etha tumhe aavuso,||
appabhassaa hotha bhassapariyantakaarino ti."|| ||

Iti bhassapariyante||
samaadapetabbaa,||
nivesetabbaa,||
pati.t.thaapetabbaa.|| ||

"Etha tumhe aavuso,||
aara~n~nakaa hotha ara.m yevanapatthaani pantaani senaasanaani pa.tisevathaa" ti.|| ||

Iti kaayavupakaase||
samaadapetabbaa,||
nivesetabbaa,||
pati.t.thaapetabbaa.|| ||

"Etha tumhe aavuso,||
sammaadi.t.thikaa hotha sammaadassanena samannaagataa ti."|| ||

Iti sammaadassane||
samaadapetabbaa,||
nivesetabbaa,||
pati.t.thaapetabbaa.|| ||

[139] Ye te Aananda bhikkhu navaa acirapabbajitaa adhunaagataa ima.m dhamma-vinaya.m,||
te vo Aananda bhikkhu imesu pa~ncasu dhammesu samaadapetabbaa,||
nivesetabbaa,||
pati.t.thaapetabbaati.|| ||


Contact:
E-mail
Copyright Statement