Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Pa~ncaka Nipaata
14. Raaja Vaggo

Sutta 133

Dhammaraaja Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Yo pi kho bhikkhave raajaa cakkavatti dhammiko dhammaraajaa so pi na araajaka.m cakka.m vattetiti.|| ||

Eva.m vutte a~n~nataro bhikkhu Bhagavanta.m etad avoca:|| ||

"Ko pana bhante ra~n~no cakkavattissa dhammikassa dhammara~n~no raajaa" ti?|| ||

"Dhammo bhikkhuu" ti Bhagavaa avoca.|| ||

"Idha bhikkhu raajaa cakkavatti dhammiko dhammaraajaa||
dhamma.m yeva nissaaya||
dhamma.m sakkaronto||
dhamma.m garu karonto||
dhamma.m apacaayamaano||
dhammaddhajo||
dhammaketu||
dhammaadhipateyyo||
dhamimika.m rakkhaavara.nagutti.m sa.mvidahati antojanasmi.m.|| ||

Puna ca para.m bhikkhu raajaa cakkavatti dhammiko dhammaraajaa||
dhamma.m yeva nissaaya||
dhamma.m sakkaronto||
dhamma.m garukaronato||
dhamma.m apacaayamaano||
dhammadadhajo||
dhammaketu||
dhammaadhipateyyo||
dhammika.m rakkhaavara.nagutti.m sa.mvidahati khattiyesu anuyuttesu,||
balakaayasmi.m,||
braahma.nagahapatikesu,||
negamajaanapadesu,||
sama.nabraahma.nesu,||
migapakkhisu.|| ||

[150] Sa kho so bhikkhu raajaa cakkavatti dhammiko dhammaraajaa||
dhamma.m yeva nissaaya||
dhamma.m sakkarontaa||
dhamma.m garukaronto||
dhamma.m apacaayamaano||
dhammaddhajo||
dhammaketu||
dhammaadhipateyyo||
dhammika.m||
rakkhaavara.nagutti.m||
sa.mvidahitvaa||
antojanasmi.m,||
dhammika.m rakkhaacara.nagutti.m sa.mvidahitvaa khattiyesu anuyuttesu,||
balakaayasmi.m,||
brahma.nagahapatikesu negamajaanapadesu,||
sama.nabraahma.nesu,||
migapakkisu,||
dhammen'eva cakka.m pavatteti,||
ta.m hoti cakka.m appativattiya.m kenaci manussabhutena paccatthikena paa.ninaa.|| ||

Evam eva kho bhikkhu Tathaagato araha.m sammaasambuddho dhammiko dhammaraajaa||
dhamma.m yeva nissaaya||
dhamma.m sakkaronto||
dhamma.m garukaronto||
dhamma.m apacaayamaano||
dhammaddhajo||
dhammaketu||
dhammaadhipateyyo||
dhammika.m rakkhaavara.nagutki.m sa.mvidahati bhikkhusu.|| ||

Evaruupa.m kaayakamma.m sevitabba.m,||
evaruupa.m kaayakamma.m na sevitabba.m,||
evaruupa.m vaciikamma.m sevitabba.m,||
evaruupa.m vaciikamma.m na sevitabba.m,||
evaruupa.m manokamma.m sevitabba.m,||
evaruupa.m manokamma.m na sevitabba.m,||
evaruupo aajiivo sevitabbo,||
evaruupo aajivo na sevitabbo,||
evaruupo gaamanigamo sevitabbo,||
evaruupo gaamanigamo na sevitabbo" ti.|| ||

Puna ca para.m bhikkhu Tathaagato araha.m sammaasambuddho dhamimiko dhammaraajaa||
dhamma.m yeva nissaaya||
dhamma.m sakkaronto||
dhamma.m garukaronto||
dhamma.m apacaayamaano||
dhammaddhajo||
dhammaketu||
dhammaadhipateyyo||
dhammika.m rakkhaavara.nagutti.m sa.mvidahati bhikkhuniisu||
evaruupa.m kaayakamma.m sevitabba.m,||
evaruupa.m kaayakamma.m na sevitabba.m||
evaruupa.m vacikamma.m sevitabba.m||
evaruupa.m vacikamma.m na sevibba.m||
evaruupa.m manokamma.m sevitabba.m,||
evaruupa.m manokamma.m na sevitabba.m,||
evaruupo aajiivo sevitabbo,||
evaruupo aajivo na sevitabbo,||
evaruupo gaamanigamo sevitabbo,||
evaruupo gaamanigamo na sevitabboti.|| ||

Upaasakesu||
evaruupa.m kaayakamma.m sevitabba.m,||
evaruupa.m kaayakamma.m na sevitabba.m||
evaruupa.m vacikamma.m sevitabba.m||
evaruupa.m vaciikamma.m na sevitabba.m,||
evaruupa.m manokamma.m sevitabba.m,||
evaruupa.m manokamma.m na sevitabba.m,||
evaruupo aajivo sevitabbo,||
evaruupo aajivo na sevitabbo,||
evaruupo gaamanigamo sevitabbo,||
evaruupo gaamanigamo na sevitabbo ti.|| ||

Upaasikaasu:||
evaruupa.m kaayakamma.m sevitabba.m||
evaruupa.m kaayakamma.m na sevitatabba.m,||
evaruupa.m vaciikamma.m sevitabba.m,||
evaruupa.m vaciikamma.m na sevitabba.m,||
evaruupa.m manokamma.m sevitabba.m,||
evaruupa.m manokamma.m na sevitabba.m,||
evaruupo aajivo sevitabbo,||
evaruupo aajivo na sevitabbo,||
evaruupo gaamanigamo sevitabbo,||
evaruupo gaamanigamo na sevitabbo" ti.|| ||

Sa kho so bhikkhu Tathaagato araha.m sammaasambuddho [151] dhammiko dhammaraajaa||
dhamma.m yeva nissaaya||
dhamma.m sakkaronto||
dhamma.m garukaronto||
dhamma.m apacaayamaano||
dhammaddhajo||
dhammaketu||
dhammaadhipateyyo||
dhammika.m rakkhaavara.nagutti.m sa.mvidahitvaa bhikkhusu,||
dhammika.m rakkhaavara.nagutti.m sa.mvidahitvaa bhikkhuniisu,||
dhammika.m rakkhaavara.nagutti.m sa.mvidahitvaa upaasakesu,||
dhammika.m rakkhaavara.nagutti.m sa.mvidahitvaa upaasikaasu,||
dhammen'eva anuttara.m dhammcakka.m pacatteti,||
ta.m hoti cakka.m appativattiya.m sama.nena vaa braahma.nena vaa devena vaa maarena vaa brahmunaa vaa kenaci vaa lokasminti.|| ||


Contact:
E-mail
Copyright Statement