Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
13. Gilaana Vaggo

Sutta 124

Gilaanuupa.t.thaaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Pa~ncahi bhikkhave dhammehi samannaagato gilaanuupa.t.thaako naala.m gilaana.m upa.t.thaatu.m.|| ||

Katamehi pa~ncahi?|| ||

Na pa.tibalo hoti bhesajja.m sa.mvidhaatu.m;|| ||

Sappayaa-sappaaya.m na jaanaati,||
asappaaya.m upanaameti,||
sappaaya.m apanaameti;|| ||

aamisantaro gilaana.m upa.t.thahati||
no mettacitto;|| ||

jegucchi hoti uccaara.m vaa,||
passaava.m vaa,||
vanta.m vaa,||
khela.m vaa,||
niiharitu.m;|| ||

na pa.tibalo hoti gilaana.m kaalena kaala.m dhammiyaa kathaaya,||
sandassetu.m,||
samaadapetu.m,||
samuttejetu.m,||
sampaha.msetu.m.|| ||

Imehi kho bhikkhave pa~ncahi dhammehi samannaagato gilaanuupa.t.thaako naala.m gilaana.m upa.t.thaatu.m.|| ||

 


 

Pa~ncahi bhikkhave dhammehi samannaagato gilaanuupa.t.thaako ala.m gilaana.m upa.t.thaatu.m.|| ||

Katamehi pa~ncahi?|| ||

Pa.tibalo hoti bhesajja.m sa.mvidhaatu.m;|| ||

sappaayaasappaaya.m jaanaati,||
asappaaya.m apanaameti,||
sappaaya.m upanaameti;|| ||

mettavitto gilaana.m upa.t.thahati,||
no aamisantaro|| ||

ajegucchi hoti uccaara.m vaa,||
passaava.m vaa,||
vanta.m vaa,||
khela.m vaa,||
niharituu.m;|| ||

pa.tibalo hoti gilaana.m kaalena kaala.m dhammiyaa kathaaya,||
sandassetu.m,||
samaadapetu.m,||
samuttejetu.m,||
sampaha.msetu.m.|| ||

[145] Imehi kho bhikkhave pa~ncahi dhammehi samannaagato gilaanuupa.t.thaako ala.m gilaana.m upa.t.thaatun" ti.|| ||


Contact:
E-mail
Copyright Statement