Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
13. Gilaana Vaggo

Sutta 130

Sampadaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Pa~ncimaani bhikkhave byasanaani.|| ||

Katamaani pa~nca?|| ||

~Naatibyasana.m,||
bhogabyasana.m,||
rogabyasana.m,||
siilabyasana.m,||
di.t.thibyasana.m.|| ||

Na bhikkhave sattaa ~naatibyasanahetu vaa||
bhogabyasanahetu vaa||
rogabyasanahetu vaa||
kaayassa bhedaa param mara.naa apaaya.m duggati.m vinipaata.m Niraya.m upapajjanti.|| ||

Siilabyasanahetu vaa bhikkhave sattaa di.t.thibyasanahetu vaa kaayassa bhedaa param mara.naa apaaya.m duggati.m vinipaata.m Niraya.m upapajjanti.|| ||

Imaani kho bhikkhave pa~nca byasanaani.|| ||

 


 

Pa~ncimaa bhikkhave sampadaa.|| ||

Katamaa pa~nca?|| ||

~Naatisampadaa,||
bhogasampadaa,||
aarogyasampadaa,||
siilasampadaa,||
di.t.thisampadaa.|| ||

Na bhikkhave sattaa ~naatisampadaahetu vaa bhogasampadaahetu vaa aarogyasampadaahetu vaa kaayassa bhedaa param mara.naa sugatii.m sagga.m loka.m uppajjanti.|| ||

Siilasampadaahetu vaa bhikkhave sattaa di.t.tisampadaa hetu vaa kaayassa bhedaa param mara.naa sugati.m sagga.m loka.m upapajjanti.|| ||

Imaa kho bhikkhave pa~nca sampadaati.|| ||

Gilaanavaggo tatiyo.|| ||


Contact:
E-mail
Copyright Statement